Deciphered -=ViceRylle=-

Chapter 9

Toni: Oo. Iba ang pasabog mo ngayon eh. Sabi ko nga sa 'yo kanina sa dressing room, first time kitang iinterviewhin na parang di ko alam ang gagawin kong approach.

Vice: Hahaha. Okay lang ako, Toni. Sasagutin ko lahat ng mga tanong na kaya kong sagutin. Kapag hindi kaya, hindi ko rin pipilitin.

Toni: Sige umpisahan na lang natin kasi di ba noong Yahoo Awards, nakita kita do'n kasama mo si Karylle tapos kayo ang nanalo as Celebrity Love team yata of the year.

Vice: Oo. Grabe... parehas kaming natatawa sa award na 'yan pero dahil nagsakripisyo ang mga Babies namin ni K, sobrang nagpapasalamat kami.

Toni: Marami talagang natutuwa sa love team niyo, ano?

Vice: Palagay ko. Mukhang dumarami na nga sila. 'yong mga anak namin. Hahaha. Ansabe ng mga anak namin!!!

Toni: Kung maka-anak ka nga hahaha. Pero teka, tingin mo bakit may kilig factor 'yong loveteam niyo ni Karylle despite na alam ng lahat na bakla ka tapos si Karylle babaeng babae?

Vice: Hindi ko rin alam. Haha. Di ko alam kung bakit kilig na kilig sila sa amin.

Toni: Ito na lang, Vice. Few months ago, lumabas ang balita tungkol sa naudlot na kasalan nina Karylle at Yael. Both parties, hindi na nagbigay ng pahayag. Pero bago pa mangyari 'yon, nagkaroon din ng balita na nagkaroon kayo ng di pagkakaunawaan nina K at Yael. And then nito lang, after ng Awards night, sinabi mo sa media na totoong girlfriend mo na si Karylle. Nagulat ang lahat at nagkaroon na nga ng mga conclusion na, ikaw ang naging dahilan ng paghihiwalay ng dalawa.

Vice: Ahmm... *nag-isip* Toni, kasi medyo komplikado kung sisimulan ko 'yan sa nangyari sa kanila. May mga tao kasing wala naman sa showbiz na maaapektuhan. May taong mahuhusgahan. May taong masasaktan. Siguro ganito na lang... No'ng nagsisimula pa lang sa Sine Mo 'To, sa Showtime, ang Vicerylle okay pa. Katuwaan lang. Masaya lang. Trip-trip lang. Hanggang sa kami ni Karylle sobrang naging malapit sa isa't isa. Araw-araw kaming magkasama. On-cam at minsan kahit sa labas ng trabaho kasama ko na siya pero madalas naman no'n kasama rin si Yael. Kaming tatlo, wala namang naging problema. Hanggang dumarami ang moments namin ni K sa Showtime. Naging sweet kami sa isa't isa. Siguro... Siguro... Lumampas kami sa limitasyon ng pagiging isang kaibigan. Mayroong nahulog ang loob.

May ilang tao sa studio noon ang napatili.

Toni: Okay linawin natin 'yan ha. Dahil sa loveteam, naging malapit kayo sa isa't isa ni Karylle at may na-develop sa inyong dalawa. Sino ang unang na-develop?

Vice: Palagay ko hindi naman na importante kung sinong nauna. Basta no'ng napag-usapan namin ang tungkol doon, we remain to be good friends. Gano'n lang.

Toni: Walang namagitan?

Vice: *Umiling.* Wala. I was in a relationship that time pa, Toni. Tapos siya, seriously committed din kay Yael.

Toni: Ano ng nangyari? Paano na naging kayo?

Vice: *natawa* Nanuno yata kaming dalawa haha. Pero kidding aside, medyo biglaan kasi walang ligawan na nangyari... Nagsimula kami na komplikado ang sitwasyon kaya siguro kahit kami naguguluhan. Basta lang ang sigurado kami ngayon, masaya kaming dalawa. Walang halong showbiz.

Toni: Vice, ano ang tunay na sitwasyon kina Karylle at Yael?

Vice: Ayokong magsalita para sa kanila.