--
He's tired of breathing
Without noticing
Covered with his cold air
He really wants to end this
--
Naglalakad ako sa hallway
at hinahanap si Bluemoon.
Kanina pang umaga, hindi siya
nagpapakita saakin, kahit chat
hindi siya nagpaparamdam.
Nakarinig ako ng bulungan
sa room nila Bluemoon kaya
pagkarating ko roon, puro sigawan
ang naririnig ko. Agad akong
pumunta sa loob at nakita kong
kinukwelyuhan ni Bluemoon si Peter.
Nanlaki ang mga mata ko.
"Peter! Tama na kasi!"
"Ganyan diba Blue? Palagi mong
pinaparamdam na palagi kami
ang mali?" Nakangisi si Peter at nakikita
ko ang galit sa mga mata ni Bluemoon.
"Tangina 'wag niyo akong
hawakan!" sigaw ni Peter kaya
nagsiatrasan ang Sabgwa na
sinubukang awatin sila.
"Hindi naman ako nagreklamo
na gusto mo si Cane eh. Pero
bakit nagsalita ka tungkol saamin
ni Zerina?"
Nagsitahimikan ang lahat
ng tao sa tanong ni Peter.
"Wala akong sinabi tungkol sainyo."
"Ah talaga? Sinuntok mo
nga ako noon eh. Bakit?
Lahat ba susunod sa'yo?
Galing mo 'no? Tapos ngayon
aalis ka sa Sabgwa. Ganyan
ka ba kababaw?"
Inangat ni Bluemoon
ang kamao niya.
"Bluemoon!" sigaw ko kaya
napatigil siya at napatingin
saakin. Ang kaninang galit ay
napalitan ng sakit nang
makita akong nagluluha.
Akala ko, okay na?
"No," bulong ko pero
hindi pa niya binibitawan
ang kwelyo ni Peter.
"Walang aawat saamin,"
nakakatakot na banta ni
Bluemoon at sinenyasan si Arch
na nasa likuran ko na takpan
ang mga mata ko para hindi makita
ang away nila.
Nanginginig ang buong katawan
ko nang nakakarinig ako ng malalakas
na suntok at sapakan mula sakanila.
Napahawak ako sa kamay ni Arch na
nakatakip sa mga mata ko para humikbi.
"Patigilin mo sila, Arch.. please.."
nagmamakaawa ako at nakakarinig
na ako ng sigawan na itigil nila ang
pag-aaway nila.
"Gusto ka ni Sugarcane,
napapansin mo ba? Tumitingin
ka pa sa iba! Kaya ka nasasaktan eh!"
"'Wag kayong tumigil! Tangina!
Magpatayan nalang kayo!
Nagkahiyaan pa kayo!" Napatigil
ang lahat nang sumigaw si Simon
kaya inalis ko ang kamay ni Arch
at unang hinanap si Bluemoon
na nakahiga sa sahig. Hawak-hawak
pa siya ni Peter at napatigil sila
dahil sa sigaw ni Simon.
"Oh!? Bakit kayo tumigil!?
Pesteng buhay naman oh!
Hindi na kayo mga bata para
mag-away!" Galit na galit si
Simon at nanatiling tahimik
ang buong silid.
Agad akong umalis sa
pwesto ko at pumagitna
kina Peter at Bluemoon.
"Tama na.. please," bulong ko
kay Peter at binitawan niya si
Bluemoon.
