"သားသားရေ လေးလေးသုစီလာပါဦး"ဆိုပြီး ကိုသု လက်နှစ်ဖက်ကို ဆန့်ပြီး တူးတူးကိုခေါ်လျှင် "ဘာလေးလေးလဲ ကိုကြီးဆိုတော်ရောပေါ့ တော်တော်လူကြီးဖြစ်ချင်နေတာ"ဟု အမြင်ကတ်ကတ်ဖြင့်ပြန်ပြောလျှင် မမတို့ပါ ရယ်ကြလေသည်။
"ဟော သားသု ရောက်နေတာလား" ဆိုပြီး မေမေ ဧည့်ခန်းထဲ ဝင်လာသည်ကို မြင်တော့ ကိုသုက "ဟုတ်တယ် မေမေနု သား ဘေးဘေးကို လပြည့်ည ဘုရားသွားဖို့ လာခေါ်တာ "ဟု ပြန်ဖြေလေသည်။
မေမေက "ခေါ်သွားလေ"ဆိုပြီးပြောပေမဲ့ "မလိုက်ချင်ဘူး"ဟုသာ ငြင်းမိလေသည်။
"သားသုနဲ့ ရန်ဖြစ်ကြပြန်ပြီလား"ဆိုပြီး မမကြီးမေးတော့ "
မဟုတ်ပါဘူး မမကြီး ဒီမှာ တူးတူးလေးလည်းပါလာတယ်လေ ပြီးတော့ လပြည့်နေ့ကြ သက်တို့နဲ့ လျှောက်လည်မှာဆိုတော့ ကိုသုနဲ့မသွားချင်တော့လို့ပါ တူးတူးကိုလည်း အချိန်ပေးရဦးမယ်လေ ဟုတ်တယ်မလား တူးတူး"ဆိုပြီး မေးတော့ တူးတူးလေးက ခေါင်းငြိမ့်ပြလေသည်။
"ဒါဆို ဘေးဘေးကို အာဘွားပေးပါဦး "ဆိုတော့ အာဘွား အာဘွား အာဘွားဆိုပြီး သုံးခါတောင်ပေးလေသည်။ ထိုစဉ် ကိုသုက အနားကပ်လာပြီး
"ငါက မင်းတူလောက် အရေးမပါဘူးပေါ့ဟုတ်လား ငါအဲ့ကောင်ကို သိပ်ကြည့်မရတော့ဘူး "ဆိုပြီး ကိုသုကကြိမ်းသည်။ ဘေးဘေး မကြားချင်ယောင်ဆောင်ပြီး ထမင်းစားခန်းထဲသို့ ဝင်လာခဲ့သည်။
မေမေက ကိုသုပါ တစ်ခါတည်းစားခိုင်း၍ မိသားစု ထမင်းဝိုင်းလေးက လူစုံလှသည်။ ခါတိုင်းဆို မေမေရယ် ဖေဖေရယ် ဘေးဘေးရယ် သုံးယောက်တည်း အခုတော့ လူတွေစုံနေသည်မို့ ပျော်စရာပင်။ တူးတူးက ဘေးဘေးပေါင်ပေါ်မှ မခွာ မမကြီးက အတင်းပြန်ခေါ်သော်လည်းမရ။
ကိုသုက ဘေးဘေး စိတ်ဆိုးနေမှန်းရိပ်မိသလို တူးတူးက ဘေးဘေး ဆီက မခွာပဲ တွယ်ကပ်နေသည်ကိုလည်း ကြည့်မရနေသည့်ပုံပါပဲ။ မျက်စောင်းကြီးတစ်ထိုးထိုးဖြင့် ဂြိုလ်ပေးနေသည်ကို မသိချင်ယောင် ဆောင်နေရသည်မှာလည်း ပျော်ဖို့တော့ အကောင်းသား။
YOU ARE READING
Without You
רומנטיקהေကာင္ေလးႏွစ္ေယာက္ၾကားမွာ ငယ္ငယ္ေလးကတည္းက အႏိုင္ယူလာမႈေတြက တစ္ေန႔ သဝန္တိုျခင္းေတြနဲ႔အတူ အခ်စ္အျဖစ္သို႔ေျပာင္းလဲသြားေသာအခါ သုတေက်ာ္ဆိုတဲ့ ခပ္ဆိုးဆိုးေကာင္ေလးရယ္ ျမတ္သုတညီဆိုတဲ့ေကာင္ေလးရယ္...သူတို႔ဘာေတြဆက္ျဖစ္မွာပါလိမ့္္ ေပ့ါေပါ့ပါးပါး အခ်စ္fancyေလးပါပဲ
Part-25
Start from the beginning
