Unspoken Feelings

Paulit-ulit

Akala ko ba di na uulit si puso?

Sabi mo pa'y tanga'y di na uso

Nangako kang di na magpapakatuso

Pero bakit heto't wala ka na naman sa wisto

Isang buwan kang nagpatagaga't nagtiis

Pero isang sorry lang bumigay ka na sa tamis

Di ko mawari kung ako lang ba ang nagpapakamalabis

Pero alam naman nating iba na tong pagkadungis

Hindi lang puso ang nasira sa inyong relasyon

Unawain mong dinungisan niya rin ang iyong reputasyon

Sana'y madala ka na sa drama't aksyon

Hindi kayo maaari sana'y maunawaan mo ang leksyon

Mahirap bumitaw sa taong kinapitan mo ng husto

Pero wala ng puwang ang pagtiis kung di na niya gusto

Alam mong masakit na pero di ka parin natututo

Kailan ka ba bibitaw ng totoo?

Paulit-ulit mo siyang iniiyakan

Pinipilit mong ikaw ay balikan

Saan bang parte ang di mo maunawaan?

Bakit hanggan ngayon di ka parin tumatahan?

Kalikutin mo pa ang memorya

Wala ka na talaga sa estorya

Iba na ang gumaganap na bida

Hindi na ikaw ang kanyang reyna

Oo, masakit ang mawalan

Pero unawain mong hindi siya kawalan

Hindi pa ito ang hangganan

Dahil marami pa ang naghihintay sa iyong paanan

Kung titignan mo kahit saglit

Marami ang sayo'y nakakapit

Di bumibitaw kahit nangangawit

Naghihintay kung kailan titino ang iyong bait

Di ko maintindihan kung bakit ka ba talaga naghahabol

Para kang aso na tahol ng tahol

Kahit puso mo'y kanyang pinagbuhol-buhol

Heto't sa kanya ka pa rin nauulol

Hanggang dito na lang ang aking salita

Alam kong di mo rin naman pakikinggan ang aking balita

Tapat ka sa kanyang hilaw na panata

Kahit na alam mong di para sayo ang mga kataga