عشقني أستاذي

البارت الثاني والثلاثون

زينب :- رجعنا للبيت لگيتهم كلهم مجهزين نفسهم للطلعه ف رحت أنطيت لكل وحده الشغله اللي وصتني عليها وبارق هم أنطه للشباب الأشياء اللي اشتراها الهم.
فتحت شذى حداءها تشوفها بعدها ما طلعتها من الكارتون گالت...

شذى :- يبوووو شنو هاي الحذاء الجايبتها

زينب :- شبيها

ميلاد :- هههههههه هم زين ما انطيناها فلوس وجابتلنا چان صدمتنا مثل صدمة شذى بحذاءها

ضي :- أي والله من البدايه عرفنا ذوقها شنو.
الحمد لله ما دزينا وياها على الشغلات اللي محتاجينها

شذى :- أنتن شبيچن گبل گمزتن.
والله وطلعت زينب داقتچن دق شو حچيتن قبل لا تعرفن السالفه شنو.
أصلا ذوق زينب يخبل وتعجبت بالحذاء اللي جايبتها الي كلش حلوه فدوه اروحلچ تجنن إذا تطلعين مره ثانيه اريدچ تجيبيلي على ذوقچ هم

هاجر :- شگد حلوه ونازكه لو اعرف هيچ چان دزيت وياچ تجيبيلي وحده.
حبابه من تروحين مره ثانيه جيبيلي حذاء على ذوقچ

زينب :- أن شاء الله

إيمان :- باوعن الشال مالتي شگد نازك شكله ولونه.
فدوه زنوبه شكرا

زينب :- عفوا گلبي

شذى :- راح البس هذي الحذاء من نطلع

إيمان :- وأنه راح البس هذا الشال

وسام :- أباوع لزينب شگد فرحانه من عجب البنات ذوقها وگامن وحده وره الثانيه يمدحن بيها وكلهن رادنها تشتريلهن الشغلات اللي يحتاجنها بالمره الجايه من تطلع.
بعدین گلتلهم...
يلا شباب نروح ترا تأخرنا

الكل :- أي أستاذ

وسام :- طلعنا من البیت وچان مرتضى مجهز السياره ينتظرنا بالباب.
صعدو بالسياره البنات گعدن گدام والولد وره وكلها محتفله بالطلعه وما احچيلكم على الشباب ذبو لحم بالسياره مطلعين أغاني ويرگصون وماكو 😂 والبنات بس يباوعن ويضحكن عليهم شلون مخبلين طبعا أعقل وحده حبيبتي 😍 ما حچت ولا سوت شي بس گاعده وساكته رحتلها فدوه.
وصلنا لمدينة الألعاب ونزلو الشباب كلهم من السياره فرحانين ودخلنا كلنا هناك فرشنا فراش على الثيل (الزرع الأخضر اللي بالگاع) وگعدنا ومدينا سفرتنا وخلينا الأكل والشباب ياكلون ويشاقون ويضحكون يعني كلش مبين عليهم الفرح.

زينب :- وصلنا لمدينة الألعاب بس چانت تخبل والجو كلش حلو فرشنا واكلنا وضحك وسوالف.
خلصنا أكل رحنا نلعب بالألعاب والشباب كلمن يگول أنه راح اصعد بهاي اللعبه وأكو بيهم تلعب نفسهم ما يصعدون العاب بس يباوعون النا.
أنه وشكم طالب أختارينا لعبة الموت نصعد بيها وهي عباره عن قطار يمشي على سكه حديد بس شنو السكه صاعده ونازله والقطار ينگلب ويمشي بالعكس يعني روسنا جوه ورجلينا فوگ وكلش سريع عبالك روحك تريد تطلع.
راح بارق يگول لأستاذ وسام على اللعبه اللي نريد نصعد بيها...