عشقني أستاذي

البارت السابع والعشرون

زينب :- بعد ما طلعنا للجامعه أستغربو الطلاب لأن ماكو سياره تاخذهم لهناك ف گال علي (واحد من طلاب الماستر اللي أجو يدرسون بإيران)...

علي :- أستاذ أشو ماكو سياره تاخذنا للجامعه

وسام :- راح نروح مشي ما نحتاج سياره (بأبتسامه).
تعالو طلعو للشترع خلي أدليكم على الجامعه

زينب :- طلعنا للشارع باوعنا كومه طلاب لازمين ملازم وسجلات وجنط ولابتوبات ورايحين بأتجاه الجامعه اللي چانت تبعد عن السكن الخاص بينا حوالي ٤٠ أو ٥٠ متر.
ما چنا منتبهين لقربها لسكنا لأن البارحه حيل تعبانين لمن طلعنا من الجامعه.

هاجر :- الحمد لله ربي خلصتنا من طول الطريق

بارق :- هم زين قريبه منا يعني عادي لو نتأخر

وسام :- هلا هلا .
من اليوم أبدي أدور سكن جديد بعيد عن الجامعه لأن شكلكم ما راح تگعدون من النوم بسهوله.

الكل :- هههههههههه

وسام :- يلا نمشي.
طول ما أحنا نسولف زينب واگفه بالأخير وساكته ما حچت أبد بس من ضحكنا أبتسمت إبتسامه قليله ودنگت راسها.
أوووف ربي شنو من بنيه هاي.
وصلنا للجامعه وچانو الطلاب كل ٢ لو ٣ متشاركين الحديث سوه بس هي وحدها وساكته ف أخذتهم على قاعتهم وگعدو منتظرین الأستاذ يجي ياخذهم محاضره.

زينب :- بعد ما وصلنا للجامعه أخذنا أستاذ وسام للقاعه اللي راح ناخذ بيها أول محاضره والطلاب كلمن أختار مكان يگعد بي حتى أنه وچانت رغبتي أگعد بأول ستيج يم الباب وصار مثل ما ردت.
وبقينا گاعدين تقريبا نص ساعه إلى أن أجه (دكتور ماهر) أخذنا المحاضره الأولى واللي چانت من الساعه ٨ ونص الصبح للساعه ١٠ ونص.
بعد ما خلصت المحاضره الأولى واللي أستمرت ساعتين أخذنا أستراحه مدة نص ساعه أجه بيها أستاذ وسام النه يشوف شنو الوضع بعد أول محاضره...

وسام :- تركتهم ورحت بعد ما وصلتهم للقاعه ورجعتلهم بعد ساعتين من كملو المحاضره الأولى گلتلهم...
هاا شباب بشرو شلونها المحاضره الأولى

ضي :- كولش متعبه أستاذ

ميلاد :- أووووف متت من گد ما گعدت بالستيج أحس ظهري مكسور

وسام :- من قبل لا تحچن عرفت شنو راح یکون ردچن (بسمار) .
والبقيه شنو رأيكم

بارق :- من خلال شرح الأستاذ وكلامه الماده صعبه

معاذ :- أعتقد هواي من عدنا ما راح يگدرون ينجحون

شذى :- حيل صعب المنهج أستاذ

علي :- ماده معقده

هاجر :- الماده حيل جافه وصعبه

زينب :- الماده يرادلها تركيز وي الأستاذ واللي يدرس محاضراته ويراجعها كل محاضره بوقتها ويفهمها فهم ويدون كل المعلومات المهمه اللي يلقيها الأستاذ راح ينجح وبدرجات كلش زينه هم ومن أول دور