عشقني أستاذي

البارت الثامن

زينب:-من راح حيدر للموصل أتصلت بيه ريهام وگالتلي ع النتائج

ريهام:-هلو حبي زنوبه

زينب:-يبعد عمري ريهام شلونچ

ريهام:-بخير إذا أنتي بخير.
شلونه العرس وياچ؟

زینب:-ولچ يا عرس سوده بوجهي هذا العرس أي والله

ريهام:-خير زنوبه أصاير وياچ؟

زينب:-صار هواي ريهام هواااي

ريهام:-قلقتيني حيل سولفيلي كلشي

زينب:-مو مال سوالف تلفون يراد گعده

ريهام:-صدگ أتصلت بيچ علمود أگلچ باچر النتائج

زينب:-صدگ؟

ريهام:-أي.
تجين باچر لنتيجتچ؟

زینب:-أگول لحيدر وأشوف إذا قبل أردلچ خبر

ريهام:-ماشي أنتظرچ

زينب:-أوك باي

ريهام:-باي

زينب:-بعد ما گالت ريهام باچر النتائج أتصلت بحيدر وگتله گال روحي اخذيها.
راسلت ريهام وگلتلها مرولي أروح وياكم.
ثاني يوم مرولي للبيت ورحت وياهم وصلنه گالو انتظرو شوي علما يكملون بهاي الأثناء سلمت على صديقاتي وباركولي زواجي.
گعدنه أنه وريهام وسولفتلها على كلشي صار بس هي تعرف بسالفتي كلها لأن هي أقرب شي ألي وما تطلع عليه حچي أبد و وعدتني ما تسولف لأي بشر.
صاحونا أستلمنا النتائج وچنا ناجحين أنه وريهام وزهراء بس والباقي مكملين بدرس لو ٢ لو أكثر.
چان تقديري جيد جداً لأن چنت خيل شاطره وأدرس هواي والأساتذه كلها تحترمني وصرت مرحله ثالثه

(بعد ٢٧ يوم)

زينب:-رجع حيدر من الموصل وبقه هناك كل هاي الفتره لأن چان أنذار وما گدر ينزل مجاز للبيت بس من أجه چان حيل متغير ويصيح عليه ويضربني على أقل شي.
أهله ما يحاچونه ویگولوله لا تضربها لأن يعرفون هو ما يحبني ولا يريدني.
أنه ما چان بيدي شي بس أبچي على اللي جاي يصيرلي وعلى حظي وأسكت أگول بلكي يتصلح وضعه وياي ويبطل يضربني على أقل شي وبدون أي سبب وبلكي تتحسن معاملته وياي بس يصير العكس ويروح للأسوأ.
مره من المرات چنه گاعدين وگمت صبيت الغده وخليته على السفره

حيدر:-زينب

زينب:-هاا حيدر

حيدر:-وين التشريب؟

زينب:-أنت گلت أريد تمن أبيض وباميه

حيدر:-أريد تشريب هسه

زينب:-والله ما مسويه تشريب بالعشه راح أسويلك

حيدر:-بنت خالتي أللي أحبها أسمها حوراء عمرها ١٨ سنه بيضه وطويله وعيون سود وشعرها كيرلي يعني مو ناعم بس هي عاديه حيل.
چنت ضايج من حوراء حيل لأن رايحه لبغداد وما گايلتلي هي تريد تروح واللي تروحلهم أقربائها عدهم شباب ومو خوش شباب كلش مو راحه گلت أطلع حر گة گلبي بزينب.
أجت حطت الغده على السفره وأنه چنت گايللها أريد ماميه وتمن گلتلها وين التشريب گالت ما مسوين گلتلها هسه اريد گالت بالعشه اسويلك أنه گمت الها لزمتها من شعرها وجريتها للغرفه وسديت الباب وقفلته وأخذت الحزام من البنطرون وضربتها لحد ما گمت أشوف جسمها من الدم والزراگ البي و وگعت على حافة المرايه وانضرب راسها وضل ينزف وحلگها وخشمها ينزفن وبعد ما تگدر تگوم من مکانها ولا صوتها يطلع بس تشهگ إلا عفتها

زينب:-گالي حيدر أريد تشريب گتله ما مسوين بالعشه أسويلك ما أحس إلا گاملي وجرني للغرفه من شعري وضربني لحد ما طلع دم من راسي ومن خشمي ومن حلگي بعدين عافني بقيت بس أبچي.
أنه شمسويه حتى يصير وياي هيچ؟
شنو الذنب اللي سويته؟
فدواتك ربي ليش خليتني بهذا الأختبار بعد ما أگدر أتحمل أكثر من هيچ.
أستمر حالي على وضعيته ما تغير شي.
أقترب وقت الدوام بس ما حچيت ويه حيدر عنه گلت خاف يضل يصيح عليه وهو بدون أي شي ما يطيقني.
صدفه سيرو أهلي يمنا وحچت أمي على الدوام گال حيدر...

حيدر:-عمه راح أنطي زينب فلوس وأشتريلها ملابس للدوام لأن أنه راح التحق وما أگدر أطلعها

أم زينب:-صار عمه تدلل

حيدر:-الله يسلمچ عمه

زينب:-فرحت هواي بكلامه بس هم ظليت مستغربه منه ما أعتقدت يقبل أدرس بعد أللي صار والضرب أللي يضربنياه.
وصدگ قبل لا يلتحق للدوام بيوم صاحني حيدر..

حيدر:-زينب

زينب:-هاا حيدر

حيدر:- هاچ هاي ٢٥٠ ألف أشتري ملابس للدوام وإذا ما يكفن گوليلي أنطيچ بعد

زينب:-شكراً ذني كافي

حيدر:-عفواً.
بعم ما ضربتها وأذيتها أنقهرت عليها حيل لأن أضربها بدون سبب وهي ما ألها أي ذنب.
من عرفت الدوام راح يبدي گلت أفرحها شوي وگلت لعمتي راح أنطي لزينب فلوس أخذيها أشتريلها ملابس للدوام شفتها ضحكت

زينب:-أخذني حيدر لبيت أهلي حتى أبقه يمهم لحد ما يرجع من الموصل.
وهاي الأيام أللي بقيت بيها يم بيت أهلي رحت أنه وأمي أشتريت ملابس الدوام وچان عندي فلوس ضامتهم من مصروفي خليتهم فوگ الفلوس اللي انطانياهن حيدر وصادف بوقتها شهر محرم ف أخذت ملابس لونهن أسود بناطير وستر وتونگات وأحذيه وشغلات هواي بعد چنت محتاجتهم.