ရေစိုနေတဲ့ဆံပင်ကြားထဲ လက်နဲ့ထိုးဖွရင်း ပုလဲလုံးလိုဖြူဖွေးနေပြီး ညီညာနေတဲ့သွားတန်းတွေပေါ်အောင် ရယ်နေပြန်သည်...။
" အ "
ခပ်လှမ်းလှမ်းမှာဆော့နေတဲ့ ကလေးတစ်သိုက် ပြေးလွှားရင်းကနေဝင်တိုက်မိတော့ ကိုယ့်ဘက်ယိုင်ထိုးကျလာတာမို့ အမြန်လှမ်းဖမ်းရသေးသည်...။
" ရလား "
" အင်း ရတယ် "
" အား "
ကိုယ့်ဆီကနေရုန်းထွက်ပြီး သဲသောင်ပြင်ဘက်ဆီလျှောက်တော့ ခုနကတိုက်မိသည့်အချိန် ခြေခေါက်သွားပုံရသည်...။
" ဘာဖြစ်တာလဲ "
" ခြေထောက်က နာ...တယ် "
မျက်နှာရှုံ့မဲ့နေတဲ့အသေးလေးခြေထောက်ကို ဒူးထောက်ထိုင်ချပြီး ဆွဲယူကြည့်တော့ အလန့်တကြားဖြစ်သည်...။
" ခြေခေါက်သွားတာနဲ့တူတယ်
လမ်းလျှောက်နိုင်လား "
" နာ.နေ.တယ် "
ငုံ့ကြည့်ပြီးပြောတဲ့အသေးလေးရှေ့ ကျောပေးဒူးထောက်ထိုင်ပေးလိုက်သည်...။
" တက် "
တော်တော်နဲ့တက်မလာတာကြောင့် အနောက်ကိုအသာပြန်လှည့်ကြည့်တော့ မျက်လုံးပြူးပြီးအံ့ဩနေပုံနဲ့...။
" ခြေထောက်နာနေတယ်မလား
တက် "
အဲ့ကျတော့မှ
မဝံ့မရဲနဲ့ကျောပြင်ကိုလာထိကပ်တဲ့ ရင်ခွင်သေးသေးလေး
လက်ဖောင်းဖောင်းလေးနှစ်ဖက်က လည်ပင်းတစ်ဝိုက် မထိတထိလာရစ်ပတ်သည်...။
အားနဲ့ကုန်းထလိုက်တော့ တင်းကြပ်သွားတဲ့လက်တွေ
အဟက်!
ပြုတ်ကျမှာတော့ ကြောက်ရှာသား...။
" ဦးZhangနားမှာ မှဲ့လေးရှိတယ်ရော် "
" ကိုင်လို့ကောင်းလိုက်တာ နားရွက်လေးက "
မှဲ့နက်လေးရှိတဲ့ ဘယ်ဘက်နားရွက်ကို လာဆွဲကိုင်ပြီးသဘောကျနေရှာသည်...။
" မလုပ်နဲ့ "
" လုပ်မှာဘဲ "
" မလုပ်နဲ့ဆို "
" ကိုင်ချင်လို့ပါဆို "
သဘောတကျဖြစ်နေရှာတဲ့အသေးလေးက မလုပ်နဲ့ပြောကာမှ ကျန်တဲ့ညာဘက်နားကိုပါ ထပ်ကိုင်ပြီး တဟိဟိနဲ့ရယ်နေသေးသည် ။
" ပစ်ချခဲ့မှာနော် "
" ပစ်ချရင် ဝမ်၁၀၀၀၀တောင်းမှာ "
တမင်စချင်စိတ်နဲ့ ကျောပေါ်က ကိုယ်လုံးလေးကို ချမည်ဟန်ပြင်တော့ ခြေထောက်သေးသေးလေးက ခါးပေါ်မှာအတင်းကုပ်တွယ်ထားတာ ။
" ဟာ...မလုပ်နဲ့
ခြေထောက်နာလို့ပါဆို "
" ငြိမ်ငြိမ်နေစမ်း! အသေးလေး "
" သူများကိုများ အသေးလေးတဲ့
သူကျ ဘယ်လောက်ကြီးတာကျ "
အသေးလေးရဲ့လှုပ်ရှားမှုတွေ ရပ်တန့်သွားပေမယ့် ပွစိပွစိဖြစ်နေမယ့် နှုတ်ခမ်းလေးကတော့ ဆူထော်နေဦးလိမ့်မည် ။
💕💕💕💕💕💕
ညစာတွေစားပြီးတဲ့နောက် နေ့လည်ကအတွင်းရေးမှူးဆီမှ မေးလ်နဲ့လှမ်းပို့လိုက်သည့် စာရင်းတို့ကို တစ်ချက်စစ်ကြည့်ရသည်...။
အထွေအထူးတုန့်ပြန်စရာမရှိသည်ကြောင့် လက်စသတ်လိုက်ရင်း အိပ်ဖို့ပြင်တော့ ကုတင်ပေါ်ကအသေးလေးက တစ်ခုခုပြောချင်နေပုံ...။
" ဟိုလေ ခြေထောက်ကနာလို့ အဲ့ဒါ "
ချည်သားဘောင်းဘီရှည်ကို ဒူးခေါင်းထိလိမ့်တင်ပြီး ခြေချင်းဝတ်နားကိုကြည့်တော့ ညိုမဲစွဲနေပြီ...။
လက်နဲ့အသာလှည့်ကြည့်တော့ ဆတ်ခနဲတွန့်ဆုတ်သွားပုံအရ အတော်လေးနာနေတာဖြစ်မည်...။
ဒဏ်ကြေဆေးလိမ်းပေးပြီး အနည်းငယ်နှိပ်နယ်ကာ ပတ်တီးစနဲ့စည်းပေးထားလိုက်သည်...။
" မနက်ကျရင်တော့ သက်သာလောက်မှာပါ "
" ကျေးဇူးတင်ပါတယ် "
" အိပ်ကြရအောင် "
" ဟုတ် "
ကိုယ်တိုင်လှဲချပြီး သိပ်မကြာလိုက် နစ်ဝင်သွားတဲ့တစ်ဖက်မှာ အသေးလေးသည်လည်း အိပ်စက်အနားယူနေခဲ့ပြီ...။
ကုန်ဆုံးခဲ့သည့်တစ်နေ့တာအချိန်က စိတ်ညစ်ရသည်တော့မဟုတ်ပေမယ့် ကလေးထိန်းတစ်ယောက်လို အလုပ်ရှုပ်ခဲ့ရပါသည် ။
TBC-----
ယူတို့ရော ခြေခေါက်ပြီး လမ်းမလျှောက်နိုင်တဲ့အခါမျိုးကျ...ကုန်းပိုးပေး ဆေးလိမ်းပေးမယ့်သူရှိလား...? 😢
💕 3 💕
Start from the beginning
