نهاية وعد بداية حب - منى سليمان (الجزء الأول لسلسلة نهاية وعد)

الفصل الحادي عشر... بقلمي منى سليمان

الفصل الحادي عشر

* وحدي معك *

غادر جاسر غرفتها وهو يكتم ضحكته بصعوبة و بمجرد خروجه أنفجر ضاحكا

جاسر: هههههه البت دي شكلها مجنونة و هتطير البرج اللي فاصل في نفوخي هههههه

بعد دقائق من الضحك ذهب جاسر إلى موظف الاستقبال بالفندق

جاسر: صباح الخير

الموظف: صباح الخير يا فندم، تحت أمرك

جاسر: محتاج يخت صغير أطلع بيه

الموظف: تحت أمرك، حالا هبعت مع حضرتك حد يسوق اليخت

جاسر: لا أنا هسوقه بنفسي حتى لو تكلفته أغلي

الموظف: زي ما حضرتك تحب

أنهى جاسر إجراءات تأجير اليخت ثم هاتف سلمى

سلمى: الو

جاسر: جاهزة ؟

سلمى: اه

جاسر: طيب أنزلي أنا مستنيكي تحت

سلمى: حاضر

بمجرد أن أنهت سلمى المكالمة، نزلت إلى جاسر

سلمى: هدومي كويسة ؟

كانت سلمى ترتدي فستان أبيض اللون ، طويل و ذو حملات عريضة و وضعت على كتفيها شال زهري ورفعت شعرها على هيئة زيل حصان

جاسر: كويس بس مش خفيف شويا، أكيد لما الشمس تمشي الجو هيبرد

سلمى: لا الجو حلو

جاسر: جيبتي المايوه اللي هتموتي عليه ؟!

سلمى: اه في الشنطة، هو أحنا هنروح فين ؟!

جاسر: تعالي أفطري الأول و بعدين هتعرفي

سلمى: لا مش جعانة

جاسر: أنتي ما أكلتيش حاجة من الصبح

سلمى: " ببراءة " لا أكلت و أنا بغير هدومي كيس شيبسي

جاسر: " بسخرية " سلمى أنتي متأكدة أن عندك ٢١ سنة ؟!

سلمى: " ببراءة " تحب تشوف البطاقة

جاسر: هههههههه يلا يا سلمى هتموتيني من الضحك و أنا لسه في عز شبابي ههههههههه

سلمى: " بغضب " والله ؟!

أمسك جاسر يد سلمى و ذهبوا سويا إلى اليخت الذي أستأجره

جاسر: يلا أطلعي

سلمى: هنروح لوحدنا ؟!

جاسر: ايوه

سلمى: أنا خايفة يزعلوا مننا

جاسر: طول ما أنتي معايا ما تخافيش

قال جاسر كلماته ثم أبتسم لها فصعدت سلمى إلى اليخت