حينما يخدعك القدر تعتقد أنها النهاية... ولكن بمرور الأيام تكتشف أنها البداية
نهاية وعد ... بداية حب - الجزء الأول بقلمي منى سليمان
ممنوع النقل أو الاقتباس، الرواية مسجلة بالملكية الفكرية التابعة لوزارة الثقافة المصرية دائرة حقوق المؤلف ..... رقم إيد...
في صباح يوم مشمس استيقظت يارا مبكرا لتذهب إلى الجامعة فاليوم هو أخر يوم في امتحانات منتصف العام الدراسي فهي طالبة في السنة النهائية لكلية الهندسة ، نهضت يارا عن فراشها و أبدلت ثيابها وتناولت طعام الإفطار مع والدها رجل الأعمال بهاء الكافي ، ثم غادرت مسرعه إلى الجامعة حيث قابلت صديقة طفولتها وزميلتها في الجامعة مي وبعد انتهاء الامتحان قررت يارا الخروج برفقة مي
يارا: أنا مش مصدقة أن الامتحانات خلصت
مي: اللي يسمعك يفتكر أنها امتحانات أخر السنة ، شكلك ناسيه الترم التاني
يارا: كلها كام شهر وأتخرج وأتعين معيدة في الجامعة
مي: يارب يا يارا تحبي وتتجوزي وتقعدي في البيت هههههههههه
يارا: أنا أحب!! مستحيل طبعا
مي: يا مجنونة مفيش أحلي من الحب
يارا: و الله ما حد مجنون غيرك وشكلك هتموتي وتتجوزي ههههههه ربنا معاك يا سامح
مي: ماشي يا يارا ، المهم هنروح فين دلوقتي ؟
يارا: تعإلى نتغدي ونروح نشتري شوية حاجات من المول
مي: هنروح بعربيتك علشان أنا جاية الصبح مع خطيبي حبيبي
يارا: هههههه طيب يلا أنا ركنتها بره الجامعة ، خوفت ما الأقيش مكان جوه الجامعة أركن فيه
خرجت يارا برفقة مي التي كانت تطلق النكات ما جعل يارا تضحك بشدة أثناء عبورها الطريق ولم تنتبه للسيارة القادمة لكن سائق السيارة استطاع أن يوفقها قبل أن تصدمها ثم ترجل من السيارة
جاسر: مش تفتحي
يارا: أفندم !!
جاسر: ياريت تاني مرة بلاش دلع وأنتي بتعدي الشارع
يارا: احترم نفسك يا بتاع أنت
جاسر: أنتي قليلة الأدب
يارا: أتكلم كويس
جاسر: أنا أتكلم زي ما يعجبني ، واحدة مش محترمة
تركها جاسر وعاد إلى سيارته و أنطلق مسرعا تاركا يارا في قمة غضبها
مي: خلاص بقي يا يارا ما تزعليش
يارا: أزاي يتكلم معايا كده ، هو فاكر نفسه مين ؟!
مي: خلاص بقي ما أنتي كلام هزقتيه
ذهبت يارا بصحبة مي ومر الوقت سريعا وعادت يارا إلى منزلها وبعد مرور يومين استيقظت يارا مبكرا و أبدلت ثيابها و استعدت للخروج برفقة مي
يارا: صباح الخير يا بابي
بهاء: صباح النور ، الجميل صاحي بدري ليه في الاجازة ؟!
يارا: هعدي على مي علشان هنقضي اليوم في النادي
بهاء: هتخرجي أزاي وعربيتك في الصيانة ؟
يارا: هركب تاكسي
بهاء: أزاي تركبي تاكسي لوحدك، خليها تعدي عليكي
يارا: أولا إيه المشكلة في إني أركب تاكسي ، ثانيا بقي حضرتك عايزني أجيب مي من مصر الجديدة لمدينة نصر علشان تاخدني وبعدين نرجع مصر الجديدة تاني علشان نروح النادي ، ثالثا بقي حضرتك السبب علشان خلتنا نسيب مصر الجديدة ونعيش في مدينة نصر
بهاء: أنا عارف أن دماغك ناشفه زي مامتك الله يرحمها ، روحي بس خلي بالك من نفسك
يارا: من عينيا يا حبيبي ، سلام
بهاء: أفطري معايا الأول
يارا: معلش يا بابا مستعجلة أوي
بهاء: طيب أستني هعملك سندوتشات خديهم معاكي
يارا: يا بابا والله العظيم أنا كبرت
بهاء: امسكي بلاش دلع
ودعت يارا والدها بقبلة على وجنته ثم ذهبت إلى منزل صديقتها
مي: إتأخرتي ليه ؟
يارا: معلش على ما لقيت تاكسي
مي: طيب يلا أركبي
يارا: لا المسافة من ميدان الحجاز للنادي صغيرة تعإلى نتمشي الجو حلو
مي: ماشي يا مغلباني
أثناء ذهاب يارا ومي إلى النادي سيرا على الأقدام ، اقتربت منهم دراجة نارية يستقلها شخصان وسرعان ما جذب أحدهما حقيبة يارا فسقطت على الأرض وتجمع المارة حولهم
مي: أنتي كويسة ؟
يارا: اه
مي: الشنطة كان فيها حاجة مهمة ؟
يارا: المحفظة والفلوس والمحفظة كان فيها البطاقة ورخصة العربية وكارنية الكلية والفيزا ، بس الحمد لله التليفون في جيبي
احد المارة: يا بنتي لازم تعملي محضر في القسم
يارا: ضروري ؟
احد المارة: اه طبعا وعموما القسم مش بعيد
مي: شكرا يا عمو ، يلا يا يارا نروح القسم
ممنوع النقل أو الاقتباس، الرواية مسجلة بالملكية الفكرية التابعة لوزارة الثقافة المصرية دائرة حقوق المؤلف ... رقم إيداع ١١٢٥٦ لعالم ٢٠١٨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
