"ساره"

الفصل التاسع

عندما دخلت ساره غرفتها تتوسل النوم يأتيها حتي يريحها من عذاب افكارها ،لم تستطع مقاومه نفسها في ان تفتح هاتفها لتتأكد هل اتصل بها او لا،

وعندما فعلت جاءتها الرساله المطلوبه ٤٥ مكالمه لم تصلك،كادت تجن ....حتي رن هاتفها وكان هو حمزه

فردت عليه "اتصلت خمسين مره"

ساره"عرفت"

حمزه "قفلتي تليفونك ليه؟؟"

ساره"البطاريه ماتت عادي بتحصل علي ماشحنته"

حمزه "عموما مطلوب منك تسمعيني لاخر جمله"

استمعت بتوتر ويدها ترتعشان خوفا وحيره

مرت ثوان كأنها دهرا وهو يأخذ نفس عميق بصوت مسموع....ثم قال بطريقه جديه

"انت انسانه مجنونه معندكيش ريحه العقل كل اللي بيجي علي دماغك تقوليه ببساطه كل اللي يطلع في راسك تعمليه بساذجه،انا مش هنسي انك وقفتني في الجامعه في يوم بصتيلي وسبتيني ومشيتي ومش هنسي الكلمه اللي قلتيها لي يوم ما اتقابلنا في الكافيه

عايزاني اطلع من دماغك!!!

عايزاني اطلع من دماغك ...........اطلعي من دماغي انتي الاول

ساره انت فتنه ماشيه على الارض،وانا اول الضالين"

.......................

انا سألت نفسي ميت مره بعد كلمتك ليا في الكافيه

ايه يخلي واحده زيك تحط واحد زيي في دماغهاملقتش غير مبرر واحد "

ساره"اللي هو؟"

حمزه "اللي هو انك مجنونه ،و دا ريحني جدا "

ساره"!!!!!"

حمزه "انا مش مضطر اواجهه العالم بعقلي المجنون لوحدي ،الحمد لله لقيت نصي التاني بيدور عليا ويحلم بيا ،لما. بصيت في وشك واحنا بتكلم اول مره جسمي اتنفض منك"

قالت ساره وهي في قمه ذهولها وسعادتها من كل كلمه ينطق بها "....ليه؟!"

فرد عليها حمزه بصوت اكثر جديه ...

"لانك كنتي بتتكلمي وجسمك باين عليه الارتجاف انا حسيت بنبضك وهو بيزيد من نفسك وانتي بتتكلمي غصب عني ارتجفت من خوفي عليكي لوهله حسيتك اختي اللي كان نفسي فيها حسيت اني لازم اشيلك من علي الارض واجري اخبيكي في مكان بعيد عن الناس "

كانت تطير عن الدنيا تحلق بعيدا عن جسدها عن جدران غرفتها وبيتها بكلامه.

تلك الليله التي بكت في اولها غابت عن وعيهها في اخرها سعاده وبهجه...

اخذ يكلمها عن امه وابوه وشده تعلقه بهم،وحكي لها عن اصحابه الذين يعوضونه الاخوه.

وسألته عن حبه الاول فكانت اجابته"كل واحده بحبها بعتبرها حبي الاول عشان بنسي اللي قبلها "

ساره "ليه هما كام واحده"

حمزه "هما اتنين واحده اتجوزت والتانيه طلعت شمال ومش هقول عنهم اكتر من كده لانهم فعلا بره حياتي "

أخذ يكلمها عن الرياضه وعشقه لها ،واخذ يقدم لها الامور ان لديه شغف باشياء اخري سيكشفها لها مستقبلها معه .

يتبع