الجزء الرابع عشر
الكاتبه ام زهراء
ضليت ميته قهر ماعرف شسوي بس الدموع تصب ..
خوله //شبيج نوره
نور// خووله خل احجيلج راح امووت قهر والله
خووله// شكو ولج خوفتيني
نور/// هاي سالفتي......... ??
خوله// تحبين علي ابو المحل الجمله
نور// اي والله خووله وراح امووت شسوي
خووله// هذا مزوج ويحب زوجته وزوجته صديقت اختي وتكوول يحبها كلش
نور// خوله هس ماعلينه يحبها لولا شلون اتاكد شلون صار فدوووه
خووله// اوكفي خل اخابر اختي واكوول الها اني شفته وكع مو انتي واكول الها خطيه اطمئني علئ زوجته
نور// اي فدووووه خولي كلبي نار
خووله// الووو .. هله رنس.. اكلج مساع شفت علي زوج زينب وكع خطيه خابري زينب وتاكدي شلوون صار.... شنو شعليه خاف مات خطيه
نور// لااا اسم الله
خوله// يله انتظر رد منج بسااااع
نور**** ضليت علئ اعصابي
خووله//دك تلفوونها*** ها.... ها اي خووش الحمدلله
نور//شكوو
خوله// تكول اختي رنس. فقد بس وهسه اخذوه للمستشفئ وكالو كولشي مابيه . يمكن ارهاق او تعب من الشغل والاغراض الي يشيلون بيها
نور/// الحمدلله .. هسه ارتاحيت
دزيت رساله اله
نور// نظر عيني كون التعب مالتك يندار بيه : مساع من شفتك وكعت يك باب المحل كلبي وكع بمكانه ماكدرت انزل لان ابو الخط موجود وخوله اجت
زينب// اجت رساله لعلي وهو كان موبايله بالصاله وهو نايم بالغررفه فتحته اني قريته عرفتها هيه هاي الي عافني وعاف كلبي علموودها جاوبته ردت اعرف منو هي
زينب// الحمدلله صرت زينه بس وين شفتيني
نور// اباب المحل شبيك يكلبي جاي ننتظر خووله
زينب// وين رحتوو
نور// شبيك يكلبي للدوام
زينب// ياخووله قصدج
نور// علي بيك شئ خوله جيرانكم بنت ابو علي ..
زينب /// ها راح انام اني هس لاتتصلين عليه . زوجتي يمي وماريدها تشك .. خاف تزعل ومااقبل علئ زعلها.. اوك
نور// ماشي***** طبعا علي اول مره هجي يحجي وياي هو يعرف اني انتظر يم المحل ويعرف خووله منو .. اول مره يحجي عن زوجته ويكول لاتراسلين
ضليت بشك
مرت يومين علي ماكوو لااتصال ولامراسله ولااا اشوفه يم بالمحل
تعبت كلش.. فرااق علي دمرني
ابوو محمد عم علي/// بويه علي شبيك متغير هجي والطبيب يكول مابيك شئ وانت راح تموت كدام عيني... كوم خل ناخذك لسيد بالنجف زين كلش ويشوف شبيك
زينب// لا مابيه حيل يتحرك
ابومحمد// ماراح اخذه سحل سياره وموجوده
زينب وامها// حاولن يقنعن ابو محمد وماكووو
علي** كنت تعبان كلش ماتشوف شئ** احس نفسي شئ ياكل بيه
اخذني عمي لسيد معروف بنجف. وفتحلي قرران
وكال/// استغفر الله???
علي// سيد شكوو
السيد// يبني انت شصاير بيك لاعبات بيك لعب
ابو محمد// منو
السيد//مو شغلتي اكوول منو
بس مع الاسف رايحات لواحد مايخاف الله ومخليك كلشي ماتشووف
علي// سيد سويلي حل
السيد// اكيد*** بس انت يرادلك جلسات بس بشرط محد يعرف وخاصه بيتكم....,
علي وابو محمد/// انشاءالله
علي*** سوالي السيد جلسات ونفس ماكال محد يعرف حته زوجتي صرت احسن...بس ماعرفت منو الي هجي دمرتني شكيت ببنات خالتي شكيت ببنات عمي$$$$
نور???? وين نور صار شهر ماادري عنها ... اني شبيه وين كنت عبالك كنت نايم نووور$$$ شصاير بيها من بعدي
اتصل ماكوو مغلق الفيس والفايبر ماكوو
شبيها وين راحت معقووله ملت مني وتزوجت
نور// علي عافني دزلي رساله قبل شهر وكالي(( نور اني اسف بس مااكدر اكمل وياج مااريد اجرحج بس احنه لانتزوج ولا نستقر وماازيد اضلمج وياي وتبقين معلكه وياي ولا اريد اجرح زوجتي واخسرهم خطيه نور شوفي حياتج بعد واني اسف حته اذا ادزلج رساله بعد لاتجاوبين عليها وزوجتي عرفت بيج وانتي منو ترئ تروح لاهلج دير بالج))
صارلي شهر بس ابجي علئ كلام علي .... ليش هجي سوه بيه ليش هجي جرح كلبي
دزيتله هواي عتاب وذكرته بكلشي حلوو وجان يجاوبني بكلام جاارح خلص كرامتي ماتسمح اراسله بعد حته غيرت رقمي وبديت حياة جديده
بس جرحي صعب كلش طعني بضهري معقووله حبه طلع جذب بجذب علي يخاف عليه من الهوئ علي اذا مايشوفني يوم يتسوودن
علي// شلون اوصل لنور شلون ياربي
زينب// طبعا اني الي دزيت رساله لنور
بعد ماعرفت انو هيه منو ووين تداوم
خليته بعد ماتفكر بيه ابد ابد
سويت نفسي كأنما اني علي وجاي احجي وياها
علي// تحسنت كلش وباشرت بالمحل*** كالعاده كعدت انتظر نور تجي بالسياره بس ماكوو مر اسبووع ماكوو .. سالت ابن اخوو خووله وكالي خووله تزوجت
عرفت ليش ماكاموو يمرون من هنا عرفت ان خوله تزوجت وبعد تغير طريقهم اكيد
نور/// حته الطريق الي اشووف بيه علي قبل تغير.. بعدني احبه اي والله بعدني ماراح اناساه ولا انسه حبه
كعدت بغرفه المحامين اكلب بالاوراق بس الدنيا سوده بعيني مااشوف شئ غيرر ايامي وي علي قبل
صحت// تفضل
ممكن ادخل***
رفعت راسي لكيته علي اي علي*** راسأ وكفت علئ حيلي
علي??? ليش جاي
علي//; ليش جهازج مغلق
نور // وليش شعليك بيه
علي// ليش عفتيتي
نور// هاااا صدووك ليش عفتك
بلا زحمه لايجي احد ويشوفني وياك اطلععععع ... لبره
علي// سديت الباب كلش اجيت يمها حيل
تقربت عليها لزمتها من حنكها كتلها اني عفتج لو انتي
ماتحملتي مرضي وعفتيني عبالح اني بيه مرض خبيث او مسودن وشردتي هو هذا حبج اليه والوعد مع الاااسف عليج طلعتي مو كد كلمتج حسااافه ولا كد الحب????
نور// شجاي تحجي انت عفت مو اني ** شفتك كدام عيني من وكعت شبعت بجي عليك يوميه كنت اسال عن اخبارك... كنت اخذ امي للمحل بالجذب اتسوق كم شغله حته امي تسال ابو محمد عمك عن اخبارك
علي// اي مبين من تلفونج لمغلق ومن رسائلج الي لكيتها بجهازي كله تسالين عني
نور/// دزيتلك ملايين الرسائل دزيتلك كل لحضه كلمه احبك
نور// رجاءا اطلع
علي// مااطلع اني احبج ومااعوفج مثل ماسويتي
نور// اني عندي كرامه علي
علي// كرامه بشنوو نور
نور// طلبت مني اعوفك وعفتك
علي/// ههههههههه
نور// ليش تضحك
علي// ليش تجدبين
نور// مامكذبه
علي// شوكت طلبت منج
نور// لاتسوي نفسك بريئ لو تريد تتسله بيه مره ثانيه
علي// احجي الصدك شوكت كتلج
نور// علي اطلع ارجوووك كافي لاتحرك كلبي انت ماتستحق حبي
للحكايه بقيه
YOU ARE READING
قصتي مع بائعه الجمله
Romanceقصه منقوله للكاتبه ام زهراءقصه حلووه وبيها #مأساة حقيقه لبنت فعلا عاشت بضروف صعبه ..
