قصتي مع بائعه الجمله

جزء 2

  جزء الثاني
للكاتبه ام زهراء

مرت اسبوع وصار يوم العقد مالتي فعلا ماكنت فرحانه نفس اي بنيه . كنت اريد بس انخلص ونعقد ونكوم كعدنه الصبح حضروو اخوتي الريووك
سمرر// هله بالعرووسه
ساره// كللوووش
نور// خليتهم ورحت غسلت واجيت اتريك
امي// يله تريكي حته نروح للصالون
بيج قصتي نور// ليش
امي // يعني عقد وحفله وهجي تطلعين
وتعرفين خالاتج وبناتها وعماتج كلهم راح يجوووون
نور// امي ترئ هذا عقد بس مو عرس عدنه شنو هاي الهوسه بعد
امي// انتي ماريحتي كلبي دووم تعاندين عكس اخواتج
نور// خليت وكمت عن الاكل ... ورحت الغرفتي فعلا ضايجه مختنكه شلون بيه مااعرف شئ عنه اني شسويت بقراري دفنت نفسي وين كانت احلامي قبل يالله معقوله كلها كانت مجرد اوهام وخيال
ليش اني عكس صديقاتي ارتبطووو وتزوجوووو
اجت ساره// نونه حبيبتي لاتقهرين ماما مابينه حيل يرتفع ضغطها
نور// اني شسويت مااريد صالون بس فستان عادي وشال ومكياج خفيف
سمر// نور لاتكبرين السالفه اذ ماموافقه ليش قبلتي عليه
نور// امشوو عني كافي الي بيه والله
امي/// يله حبيبتي حجزت عند تغريد الصالونه نص ساعه ونروح
نور// صارت نص ساعه ورحنه واخذنه اخويه بسيارته وصلت للصالونه ضلت تغريد تسوفني بدلات نفش كولش حلوات وكول الالوان كتلها مااريد
تغريد// ليش انتي حلوووه وهذا يوم مميز ماينسه ابد
نور /// لاتغريد اريد بدله سفط عاديه ولون غامق ومكياج خفيف كلش
امي// راح تجلطني شلون بيه
نور// يمه لاتكبرين سالفه اني مااحب هجي مبالغه
امي// اي منو الي كالت بعرسي البس 7بدلات كلساع ابدل
نور// اي بالعرس مو شيخ وعقد
تغريد // خلص عيني خليها براحتها ذوق بنات الكليه صعب ويردن الي يعجبهن
لبست بدله زيتوني وخلت شعري مفتوح برم واسود كولش حلووو ورسمت عيني ومكياج هادئ كوولش
كملت ام الصالون وكالت صلوات علئ محمد طبعا صدك كلامج طلعتي فد شئ
باوعت بوجهي بالمرايه فعلاا طلعت حلووه بس حرامات لو كنت منتظره شخص كون متزوجته عن حب وعذاب الحب
وصلنه البيت لكينه الجوو مختبص كولها موجوده الزلم بالاستقبال والنسوان والجهال ماليه البيت ملي
دخلت كولها كامت تهلهل
كولها كامت وسلمت عليه واني سلمت عليهم
لكيت خالتي ام ناصر وبناتها وعماتي واخواتي لابسات احلئ مني ههههه
كعدت لفيت علئ نفسي شال لان مااعرف اخجل كلش ... صاحوني لان لشيخ مستعجل وهو اتفقوو الزلم راحت بقه بس نعقد واخويه اخذني وطبعا لبست عباة وشال غطيت مكياج وجهي زحمه من الشيخ
دخلت سلمت// السلام عليكم
الكاعدين/// وعليكم السلام
الشيخ سالني وعقدنه وكنلنه ورحت رجعت للصاله مالتنه .. دخلت كبت الهلاهل والجكليت فوك راسي والنسوان والبنات كوله تبوس بيه وشغلن مواليد وضلن يركصن
بابا واخوي طلعووو للمحل مالتهم
اجت امي// يله نونه تعالي ناصر يصيحج
نور// اهووو بدت رحمة الله
امي// صار رجلج هذا بعد عليمن مستحيه
نور// مو مستحيه اني بس مااريد اكعد يمه
امي قنعتني ورحت لابسه شال طبعاااا
دخلت سلمت عليه
ناصرر.. وعليكم السلام
اوكفووووو اني ناصر ماعرفتكم عن نفسي
اني ناصر 29سنه خريج كليه رياضيات ومتخرج ومتعين الحمدلله وادخل دورات طلاب وحالتي كولش زينه ... ارتبطت هواي بس مافكرت بزواج من وحده عندي وياها علاقه نهائيا شفت نور بنت خالتي وعجبتني وسالت عليها وتاكدت منها ...
علاقتي بامي واخواتي كلش قويه وخاصه اختي المطلقه
قررت اتزوج واستقر هواي اجن ابالي واخواتي وامي اقترحن عليه بس ماصارت بس القسمه دلتني علئ بنت خالتي والحمدلله صارت
وهسه كملنه خطوبه وملجنه شيخ وراح تجي تكعد يمي وانشاءالله نتفاهم اني وياها
اجت وسلمت وكتلها وعليكم السلام
ناصر // شلونج نوارا
نور// الحمدلله (وهيه مدنكه)
امها جابتها وطلعت طبعا
تقربت منها سوي وشفتهت ماشاءالله حلووه وخجوله حته وجها حلوو طولها كلشي بيها حلووو حته سمارها حلووو
ناصر// ليش خجلانه مني -- انتي حلالي هسه
نور// لا بس مامتعوده عليك
ناصر // تقربت عليها ولمست وجها وشلت شعرها من عيونها بعذا الحجي احنه كاعدين بالكاع وهيه كلش خجلانه
نور// لاااا
ناصر// شبيج نوارا بس براحتج انتي تتعودين عليه .. وجبتلج جهاز لمس وخط وياه كورك وراح نبقه نتواصل وانتم عدكم نت نتواصل علئ فايبر او واتساب خلي بعد شوي اسويهن الج لان احنه نبقه هنا اليوم وباجر الفجر نطلع للبصره
نور// فرحت بالموبايل اكثر مافرحت بيه كانو اهلي مايقبلون وحده عدها موبايل بس من تدخل كليه الها موبايل جامعي عاادي هم مو ملون
ناصر// شبيج نونه ماعجبج الموبايل
نور// لا مو هذا قصدي بس متوتره خل اطلع زحمه اهلي موجودين وعماني وخالتي
ناصر// اني صرت زوج شبيج خايفه مني ومحد يحجي ولا اخلي احد يحجي
نور// بقيت كاعده بس ساكته ومدنكه وهو يضبط الجهاز ويثبت البرامج اليه وكال كمل كلش ..اني اخذته وشردت منه
طلعت من الاستقبال فرحانه بالموبايل واكلب بيه ولكيتهن كلهن واكفات يتنظرني يتصورن كنت فرحانه لان طلعت منه وعباالهم مدري شنووو ههههه
ساره// ها ولج بشري
سمر// شنو حجيتووو
امي// اقتنعتي ها ولج
خالتي// طلعت مورده صلوات
زهراء// ها شنو حجيتوو
فاطمه// عود تبيع ثكل وهيه سوت كلشي وياه قبل شوي
نور/// طنشته وسكتت
وبدلت لبست فستان عادي بس نازك كلش كلش ومكياج خفيف وكعدنه نسولف واجه اخوي
سلم عليه وباركلي وكعد وي ناصر
وره ساعه اجتني رسالي من الفايبر
يعععع ماعرف شلون افتحها وانطيتها لبنت عمي رندا فتحتها اليه كالت
رنداا// ولج هذا ناصر
نور// شيريد
رندا// يكول ماشبعت منج نوارا
نور// كون سم بكلبه هذا من هسه
رندا// /ولج لايسمعونج
نور// منو يسمع ... ولج خيولي وعلميني شلون انزل صور وشلون اتابع وشلون اكنك
وضلت تعلم بيه رنداا واني فرحانه كلش بالموبايل اهلي كانوو يكدرون يشترولي بس هم مايقبلون هجي ماعدهم بنت عدها موبايل وتكنك ومدري شنو
ناصر ضل كلساع يدز رساله علمتني بنت عمي شلون ادز واجاوب وشلون استخدمه
ضل يلح
ناصر// نور وينج ليش تقرين رسائل وماتجاوبين
نور// عزززه شلون يعرف هذا اني اقررات الرسائل هم غلست
وره ساعه جاوبته
نور// كنت مشعوله
ناصر// اشوفج تقرين وماجاوبين
نور//
نور// عزززه شلون يعرف هذا اني اقررات مالرسائل هم غلست
وره ساعه جاوبته
نور// كنت مشعوله
ناصر// اشوفج تقرين وماجاوبين
نور// اي مااعرف اسوي شئ بيه
ناصر// تعالي يمي خل اعلمج
نور // لاعلمتني رندا
ناصر// ليش تتاخرين الا تجاوبين
نور// مااندل الحرووف
ناصر// ههههه تعالي ادليج
نور// شنوو
ناصر// تعالي اعلمج
نور// تعلمت
ناصر// كلشي
نور// اي
ناصر // دزيلي صور الج ماصورتي اليوم بااعقد مساع من اجهزه اخواتج بنات عمج عمتج
نور// اخواتي ماعدهن اجهزه
ناصر// بنات عمج
نور// ماقبلت يصورن
ناصرر// باجر اروح وبعد اتاخر الا اجي وره العشه اريد اكعد وياج
نور// لا
ناصر// ليش
نور// زحمه من ابوي واخوي وانت اهلك واخوانك هنا وين نكعد مثلا
ناصر// قررت اني ومنتهي
نور// بشنووو
ناصر// بليل نروح للامام ونتونس ونرجع مادام اجينه خل نزور ومنها نتمشئ اني وياج
نور// كتله محد يقبل
ناصر// راح احاجي اهلنه واشوف
نور// اني ضجت لان فعلا مااكدر وثانيا راح يطلب نكعد سووه وحدنه والاهم وراي دوام واكيد نتاخر
ناصر اتفق وي اهلي وقبلوو وكالوو كول احنه نروح 3سيارات حته بنات عمي وعمتي وبناتها عدنه وفعلا لبسنه وبدلنه ورحنه ورتبت نفسي وطلعنه وطلب مني اكعد يمه بس ماقبلت صعدت بسياره اخووي
ناصرر// تعالي بسيارتي
نور// لا ماكدر
ناصر// كلت لابوج وقبل
نور// لا اريد وي اخواتي
ناصر/// طبعا نور جافه كلش وياي وبالكوه تحجي يمكن احسها مجبوره عليه بس يمكن خجلانه او تبيع ثكل عليه او لان مامتعوده عليه عادي
اني لان كنت اخابر عندي جرأه واحجي هيه بنت تختلف
نور// ضلينه نمشي بطريق ونصير بصف واحد واباوع الهم وناصر يباوعلي واني ادنك او اسوي نفسي احجي وي لبنات مامنتبهه اله
وصلنه للنجف صفينه لسياران بالكراج بقينه نمشي كل واحد راح بجهه ويمشي علئ صفحة ضلينه بس اني ورندا نمشي اجه ورانه ناصر
ناصرر// مرحباااا
رنداا// هلااا بيك عالخير والبركه
ناصر// تسلمين خوويه
رنداا// عرفت ناصر يريد نور خليت ورحت عنهم كأنما اختي تصيحني
نور// وصل يمي ناصر ضل جسمي يرجف خفت كلش وترددت زحمه من اهلي
ناصر// نور لاتخافين مني انتي هس قطعه مني وعرضي واني اخليج بعيوني وتدللين بلي تردينه يجرالج
نور// كلامه حلوو ومريح بس مامتعوده عليه لذلك مااحبه حاليا
ناصر // لاتخجلين وانطيني ايدج
نور// شنو
ناصر// طلبتها براضتج اني ماردت اجبرج
نور// انطيته ايدي ووصلنه قريب علئ الامام علي عليه السلام واحنه نمشي ايد بايد اشوف هواي مثلي واسعد مني وشايلين جهال شعوور لايوصف

يتتتتبع