قصتي مع بائعه الجمله

جزء 13

الجزء الثالث عشر

الكاتبه / ((ام زهراء))

صار كم شهر علاقتنه اني وعلي كلش قوت صرت مااتحمل بدوونه لحضه صارت شوفته وطوله هيه اكبر فرحة بحياتي
صرت اشوف بعيني بس علي وحب علي وعلي وحبه
اختي ساره تزوجت الي تحبه والحمدلله مرتاحه وياه كلش
سمر اختي دخلت كليه ببغداد وكاعده اقسام وكولش خايفين عليه امي 24ساعه تتصل عليه
اخوويه ارتبط وي بنت جوارينه ورايد يخطبها
اني اداوم بعدني واشوف نضر عيني يوميه روحي ترد
ونحجي اني وياه كاميرا كل وقت اذا مااشوفه اتسوودن احس يومي مابيه اي لطعم ولا لذه

فكرت شنو علاقتنه اني وعلي
شنووو نهايتها???
ضلوو يجوني ناس طبعا متزوجين او منفصلين او ارامل او الي بسبعينات ومامتزوج وامي هم تلح عليه كالعاده كتلها
نور// رجاءا لادمرين حياتي نفس مادمرتيها سابقااا وقنعتوني
خليني هالمره براحتي اقرر

علي**** نور صارت كل حياتي زوجتي مامقصره وياي ابد ابد بس مو بيدي نور اخذت كلبي مو بيدي والله ... زوجتي زينب جاي انطيها حقه بس كنت اتخيلها نور لا اراديا كنت اشوف نور كدامي كنت اتذكر سوالفها واضحك وحدي اي وقت كمت ارجع متاخر للبيت حته اخابرها واشوفها
زوجتي ضل تشك بيه طبعاا

زينب*** اني زوجة علي وبنت عمه علي كان حب حياتي من الطفوووله كنت اتمنئ يكون زوجي ومن توفه والده وامه تزوجت هو بقه عدنه ووالدي من كبرنه قرر يزوجنه ويبني النه مشتمل فوووك بيتهم
تزوجنه الحمدلله وتحقق حلمي. وعلي مامقصر وياي ابد واني ماقصرت وياه سويت كلش بوسعي حته اخليه يحبني وما يتباوع لغيري

دائمااا اشووف يراسل بنات بس اسكت اكوول. عادي واكول بس سوالف وهو مرجعه اول وتالي اليه ولبيته وجهاله
صارت كم شهر علي متغير علي مو نفس قبل هو مامقصر وياي بس اني زوجته واعرفه واحس كلبه مو وياي عرفته يحب حسيت بيه مرتبط حسيت بيه عاشق حسيت بيه كلبه راح مني .. مااعرف شكوول وشسوي علي راح يروح من ايدي سويت كلشي جاي البس احلئ لبس جاي ارتب جاي اسوي كلشي حته ارجع علي لكلبي بس ماكوو عرفته بعد مايفيد
اني شسوي اني راح ادمر علي راح من ايدي شسوي يااربي حته طريق الشعوذه والسحر اخذتني امي بس مانفع .
.
علي**** شفت زينب ذبت كلشي بحيلها حته تعلقني بيها عرفت بيه اني كلبي مو عدها .... بس موبيدي يا زينب???? نوور اخذت كلشي عندي حته عيوني كمت مااشوف غيرها
زينب.. *** اخذتنيي امي لواحد سحار كلش وحجيتله قصتي وانطاني بخوورات هوواي وشغلات دفن واخذ مني كوومه فلوووي وكالي سبع ايام ويرجعلج .. سويت الي كالي عليه بتفصيل

علي// صارلي كم يوم تعبان كلش مااكدر احرك نفسي عبالك مربوط بسلاسل بالفراش لا اكل ولا اشتهي اكل ابد
نور// علي صار كم يوم متغير ومايتصل نفس قبل ... مو طبع علي هذا حته من اشووفه الصبح بالمحل اشووفه ذابل وتعبان عبالك شخص صارله اسبوع مانايم

زينب// اني خفت كلش اني شسويت ياربي علي تعبان كلش معقووله هذا من السحرر. اني ماقصدت اذيته قصدت بس يرجعلي ويعووف الي يحبها
نور/// كالعاده رحت للدوام وننتظر خووله. يم المحل
اباوع علي ماكو وهو امس اخابره ماكوو شفت علي طلع بالباب مال المحل بس مايشوفني ليش *** علي مو عادته هاي اني متعوده قبل لا اجي ينتظرني علي اجه ومايتباوعلي ليش ضل يفتر علي مدري شبيه **** ضليت بس صافنه شبيه علي بس يفتر عبالك واحد مضيع دربه علي وكع بالكاااع اي وكع وكوله التمت عليه
ماكدر اتحرك ولا اكدر اسوي شئ
علي كدام عيني وكع بالكاع فاقد مدري شبيه واني بمكاني تجمدت متت قهر وخوف ياااربي شبيه اجت خوله وصعدت. وتحركت السياره وصلنه للدوام واني ماعرف شسوي اسال منو عليه .. حته لو اتصل منو يجاوبني وشكول الهم بله

للحكايه بقيه
يتببببع