قصتي مع بائعه الجمله

جزء 1

جزء الاول 

ام زهراء 

  .. قصتي تبدا اولا اعرفكم علئ نفسي اسمي نور عمري 22سنه جسمي رشيق وجهي حنطي متوسطه الجمال عندي عيون كبار سود ساكنه وي اهلي متكونه من اختين واخوو الحمدلله حالتنه لماديه زينه معروفين بالمنطقه اني طالبه كليه قانون اخواتي طالبات اعداديه اخويه الوحيد طبعا تارك من زمان وجاي يشتغل وي بابا بالمحلات مالته وبابا متقاعد ماما ربة بنت متوسطه العمر صديقه اليه واخت بنفس الوقت .. جاي اداوم بالكليه حاليا والحمدلله محجبه وملتزمه وياي هواي شباب وبنات وهواي صارحوني بس كنت شايله فكرة الحب والارتباط نجحت للمرحله الثانيه وعندي خط ياخذني ويرجعني اني و3بنات وياي بمختلف المناطق بمحافضة النجف والحمدلله مستواي زين وعلاقتي وي زملائي زينه .. مرحلتي الثانيه اني حاليا صيف طبعاا رجعت من الدوام تعبانه كولش والجوو حار دكيت الباب فتحتلي اختي سمر الباب دخلي جووه من باب المطبخ عدنه خطار
بيج ((قصص عشق لاينتهي))
نوور//منو
سمر//خالاتي عدنه اليوم ومن الصبح جايات من البصره. نور// خير انشاءالله
... دخلت جووه سبحت ورتبت نفسي ودخلت للاستقبال سلمت عليهم وكعدت شويه يمهم وطلعت حته اتغده كولش كنت جوعانه
خالتي ام ناصر// وين رايحه يمه نور خلينه نشوفج ونسولف عليج
ماما// هستوها اجت من لدوام واكيد جوعانه .... رحت اتغدا لكيت امي طابخه طبخ كولش طيب مايقاوم بصراحه اكلت وشبعت وغسلت ورتبت نفسي ودخلت للاستقبال ... وكعدت يم خالاتي وبناتهم .. بنت خالتي جبيره زهراء عمرها 35 سنه مطلقه طبعاا وعايشه وي خالتي والثانيه فاطمه عمرها 25سنه تريد بس تتزوج ميته علئ الزواج اشرت اليه ورحت كعدت يمها
فاطمه// شلونج وي لدوام
نور // الحمدلله زين بس تعبت
. فاطمه// ليش
نور// يختي صعب وطريق لو رايحه غير كليه احسلي فاطمه// شنو وياكم شباب
نور// اكيد مو احنه مختلطه
فاطمه// هنيالج ههههه
نور // يووو عليمن.
فاطمه// هم عندج حبيب
نور // لا والله ماعندي
. فاطمه // شعجب
نور// لا مااريد واصلا نصهم اصدقاء اخوي بالمنطقه مابيه للطلايب واخوي يبطلني من الدوام

حاجتني خالتي // يمه نور
.. نور// هله خاله
خالتي // احنه اليوم جايين عليج علمود ناصر هو دزني الكم ورايدج ومن زمان كال اريد نوره بنت خالتي بس تدرين كانت عدنه مشكله علمود البيت واجلناها وهسه فرغنه واجيناج

نور/ اني ضليت صافنه مااعرف شنو اكول كتلها خاله اني مافكر بزواج هسه واريد اكمل دراستي
خالتي// يمه ناصر كال عادي تكمل
نور// ضليت صافنه ماكدرت احجي شئ احماتي المطلقه زهراء// خاف عندج واحد وياج بالكليه

نور// بعصبيه..... لا والله لو عندي اكول مااخاف
امي// تأشرلي وماكو
خالتي// يمه ناصر رايدج ومشتريج وكلساع حاجاني عليج وحته راح للكليه مالتج وسال عليج
نور// طبعا اني تذكرت مره شفته بالباب واكف يسولف وي واحد بقسمي بس كلت لا واحد يشبها شيجيبه من لبصره لهنا وهو مدرس مو يم لقانون
خالتي// كالت يمه فكري وقرري
نور// اني طبعا ضجت كلش ورحت لغرفتنه اني واخواتي طبعا اني مو هذا الي ابالي ابد ..كنت اتمنه اعيش قصة حب وشخص يحارب الكل علمودي وكولها تعرف بحبنه وتصير مشاكل وبالكوه الا نزوج وره ربع ساعه اجت
امي
// ها يالمعزايه شبيج وشتردين بعد لسانج شطوله
نور/// يمه انتم شبيكم وياي شنو تردون تفتكون مني شنو امي// لا يمه بس مكان زين الج وحته ابوج مساع كالت اله خالتج واقتنع كلش وناصر تعرفينه
نور// يمه تدرين بيه اريد شخص احبه ويحبني واعيش قصة حب حلووه

امي// اي انتي متعلمه الطيحان الحظ من الافلام الهنديه . نور// يمه شبيج شنو ماعدكم خبز لو شنو..
امي//خلص يصير خير ولج هو يحبج لولد وشاريج وحته

جابر اهله يجونج لان هنه ماقابلات ويحبج وحته كال

اسويلها ؟مشتمل فووك بعد شتردين يالمعزايه
نور// يمه شبيج وياي شنو مليتي مني لو ماعدكم اكل
امي// شنو لزكتي بهاي لكلمه ماكو اكل ماكو اكل هزت ايدها وراحت عني..؟

نور// بقيت بالغرفه وخالتي بقت عدنه يومين هيه وبناتها وطبعا هنه بس يدورن باالاغراض وماخلن شئ ماطلبنه مني واني اكول اي اخذنه عدي يمكن فرغن نص كنتوري واغراض اخواتي.. واني كنت ضايجه لان خالتي صار 3 ايام هنا يمكن لو بقن اسبوع يحملن لبيت كله ويرحن.. وامي كولساع تجيني وتقنع وماكوو مليت حته اخواتي هم يقنعن بيه مليت صار لبيت 24ساعه ناصر وناصر

رجعت من الدوام لكيت الباب مفتوح وسمعت صوت شباب دخلت من باب المطبخ لكيت ساره وسمر اخواتي ديسوون جاي كتلهم
نور// منو عدنه
ساره// روميووو
نور// منو ولج روميوو
سمر // الحب عيني
نور// ياحب ماتحجن ترئ بالقوري اضرربكم هسه
سارره// خلص عيني هذا ناصر اجوو هو واخوه خالتي خابرت عليه واجه حته يتفقوون علئ المشيه
نور// ولكم يامشيه اني ماكلت موافقه كنت ساكته بس مو يعني موافقه كنت متردده كلش وافكر

اجت امي// ها يمه اجيتي بدلي وتعالي احاجيج
نور// كملت واجيت كعدت يمها
وكتلها // يمه انتم شبيكم وياي اني جبت الكم العار لو شنو ليش هجي تذبوني وماصدكتم اجاني واحد وقبلتووو
امي// يمه كليلي اكو شخص ابالج
نور/ لاوالله يوم بس اريد عن حب ومشاعر وناصر ماعندي اله اي مشاعر
امي// يمه تتعرفين عليه وهو حباب واسلوبه يخبل ومحترم وين نلكه مثله
دارن عليه هيه واخواتي وقنعوني كلش وقبلت وكتلهم بشرط اكمل دراستي ومايبطلني ابد
انطوني وعد وهذا الحجي ابد ماشفته ولا كعدت يمه اتفقوو الاسبوع الجاي المشيه وحفلة عقد والمهر