قصتي مع بائعه الجمله

جزء 6

  جزء السادس
الكاتبه ((ام زهراء))

كسرت خطي ورحت حاجيت امي كوتلها ابد بعد مااريده ولو شما يصير لاتجبروني عليه
امي// ماما انتي صارلج اسبوع وماتحاجينه وهذا عقاب كافي وبعد اكيد تعلم درس ** وانتي فكري عدل يبنيتي انتي طالبه كليه ومن احد يسمع بيج فاسخه خطوبه راح يكولون سمع او شاف عنها شئ وتعرفين عماتج ومحبتهن الج ماشاءالله لاتخلين يشمتن بينه
نور// ماما كسر كلبي ومااانسه من اصيح وراه ولا كإنما
امي// يمه انسي وهذا الي صار بسبب غيرته عليج وحقه هو زوجته ويغار عليج
نور// يمه ليش صرتي وياها
امي// ماشفتيه كلساع يتصل اكل كلبي
اخذي موبايلي وانتي احجي وياه وفهميه وهو تاب وبعد مايجرا يعيدها لان شاف صلابتج وياه
نور// يصير خير
دزيتله رساله حته ابتدي موضوع وياه
نور// ليش تتصل علئ ماما
ناصر// نور ياكلبي كافي عقابج قاسي والله ماتحمل بعد
واني اعتذر حسيت بغلطي وتندمت وهذا هو بعد التوبه حبيبتي
نور// انت كسرت كلبي والزجاج اذا انكسر مايلتم بعد
ناصر//,نوارتي امو كتلج اعتذر
نور// اقتنعت بكلام امي وكلامه وكتله
نور// خلص انسه كلشي وراح انطيك فرصه ثانيه

ناصر// الحمدلله ربي استجاب لدعواتي
نور// مافهمت
ناصر// كنت ادعي ليل ونهار الله يلين كلبج وترجعيلي
نور/// اها
ناصر// احبج
نور// سديت الجهاز
مرت شهر واني وناصر رجعت علاقتنه نفس قبل وهو غير اسلوبه وياي لان تاب من ذيج الشغله بدت الامتحانات والحمدلله نجحت وخابرني ناصر العصر
ناصر// شلونج حبيبتي
نور// هله حبي
ناصر// ابشرج حبي كملت الغرفه وبعد شوي نروح اني وامي ونجيب اثاث الغرفه والمستلزمات راح انطيج اسبوع تكملين نيشانج انتي واي شئ تحتاجين موجود
نور// مالحك ناصر شبيك
ناصر// هو يوم واحد روحي لسوك وجيبي كل اغراضج بعد شنو
نور// ههههه لايكلبي هو زين الحك اسبوع لازم يوم مكياج ويوم ملابس طلعه ويوم ملابس بيت ويوم باقي الاغراض ولازم احجز عند صالون ويرادلي اسبوع ارتب نفسي
ناصر// يمه منجن يالنسوان
نور// انت هم علئ ماتجهز نفسك
ناصر// لاعيني ماعندي شئ هو قاط البسه واقسه واخذه والحذاء نفس شئ واروح للحلاق يوم العرس لصبح واسبح واجي اخذج من اهلج ههههههه.
نور// لاعيني اني غيررر
نور***** مر اسبوع وقرب موعد زواجنه واجه يوم الحنه وسوينه حنه اسلاميه كولش حلوووه ومايتنسه هذا اليون
وبيوم الزواج طلعنه ب12 بليل للبصره ورحنه لبيت عمتهم مناك يزفووني منهم ودعت بابا واخوي وكلبي مكسور عليهم ودموعي مااسيطر عليها رحنه بسياره اخوه الجبير اجه اخذوني بسياره وطبعا خالتي وياي وعمتي وامي واخواتي وبنات خالتي وطبعا الطريق طويل كلش ونص الطريق احنه نايمين وصلنه ب8 الصبح للبصره رحنه لبيت عمتهم سبحت وارتاحيت شوي وعمتهم اخذتني للصالونه يمهم وكان عدهم ازدحام صالونه كولش مشهورع قبلي 3 ورايه 2 كملت الي قبلي صارت ب1 الضهر بدت بيه وكملتني ب3 وفوك تقريبا بس طلعت فد شئ مو طبيعي تعجبت من نفسي رحت لبيت عمتهم لاكتني الهلاهل والترحيب بقيت ربع ساعه واجت الزفه جانت كولش حلوووه. ودخل ناصر كان جميل بشكل ونازك دخل عليه وباسني من راسي وطبعا الشارع هوسات وكولش شعور حلووو واخذووني والزفه فد شئ
واخذني للمصور وصورنه كم صوره
وصلنه لبيتهم وتلكتني الهلاهل وطبعا بتهم الجبيره المطلكه زهراء كانت مطنكره كلش مدري شبيها المهم صعدوني لشقتي فوك وصورنه اني وناصر وكنت تعبانه كلش اريد بس انام وكان الجوو حار والبدله كانت مضايقتني كلش اريد بس انزعها وارتاح. دزيتله رساله
نور// ناصر شوكت تجي
ناصر// هل ولج شنو مشتاقه....??
نور// ناصررر @شبيك الجوو حار كلش وتضايقت من البدله
ناصرر// اي اي جاي جاي ادري بيج شنو تردين
نور// يووو شبيك لاتجي خلص اتحمل البدله
ناصر// بس اودع جماعتي واجي
مرت نص ساااعه
وسمعت هلاهل وهوسات جابوو العريس للباب الغرفه ماخلاهم يدخلون للغرفه كاللهم شنو ولكم وين روحووو يله لو تردون تباعون للحلالي
نور**** دخل عليه ناصر واني كلبي وكف من الخوف. ماعبالك اعرفه ويعرفني
اول مدخل عليه باسني من راسي وطمني وضل يشاقئ وياي
ناصرر// حبيبتي واخيرراا صرتي اليه والله احبج
نور// ناصر الي يشوفه يكول صار 20 سنه يحبني ومحد منطيني اله. كولساع يبوسني منا ومنا
ناصررر// الحمدلله خلصت هذا اليوم بخيررر وسلامه وماكو مشاكل
نور/// طبعا اني يحجي وياي وبالكوه احجي وفاتحه عيني من امس مانايمه وطريق سياره وعرس وكوله كعده عالكرسي وهوسه
ناصر// ساعدني فتحت شعري وبدلت ولميت غراضي ودخلت سبحت ورتبت الغرفه ولبست سيت نوم ابيض كولش حلوو وخليت مكياج خفيف وطلعت اله من الحمام
ناصرر// ضليت صافن اول مره اشوفها هجي بالجمال والجسم ابيض ومخصر ضليت بس صافن عليها واباوع من فووك لجوووه عليها
نور// شفت ناصر ونضراته ضليت انزل بالسيت وماكووو كعدت علئ السرير هو هم لبس برمودا وكعد يمي واني ضليت ارجف طمني ماكوو شئ وكعدنه نسولف ونشاقه ونحجي شصار اليوم والاحداث وحجيتله علئ الحنه مااحس نفسي الا غفيت ومااعرف بعد
ناصرر// ضلت تحجي وياي نوارا لمن غفت من التعب كنت مقدر تعبها خطيه واليوم كوله طريق وصالون وهوسة العرس نامت عبالك ملاك نايمه نيمته عدل وغطيته والتبريد يشتغل طبعااا خليت ايدي علئ وجهها وضليت العب بشعرها واتباوع عليها لحد ماغفيت هم

كعدت الصبح ب5 كعدت توضيت وصليت كعدتها هم اريدها تصلي
نور// كعدت مكسره تكسير من التعب حته خجلت الرجال عريس واني خليته ونمت
ناصرر// ادري بيج تعبانه يكلبي
نور// كعدنه صلينه وكملنه واني كعدت هم بدلت ورايه ناس وهوسه طبعاااا
لبست بدله قصيره لونه ابيض وبيها فيونكات بنفسجي. ونزلت وياهم تريكنه وعدهم اقاربهم وخالاتي طبعاااا
وكان يوم حلوو وتجي ناس تتباركلي وتروح والبنات الشابات بس يركصون ووره ال10 هم بدلت لبسه جديده بدله قصيره لونها احمر
وصار الغده وجابوو غدانه فووك اني وناصر وتغدينه وبقينه شوي هم نسولف ونحجي وره الضهر هم بدلت وفتحت شعري ومكياج وبدله جديده بس طويله كولش حلووووه وخلص اليوم بسلامه وتعب

للحكايه بقيه