قصتي مع بائعه الجمله

جزء 11

  الجزء الحادي عشر

الكاتبه ((( ام زهراء)))
كعدوو ناصر وخالتي واهلي وياهم بالاستقبال وضلوو يحجون ويتناقشون وخالتي تعاتب بأمي
خالتي//.ليش تخربين علاقتنه وحنه خوات
امي// والله يختي اني ماادخل
بس انتم ماقصرتوو وياها كرهتوها حته بالزواج
خالتي// ليش شو ناصر زين وياها وتاكل احسن اكل وتشرب احلئ شرب وتلبس احسن لبس
امي // خيتي هيه لراحه مو علئ لبس والاكل
وانتي تعرفين شنو قصدي
ناصرر // عمي حاجي بنتك وخليها تبطل عناد
ابوي// انت كاسرها هواي بنتي اول مره هجي تعاند وجاي تشوف شصار بيه من وراك
ناصر// عمي اني رجال وماعليه عيب
ابوي// زوجتك مقصره وياك
ناصرر// لا عمي
ابوي// خلص ما الك مره عدنه بعد
ناصر// عمي انت صرت ضدي هاي مكان ماتقنع بتك ترجعلي
خالتي//مع الاسف عليكم يله يبني كوم كوم شنو ماكوو نسوان بعد ازوجك احله منه وبشهر تحمل الك
نورر// اني ماتحملت كلامها طلعت كتلها
اي زوجيه خاله بس هم ماتحمل نفسي وسالي ابنج عن السبب خووش???
خالتي ضلت صافنه اعتقد فهمت كلامي
ناصر// طلع من الباب وخالتي وراه وامي تصيح وراهم وماكوو
دخلت جوووه ضليت ابجي بجيت لمن مليت
رحت العصر فتحتت خياطاتي اني وامي اخذنه اخوي بسيارته بس رجعنه مشي لان امي تريد كم شغله من السوك
امي// مادام طلعنه اووكفي يمه خلينه نشتري حاجات للبيت
نور// يله هذا مخل قريب علينه*** كان محل الجمله بعيد علينه
امي// لايمه هذا غالي خل نروح لذاك محل الجمله
نور// تفاجات كلش معقووله نروح للمحل مالت علي واشوفه مااكدر
وثانيا خياطات كصتي توني شلتهن ومبينات كلش وضعي تعبان
نور// لا يمه مابيه حيل امشي ادووخ
امي// بساع يمه ماعدنه مسواك بس كم شغله اذا تردين انتظري بره المحل

رحنه مشينه وعبرنه الشارع وصلنه للمحل دخلنه امي سلمت عليهم كلهم تعرف العمال كلهم وتعرف حته الرجال الجبير الي بالمحل وتشاقي وياهم وتسولف وضلت تسال صاحب المحل عن زوجته واهله اني بس الافت واتباوع اشو علي ماكووو
ماما// نور روحي لهذا القسم جيبلي منضفات مالت مطبخ
نور** رحت واني خايفه همزين لولد ماكوو خاف يشوفني بهالحال واكيد يطلع يعرف امي لان كل العاملين هنا تعرفهم

رحت لقسم المنضفات احس وراي واحد التفت لكيته علي اي هو علي نفسته قريب عليه كلش كلش عينه بعيني
ضليت ارجع كالي
علي// صارلج هواي ماكووو.... افتقدج
نور// شنوو
علي// اشتاقيتلج *** اباوع للسياره مالتكم يوميه وماكوو
لحضه شنو هذا الي بكصتج شبيج مسويه حادث شنوو *** خله ايده علئ كصتي وضل يتلمس لخياط
نور// بعدت عنه حيل وكتله شنو هاي اعرفك تعرفني
علي// معقووله ماتعرفيني ونضراتج اليه وين راحت ليش هجي تكابرين انتي
نور// وخر عني لاتشوفك امي
علي// وينها امج
نور// بس شويه خل اعبر
علي// اعبري بس لحضه اكتبلج رقمي وراسليني انتظرج
امي// نور نور بصوت عالي

رحت اركض الها وبيدي نص المنضفات ماكملتهن
امي// وين كنتي هنه ثلاث علب جيبهن وتعالي نمتي شنوو
هاي اللحضه علي وراي
امي// ها يمه علي شلونك امك شلونها زنوبه زوجتك جهالك شلونهم سلملي عليهم اماانه
نور// باوعت بعلي يعني تعرفه اني وفوكاها مزوج وجهال عدنه باوعت عليه هو دنك واحنه من المحل
وصلنه للبيت بدلت وطلعت الرقم واباوع عليه وتذكرت هو مزوج واني مزوجه ليش اتعب نفسي هجي

رحت يم امي
نور// ماما هذا المحل كله تعرفينه شالقصه
امي// يمه هذا الحجي زوج اخت جيرانه ام علي وكنه عرف من زمان واخووه وجيران حايط علئ الحايط
نور// وهذا الولد منو خبصتيه خبص بالسلام
امي// هذا ابن اخوو صاحب المحل
خطيه يتيم وعمه منطيه بنته وساكنين وياهم بالبيت وهو اله نص المحل هذا وعدهم محلات هواي غيرها بعد

نور// ها خطيه
امي// ليش خطيه
نور// لان يتيم يمه شبيج
رحت عن امي ضليت كلساع افتح الورقه مالت الرقم واسدها
داومت بالمحكمه وكالعاده اروح بالخط ونمر علئ خوله واشوفه وافرح كلش وكلبي يضل يدك حيل بس قررت مااخابره الا لمن اصير حره ومو علئ ذمة رجال
علي** يتباوعلي وجاي يأشرلي انو اتصل عليه ويباوعلي بقهر حته مبين عليه

ناصرر// اني حاولت هواي وي نور ماكو وخاصه اهلها طردوني دزيت الها ورقه الطلاك وطلكتها وخل تشوف حياتها بعد
علاقة امي وامها خربت نهائيا واخواتي تزوجن واني تزوجت بنت جوارينه من البصره كلش حلووه وطالبه كليه وزغيره كانت دلووعه كلش ولسان وماتقبل احد يجاوز عليها عكس نور تماما اخواتي ماكدرن عليها ابد

امي ماتحجي وياها ومتقبله هالشي لان تابت من طلاقي من نور زوجه اخوي صارت مشاكل بينهم علئ الشغل وصار الصبح علئ زوجة اخوي الشغل والعصر علئ زوجتي
نور/// بعد ماطلكني ناصر حسيت بحريه ورحت ركض للجنطه طلعت الرقم حفضته بجهازي وردت اراسله لكيته مو متصل بالانترنت

فتحت جهازي بليل لكيته متصل بالفايبر دزيتله رساله
نور// مرحبا
علي// مراحب منو
نور// اني نور
علي// معقووله انتي خاف انت اخوي حمودي ناصب عليه
نور// واخوك شمدريه بيك انت ونور
علي// لان احجيله عن نور الي شلعت كلبي بس بشوفتها
مااصدك انتي نور. نور ام الخط
الله عليج

نور// اي نور ام الخط
علي// واخيرا يانورا والله شلعتي كلبي
كنت كلما تجيني رساله افرح اكول منج
نور// كان عندي ضرف وهسه خلصته
علي// خل اخابرج اسمع صوتج
نور// لا مو هسه
علي// تدرين اني سالت عنكم عمي كال عدهم بنت متزوجه وبنات اثنين زغار كال اسماهم بس مو نور
نور**** اني ماعرفت شجاوب يعني علي مايعرف بيه اني متزوجه
علي// بنات عمي يداومن وياج بكليه التربيه

اني فهمت يمكن علي توقع اني ساره لان ساره اداوم كليه التربيه وي بنات عمه
علي// بس ليش يعني انت مو نور اسمج بس اني سمعت امج صاحتلج نور بالمحل
المهم يمكن عمي غلطان بالاسماء

حاولت اغيرر الموضوع شلون ماكان وغيرته فعلا
بقينه اني وياه اسبوع نتواصل علئ طول وماكوو ثانيه وحده الا اذا مانتراسل بيه ويوميه يشوفني
ساره اختي مرتبطه بشخص وياها بالكليه وتقدم الها الولد وصارت بعد اسبوع المشيه مالتهم
خابرني علي العصر جاوبته

علي// يعني انت اذا تحبين ولد وياج شكوو مرتبطه بيه وفوكاه بعد اسبووع مشيتكم مع الاسف عليج
بس الله لايوفقج بس اخر كلام هذا بينه
يتبععع