لجزء الخامس
الكاتبه ((ام زهراء))
مرت علينه ايام واني اداوم بالكليه وجاي نتواصل اني وناصر واسلوبه حلو ومامقصر وياي ومحترم بس بيه شغله وحده انو عصبي وبساع يقرر وصعب التفاهم
داومت الصبح بالكليه كالعاده وكعدت بالساحه لان الجوو خريفي وغيم كولش حلوو دزلي رساله ناصر
ناصرر// صباح الخير
نور// صباح الخيرررات
ناصر// وين اليوم كلبي
نور// بالدوام يكلبي
ناصر// وين كاعده حبيبتي
نور// بالساحه كاعده
ناصر// ليش كاعده بالساحه ??? دخلي جوووه هسه??
نور// ليش يعني كوله كاعدين بساحه لان جو حلوو يمنه
ناصر// يله دخلي هسه
نور// اوكي
طبعا دائما هجي وبساع يصير عصبي كتله اوكي راح ادخل وفجاه اجاني محمد خطيب صديقتي مروه
محمد// السلام عليكم شلونج نور
نور// وعليكم السلام هله بيك خويه
محمد// ردت منج محاضره امس بس ادزها للاستنساخ محاضره استاذ صادق
نور// والله مالحكت اكتب امس
محمد// هس منين اجيبهن باجر عدنه امتحان
نور// امس مروه كتبتهم اخذ منها
محمد// ليوم مامدوامه مروه مريضه
نور// سلامتها
محمد// الله يسلمج** راح ادور لمحاضره واستنسخ الج
نور// اي والله ياريت واني احاسبك من تجي
محمد// مع الاسف عليج خويه
نور// هذا حقك واذا ماتاخذ لاتستنسخ اليه
محمد// اخوج بالبيت ياخذ منج فلوس اذا سوالج شئ
نور // اي والله ياخذ هههههه
محمد/// ههههه خوش والله يله استاذن
نور// الله وياك خويه
راح محمد ودزلي رساله ناصر
ناصر// ها دخلتي لوبعدج
اني طبعا اعرف طبعه وكوتله
نور// اي دخلت
سمعت صوت وراي فجاه اشو ماشوف انج دخلتي
التفتت وراي لكيت ناصر**** ضليت صافنه مامعقووله
كتله //هله ناصر
ناصر// مع الاسف عليج ماتوقعتج كذابه لهدرجه وفوكاها ملتهيه ضحكين وي الشباب
نور// ناصر لاتجاوز اوووكف
ناصر// لا اوكف ولا مدري شنو خلص الله وياج
نور// ناصر اووكف شبيك
وخلاني وراح وماخلاني افهمه صدك مع الاسف عليه صحت وراه شكد ماكووو انطاني ضهره وراح
رجعت للبيت كولش تعبانه اتصل عليه وماكوو دزيت رسائل ميجاوب
دخلت جووه للبيت لكيت ماما طابخه طبخ كولش طيب اول مدخلت البيت شتميت ريحته
ماما// كواج الله نوارا
نور// هله يمه تعبانه كلش
اامي// يله امي بدلي وصلي علما نجهز الغدا
نور// لا ماما مااشتهي
امي// اشبيج اشو وجهج اصفر وضايجه
اني نزلت دموعي وحدها
امي// ياا شبيج نونه منو وياج
نور// محد يمه
امي// شبيج احجي وكعتي كلبي
نور// يمه ناصر
امي// شبيه
نور// كعدت وي امي وحجيت الها السالفه بالتفصيل
امي// هسه اخابره وافتهم منه واعاتبه جا شبيه هذا شنو يشك بيج لو شنو اني اعلمه والله من هسه هجي يسوي وياج
نور// يمه يكول تحجين وي شباب
امي// سهله
امي انصلت بناصر وبساع جاوبها
ناصر// هله خاله
امي// ترئ اني انطيتك بنتي مربايه وتعرف الاحترام صح لولا
ناصر// شنو قصدج خاله
امي/// نور اليوم مريضه وكعدت لصبح بالساحه لان الجوو حلو وتاخذ نفس وحته مادخلت للمحاضرات وثانيا هذا محمد خطيب صديقتها وصديق اخوها كلش وحته اخوها وصاه عليه اول مادخلت للكليه
وثالثا طلب منها المحاضرات. وانت لازم تكون عندك ثقه بيها انت مثقف وداخل كليه وتعرف الزملاء والاخوه وشنو يطلبون بينهم
ناصر// خاله بس لحضه والله من سمعتها تحجي وي غيري متت غيره
امي// لا امي مو صح هذا تصرفك هاي شك مو غيره وانتم بعد تصافوو بينكم اني الي عليه فهمتك الموضوع حته تحس بغلطك
ناصر// هس اعتذر منها
امي// من صاحت وراك ليش مافهمت منها وبعدين حكمت وليش من تخابرك ماتجاوب يعني اذا انت مكانها ماتسولف وي زملائك وتقبل احد ماينطيك فرصه تبرر موقفك
ناصر// اعتذر منح خاله هسه اصلح غلطي
امي// يله بينكم بعد مع السلامه يمه
نور// امي سدت الجهاز ارتاحيت من فهمته لان ردت يصدك اني ماعندي شئ ومو مهم هو بعد لان صدك نزل من عيني
ناصر// اني تسرعت بقراري بس متت قهر ليش تحجي وي غيري اني احبها كلش واموت عليها وثانيا ليش كالت اني دخلت وهيه جذب بعدهي بالساحه
بقيت افكر ومتردد كلش اخابرها لولا
دزيت الها رساله. (( بيج قصتي))
ناصر// اني تسرعت بقرراري بس ماتحملت. تحجين وي غيري وانتي جذبتي عليه وكلتي دخلت واني شفتج بعيني شلون تشاقين وي الولد شلون ماترديني اغار صيري انتي مكاني وحكمي شنو راح تصرفين
نور/// شفت رساله وسكتت ماردت اجاوبه نهائيا
ناصر// ماتجاوبين لو سويتيني اني لغلطان هسه
نور// جاوبته بعصبيه
نور// خلص لاتراسل بعد رجاءا وفلوسك وغراضك راح يوصلوك بيد امي وراح
ناصر// نور كافي ترئ حقي اغار لان احبج رغم انج كذبتي عليه
نور// كذبت لان انت ماتتفاهم خلص انسه نور بعد وراح اكسر الخط واطلب منك طلب لاتحاول توصلي بعد انت كسرت كلبي لان انت شكاك ومااكدر اعيش وياك خلص مع السلامه وفرصه سعيده
وبعد شوي بابا يخابرك ويتفاهم وياك
للحكايه بقيه
يتبببع
YOU ARE READING
قصتي مع بائعه الجمله
Romanceقصه منقوله للكاتبه ام زهراءقصه حلووه وبيها #مأساة حقيقه لبنت فعلا عاشت بضروف صعبه ..
