قصتي مع بائعه الجمله

جزء 7

  الجزء السابع
الكاتبه ((ام زهراء))
بيج قصتي
اجه الليل واجاني ناصر

ناصر// ها كلبي شلونج
نور// الحمدلله
ناصر// بس لا هم تعبانه اليوم وتغفين
نور// ههههه لا
ناصر// اوكي راح اودع جماعتي اني الكاج جاهزه ومستعده
نور// اني متت خوف وطبعا اجه بليل وضليت بس ابجي وخايفه وتمت المهمه الحمدلله
صار الصبح واني تعبانه كلش ومريضه وهم اجوو ناس يتباركون وهوسه وبناتهم
مر شهر علئ زواجنه الحمدلله كل يوم معزومين ابيت وطلعات وونسات
طبعا خالتي شافت حب ناصر اليه وبدت تغار مني ودوم اسمع كلام منها يغث واسكت واخواته ماخلن شئ عليه كل شئ ياخذنه من غير الي الكاه عدهن فجاه بدون مايكولن اليه اخذناه حته
مرت كم شهر وناصر مامقصر وياي ابد واجه دوام الكليه ونقلني ناصر لكليه بالبصره تبعد عنهم طريق نص ساعه وياخذني بسياره وياه ويرجعني وطبعا خالتي واخته المطلقه اكلوو كلبي مو حامل مو حامل وشبيج ومدري شنو بقيت اداوم ومر 6 اشهر وماكوو حمل واخذني للطبيبه وكالت كولشي مابيج ماما وانطتني بس فيتامينات ومع ذلك محد مصدك ويسمعوني حجي اخته الجبيره تريد كولشي مني واذا ماانطيها تشد حرب وياي
اجه يوم كعدت الصبح
صاحتلي اخته المطلقه زهراء
زهراء// نورر
نور// ها
زهراء// جيبلي شغلات وكتبتهن اليه بورقه من المحل الي يمكم بالكليه وانطيج فلوسهن علئ راس الشهر
نور // اوكي
جبت الها الاغراض وكولساع تكتبلي قائمه ومن غير الارصده الي كلساع تكول جيبلي اجه راس الشهر
كوتلها //زهراء اريد فلوس ابو المحل
زهراء// بعصبيه وصياح علئ كيفج شنو عجيبه هنه 25الف
نور// شنو عجيبه هذا دين المحل مو اليه وثانيا هنه 140 مو 25
زهراء// 140الله يستر خاف ماخذه سلسال ذهب لو تراجي ذهب واني ماادري
نور// لاحبيبتي تعالي خل اذكرج هجي اخذتي وهجي وهجي وهجي المهم عديتهن الها كلهن والرصيد هم
زهراء// والله ماانطي بس25 واني وانتي تجيبن اليه الغالي حته الشامبوو ابو 2000 تكولين سعره 6000
نور// ها هجي صارت الله كريم والفلوس ماارديهن وبذمتج
زهراء// بصياح وتريد تضربني واخواتها لزمنها .(( ياسحاره ياام السحوووره خليتي اخووي وراج مايدري بروحه ياسحاره يابنت الكليه لعبتي لعب هنام واجيتي تتشرفين براسي
نور// اني ضليت بس الدموع تصب وكتلهم هسه اخذوني لاهلي هذا الحجي ناصر بدوام
من اجه لكاني ابجي واجمع باغراضي
ناصر// شبيج نور
نور// هجي سوت بيه اختك زهراء وهجي
ناصر// تحملي حبي ويله تعالي بحضني
نور// ضليت صافنه تريد تضربني وسوتني سحاره ومو زينه وطعنت بشرفي وهجي اسلوبه
كتله // معقوله مايهمك كل هالشي
ناصر// حبي تحملي ماتشوفين مرت اخوي متحمله
نور// بقيت بس ابجي والدموع تصب علئ حظي وعلئ تعامله وبروده وصار يوم الثاني ونسيت السالفه وبردت ونزلت عادي يمهم بس مااحجي وي زهراء

وضلت زهراء بس تذب حجي وهو ولا يهمه ومايحجي وياها ومحد يكدر يحجي وياها كوله تخاف منها وضليت سنه هي تتحكم بينه ولاعبه بينه لعب وورتني نجوم الضهر. واني لاحول ولا قوه وناصر يشوف ويسمع ومايحجي ابد ولا يتحرك
اخر شئ طلبت منه يروح يسوي تحليل وبالكوه قبل وراح سوه تحليل وطلعت نسبته ضعيفه كلش ويرادله وقت طويل حته يتعالج وتعبت كلش ومحد يصدك انو منه السبب شما اكول الهم ويعايروني مرت سنتين ومايقبل يعالج وراتبه كله يخلصه علئ اهله ومايقبل يروح يتعالج

تعبت كلش منه ومن اهله حته خالتي تحاجيني علئ كد المصلحه تخاف من زوجة احماي الجبيره ومن بنتها بس اني كادره عليه لان مااحجي وياها تعبت ضعفت مليت
كم مره الكه ناصر يحجي وي بنات بالكروبات واسكت اكول مجرد صداقه وكم مره اقرا رسائل واحاسبه وواواجه ويحلف مجرد صداقات وتسليه.

مرت سنتين ضبط واني لا حمل ولا راحه بس اخته موريتني الضيم
صحته وكتله اريد اهلي
ناصر/ ماشي اوديج بعد يومين
لميت غراضي وكملت ورحت لاهلي وهناك ارتاحت نفسي وقررت بعد مارجع

للحكايه بقيه