قصتي مع بائعه الجمله

جزء 8

  الجزء الثامن
الكاتبه ام زهراء
مرت ايام واني عند اهلي
كعدت الصبح كالعاده سمعت صوت بالمطبخ جاي من الاستقبال لكيت اختي سمر
سمر// منووو
سمر// ناصر
سمر// اسمعه جاي ياخذج
نور//المن جاي غير كتله لايجي
. *** رحت يم باب لمطبخ سمعت امي تتعاتب وياه وهو يبري
// نور بعد ماتريد ترجع بعد منك الها
ناصر// خاله انتي حاجيها وهيه ماعدها عقل وطفله
امي// هسه اصيح الها واحجي وياها. **اجت امي لكتني يم باب المطبخ
امي// ها يمه هذا ناصر روحي يمه

نور// يمه شنو حجينه. امس
امي// روحي كعدي يمه واحجي يمه
نور // رحت يمه وكعدت بعيد عنه
وكتله // ناصر ارجوووك لاتضايقني ولاتعب نفسك بعد مااريد ارجع لان تعبت.

ناصر// نور لاتكبرين خشمج اكو بنات تتمنه عيشتج. كلشي اجيبلج وانواع الاكل والحلويات عندج وتلبسين احلئ لبس بعد شتردين كوولي
نور// مااريد لبسك واكلك اريد شخص اريد رجال اشووو تطلع بالعشا تجيني ب1 بليل وب2'الضهر بس لازم تلفوونك وتراسل بنات الصبح بدوام... طبيبي لبسي كوله علئ اهلي انت بس محسوب عليه .. بس محسوبه عندي شقه فوووك وشغلي والكراب والشغل والاكل كوله جوووه ماكدر اكل شئ اشتري شئ من اهلك تعبت منك خلص طلكني مااريدك بعد اذا عندك كرامه طلكني.
ناصر// لا حول الله مااحجي وياج كلامي وي اهلج.

*** اجوو ابوي واخوي العصر وحاجاهم ناصر واجو اهلي كلهم قنعوني ارجع وحسيت نفسي صدك ثكيله عليهم
واجاني بابا// بابا انتي بعدج صغيره وصعبه عليج كلمه مطلقه رجعي لرجلج هو كال راح اتغيرر كلش وشتردون حاضر
. نور/ الله كريم.
امي//عفيه نوارا انتي تتحملين وهو واعدنه يغير كلشي يزعجج. ** رجعت وياه وطبعا البيت كوله ميحجي وياي واني بس كاعده وحدي انزل اكمل شغلي واصعد ومن اصعد اضل ابجي ناصر نفس الشي بس يطلع وي جماعته ومااشوفه ابد ويراسل بنات ونفس الموال لاتغير ولا شئ بس بقيت متحمله اخواته يحجون وياي علئ كد مصلحتهن وامه كذالك داومت بالكليه وخلصت مرحلتي الرابعه وتخرجت الحمدلله بس ماكوو فرحه كنت انتظر شوكت يجي لصبح واداوم لان محد معبرني بالبيت من اجت العطله حياتي صارت جحيم بجحيم ناصر 24ساعه بس كروبات وبنات طكت روحي بعد مااتحمل. خابرت امي الصبح ***
نور/// ماما.نور
امي// هله يمه
نورر// يمه فدوووه تعالوو اخذوني او احرك نفسي هسه وسديت الخط. امي ضلت تتصل ومااجاوبها. صار الليل واني وحدي فوك بشقتي *** خابرتني
امي// نور احنه جوه عدكم اني وابوح تعالي نزلي. نور*** نزلت لامي ورحت شبكتها حيل وابجي وهنه يقلدن عليه. وكوتلهم اخذوني قبل لايجي ناصر. صعدنه فووك وكعدوو يقنعوني وماكوو. وناصر تخبل من سمع راح اروح وياهم كالتله امي خل ترتاح وارجعها وافق ناصر وكال الها

ناصر// ماشي خاله وانتم ترجعونها بيدكم نفس مااخذتوها.
امي// تدلل. اخذت اغراضي المهمه وكول مستمسكاتي وشغلات للكليه وشهاده تخرجي رجعت لبيت اهلي وارتاحيت ومر شهر وناصر يتصل وقررت لو شيصير ماارجع بعد نهائيا اهلي حاولو كومه وياي وابد ابد ماقبلت وهو اجه كم مره وماقبلت، اروح وياه. صديقتي مروه والدها محامي جبير وتعينه عقد بالمحكمه انا وياها طبعا بواسطه يم اهلي وجاي اداوم اني وياها وصديقه ثالثه ويانه اسمها خوله وعدنه خط ياخذنه ويرجعنه وناصر لايقبل يطلك واني مااقبل ارجع وبقينه هجي معلكين ومرت اشهر واني اداوم بالمحكمه ومرتاحه وطبعا بيت خوله يم ((محلات الجمله)) وداخل السوك يوميه ناخذها ونرجعها ويانه بالخط وناصر شكد دز عليه ناس واعمامه وماقبلت اهلي حاولوو ارجع ماكوو وهواي تقدمولي بالمحكمه وياي مايعرفون بيه متزوجه غيرت خطي وبديت حياة جديده .. صارو عندي كم معاميل بالمحكمه اخلص الهم معاملات او قضايا قصيره والحمدلله مدبره حالي ويوميه نروح ونرجع ناخذ خوله من بيتهم بالسوك قرب محل جمله وطبعا بيه بيه هواي عمال وبضائع وهوسه عليه وكانت تتاخر خوله علما تطلع للخط واني ابقه انتظر بالخط علما تجي خوووله.

للحكايه بقيه
يتببببع