قصتي مع بائعه الجمله

جزء 10

  جزء العاشر
الكاتبه ((ام زهراء))
ومرت شهرين واني اروح لخووله واشوف علي ينتظرني يوميه الصبح بباب مالت المحل
طبعا ناصر مايقبل يطلكني واهلي مايقبلون اطلك لا اكدر ارفع قضيه ولا اكدر اتحرك يشئ واني اذا اريد اتحرك اني محاميه واكدر اسوي شئ

تعلقت بعلي كلش ضليت انتظر الدوام. يوم يوم حته بس اشوفه هو كذلك احسه يفرح من يشوفني يضل مثل الي مايعرف يسولف مع الزبائن من يشوفني
كنت افرح من تتاخر خووله
فكرت بيوم من رجعت من دوام اتصل علئ ناصر بدوون محد يعرف وانهيها وياه
خلصت قررت بعد لان مااكدر اتحمل اني متعلقه بشخص واني علئ ذمة رجل غيره
صار الليل جبت موبايل امي ودزيت رساله لناصر
نور// السلام عليكم محتاجتك بموضوع
ناصرر// هلا منو نوارا
نور// اي
ناصر// اكدر اتصل
نور// لا مسجات فقط
ناصر// ليش هجي تسوين بيه
ماخلص عقابج اليه.. كافي نور اعقلي وارجعي
نور// اني مو معاقبتك اني تعبت وقررت اشوق حياتي بعد
ناصر// نور لاتسوين هجي واني وراي شمات
نور// منو شمات
ناصر// تعرفين
نور// منو اختك الي سوتني مو زينه وبنت كليه لو الساحره لو اهلك الي ماتقبل انطي بيهم هالكد لو منو لو الايام الي كنت ابجي بيها كدام عينك وانت ساكت كلشي ماتسويلي لو تسمع الحجي عليه كدام عينك ولا كأنما
ناصرر ارجووك طلكني او ارفع دعووه عليك بس اني ماارفع لان اهلي مايقبلوون هسه
ناصرر// نور انطيني فرصه والله هسه حسيت بحبج وقيمتج اني متندم
نور// عليمن متندم علئ جفاك اليه لو علئ عايفني وحدي لو علئ طلعاتك لو علئ صاحباتك البنات ???كوول
ناصرر // نور كافي كتلج متندم

نور// مايفيد بعد. * ورجعه ماارجع
ناصر// نطلع بيت وحدنه اني قابل
نوور// كنت قبل مااريد منك شئ وكنت شايله نفسي بنفسي وكنت مدللتك وكنت مااحجي وكنت مخليتك بعيوني كنت متحمله كلشي علمودك وانت ماقدرت هالشي
ناصررر*** ارجووك طلكني مااتحمل بعد والله

ناصرر // نور ارجوووج فكري والله احبج ومتندم كلش
والبنات عفتهم واحد صديق هو خربني وكام يطلعني وهسه متندم منو الي مايغلط بحياته
نور// ناصر اطلبك ارجووك

والله ما الك مكان بكلبي بعد مااريد اضلمك وياي واني شفت حياتي بعد وداومت هنا ومرتاحه
نناصر// فكري ارجوووج وماراح اضايقج اهليج براحتج وشما تشرطين حاظر

نور// مع السلامه
نور**** ناصر جرح كلبي هواي كنت اشوف كلامه وي صديقاته كلام يخزي وسخيف بس كنت اسكت لان مايعرف بيه اعرف الرمز مالت موبايله بس اعاتبه يغيره وبعد مااكدر اشوف سوالفه
كنت اشوف كلامه وي ابن عمه ويتفقون يقابلون صديقاتهم كنت اشوف كلام هواي مااكدر احجيه كنت اشوف صدمات جبيره تحملت خالتي وكلامها كانت تدعي عليه كدام عيني انشاءالله ماتخلين طفل بحضنج كانت حماتي كدام عيني تحجي علئ بنات الكليه
هواي وهواي امورررر

حته كدام عيني كالن قبل بيتنه مابيه شئ يضيع وسرقه اشو هسه صار سنه كلساع ينسرق منه شئ هووواي امور تعبت منه
بس جرح ناصر اكبر جرح مااكدر انساه ابد ابد خيانته اليه وجرحه ماانساه

مرت شهر كامل واقنع اهلي علئ طلاق وماكوو تعلقت بعلي كلش لااكدر احجي وياه ولا اكدر حته اباوع اله لان اتذكر بعدني علئ ذمه ناصر اخاف من ربي ...
ضليت معلكه علي اشوفه بس يباوعلي يحاول يوصلي كأنما يكلي هاج رقمي او نزلي احجي وياج بس ماكدرت اسوي شئ ولا اهتمله
علي مل مني اكيد كال هاي مارايدتني صار 4اشهز بس بسياره كاعده وهو يفتر ويحاول وماكوو

علي// ** اني اول مره اتعلق بوحده هجي كنت مصادق هواي والتقي واعرف بنات كد شعر راسي.. وحته الي يجن للمحل هنه يشمرن رقم عليه وكنت اخابرهن واختلط بينهن
هاي لبنيه غير دخلت كلبي بس ماعرف ليش هجي احسها تباوعلي وراغبتني بس ليش تكاير شنو ماعدها جهاز لو السايق اخوها لو تخاف اضحك عليها تعلقت بيها لابعد حدود انتظر شوكت تجي ساعه 8 واشوفها كلبي صار نار عليها بس صار هواي اني مفرفح عليها وهيه ولا كأنما لذلك قررت اعوفها ومااهتم الها بعد

ناصررر// اني توني حسيت بغلطتي صحيح ماانكر مدري شبيه تخبلت علئ البنات وسوالف لسخيفه حته كنت اطلع وياهن نور ماقصرت وياي حته تحملت كلشي علمودي حته تستحي تطلب مني ... البنات الي اخابرهن يطلبن مني وهيه زوجتي ماسوتها
حسيت بقيمتها بس شلون ارجعها تعبت ماخليت شئ ماسويته يااربي ساعدني

نور// صحت لامي وكوتلها
نور// يمه اني اريد اطلك اني تعبت بس معلكه
امي// يمه تعوذي من الشيطان كافي عناد
نور// يمه ليش ماتفهميني ماريده مااااريده حرام عليكم تردون انتحر حته ترتاحون خاف تعبتكم الاكله مالتي*** خاف الخبزه مالتكم ماتكفي اني اشتريلكم خبزز مني
امي// انجبي وكافي وروحي حاجي ابوج واخوج اني ماادخل

رحت لابوي وحاجيتها
نور// بابا ارجووك طلكوووني مااريد ناصر والله احرك نفسي
بابا// بعصبيه روحي منا عني كافي السكر والضغط الي بيه... قبل كنه نضرب زوجاتنه ويكرفن البيت كله و5جناين بيت واحد ومحد زعلت ... شنو هذا الجيل وطلاك ماكووو ماعدنه بنات تطلك هذا الي ناقص فووك قهري فوك هاي تريد تخليني علج للناس وتريد تكعد يمي
نور// خلص بابا يصير خير
لاطلكووني بس اخذوني للكبرر احسن

طلعت واني ابجي ومااحس بنفسي الا وكعت علئ الحافه مالت باب المطبخ
فقدت الوعي ساعتين تقريبا كعدت لكيت امي واخواتي فوك راسي ويكعدون بيه راسي مشكوك اخذوني خيطوني 3خياطات

صار اسبووع مامداومه لان كصتي مخيطه
علي// صار اسبوع هاي لبنيه ماكووو... بس ايو الخط يجي ياخذ هاي لبنيه الي يم فرع المحل صاروو 10 ايام وماكوو حته ماعرف هيه طالبه مدري موضفه ...
نور// تعبت من كلشي خلص مااريد شئ حته الخط راح اغيره حته مااشوف الولد ابو الجمله
كعدت الصبح كالعاده اليوم موعد افتح خياطاتي.. كعدت علئ وكت سمعت اندك الباب رحت للباب فتحته
لكيته ناصر وخالتي!!!!
ضليت صافنه ... ليش اجوو والمن
كتلهم تفضلوو
ناصر// طار من الخووف شبيه راسج ومنو ضاربي مسويه حادث شنو
نور// لا وكعت ودخلوو جوه للاستقبال وسلموو علئ اهلي

للحكايه بقيه