الابتسامة تصنع المعجزات

الحلقة الأخيرة

الحاجة اجلال: شوفى بقى يا دعاء احنا جايين زيارة اللى وعدتك بيها ياختى وجايين كمان علشان نجاح سجد عرفت انها جابت مجموع كبير الله اكبر...وجايين علشان حاجة كمان كده بخصوص سجد
عمة سجد: خير يا اجلال
_بصريح العبارة كده احنا جايين علشان ناخد سجد لجابر انا مش هلاقى بنوتة زى القمر ولا فى اخلاق سجد وجابر قالى انه بيحبها وعايزها قولتى ايه؟
_والله انا عن نفسى عمرى ما هلاقى احسن من جابر لسجد بس الرأى رأيها
الحاجة اجلال: ايه رأيك ياسجد

وطبعاً السكوت والخجل علامات الرضا

جابر: نقرأ الفاتحة بقى
_ايمان: تعالى ياسجد اقعدى جنبى هنا

وبعد مايقرأوا الفاتحة ويحددوا ميعاد الخطوبة...ويمر يوم بعد يوم وفجأة ييجى ميعاد الخطوبة قبل ماتدخل سجد الجامعة بأسبوعين

ونرجع للحلم سجد قاعدة على كرسى ذهبى قدام مراية كبيرة وجنبيها سلمى ونورا واقفين  وتدخل عمة سجد بتزغرط ويفضلوا يضحكوا

وتخرج سجد لابسة فستان بسيط رقيق لونه رمادى ومتزين حواليه ورد صغير لونه وردى والطرحة لونها وردى نفس لون الورد وجابر يلبسها الدبلة ولأول مرة قدام الناس يبوس ايديها بكل رومانسية وهى طبعا يظهر عليها الخجل من تانى وتلبس لجابر الدبلة
وعبد البرحمن واقف جنب سلمى
عبد الرحمن: عقبالى يارب
سلمى: ده بعينك

عمة سجد: روحلها لأبوها بكرة ياواد
_وعلى ايه انا طالب ايديها منه من زمان والله ايام مابويا كان بيقوله بس والله لاروحله تانى ..وتبدأ سلمى تضحك

وبكده تنتهى الرواية بخير واحلى سعادة واستنونى ان شاء الله فى حاجة بعديها احلى...