الابتسامة تصنع المعجزات

سجد والماضى

سجد بدأت تتكلم بحزن:كنت بحبه بحبه ااوى لدرجة انى كان نفسى يكلمنى كل دقيقة..كل لحظة تعرفى انا اتعلقت بيه بجد بس هو ماقدّرش ده ولا قدّر حتى الحب اللى مايستهلوش
طيب اقولك انا على قد ماندمت انى حبيت واحد زى ده ازاى واللى انتى هاتموتى عليها دى انا عارفاها
سلمى بدهشة: ايه عارفاها ياسجد وماتقوليش..دى مين بقى؟
_دى بنت بتلعب بمشاعر الناس بنت قلبها اسود وماتعرفش ايه هو الحب بنت لاعندها اخلاق ولا مشاعر اتجاه حد
_وانتى عرفتى كل ده ازاى؟
_علشان اخر مرة لما قالى انه هايسبنى اتجرحت ااوى ودعيت بإن ربنا يرزقه بواحدة زيه تلعب بيه وبمشاعره وتاخد السواد اللى فيه ده وتشربهوله
_يالهوى يا سجد هو الحب كده ده كويس انى ماجربتهوش الحمد لله
_لا..لأ الحب مش كده خالص
الحب بيكون حاجة نقية حب صافى كده بيكون من قلوب صافية ومش شرط الحب اللى بكلمك عنه ده اللى هو من طرفين وبس لأ زى حبى ليكى وحبى لعمتو ،حبى للجيران،حبى لبابا الله يرحمه كده
_طيب ده حب حقيقى
_لأ مافيش حاجة اسمها حب حقيقى...الحب الحقيقى هانفضل ندوّر عليه بس مش هانلاقيه لاننا مش عارفين ايه هو الحب الحقيقى ده ولا جربناه اصلا لأن احنا نفسنا بنكدب على بعض هانحب لبعض حب حقيقى؟!
_والله انتى المفروض تدّى دروس فى الحب وتعلمى الناس شوية
_ياشيخة اتنيلى احنا بنفضفض لبعض مش اكتر
بس ياسلمى بجد لو عايزة تحبى حبى بس لو العلاقة هاتحسى ان فيها تعب افصليها عنك او بالبلدى كده اقطعى دراعِك اللى هى علاقتك وريحى دماغك وقلبك من الوجع
_صاحبتى منير اسامة يا جدعان
وتبدأ تعلى اصوات الضحك من سلمى وسجد

وفى بيت جابر وبعد ما خلصوا اكل
ايمان:يلا سلام يا ماما سلام يا بابا
الوالدين:مع السلامة يابنتى
:يلا يالوجى سلمى ع نانا وجدو
وماتنسيش يا ماما تكلمى رحمة وتقوليلهم وسلميلى عليها
_حاضر يابنتى..انزل مع اختك يا جابر وصلها
_لا يا ماما انا انزل لوحدى ماتتبش نفسك يا بيجو
_يابنتى الدنيا ليل
انا نازل معاكى يا لحسن انا عايز اتكلم معاكى ف موضوع يلا
ويمسك جابر ايد
.. بنت اخته فهو فعلا زى ما قال(الخال والد)فجابر طيب جداا
_يلا يالوجى
_يلا يا بيجو
وفى الشارع جابر بصحبة لوجى وايمان
_قول بقى ايه الموضوع
جابر بتنهيدة:هى حاجة وحشة لما واحد فى جامعة يحب بنت فى ثانوى
وايمان بعد مافهمت قعدت تضحك:اه عادى..هو ده الموضوع اللى شاغلك ااوى يعنى
_لأ بس..بس..ب
وتبدأ تقاطعه ايمان:آه بس طب كمل
_بصراحة انا من يومين شوفت بنت..هى فى ثانوى اتشديت ليها بس الفرصة ضاعت منى وماعرفتش اتكلم معاها او اشوفها تانى
_ليه؟
_لأنها مش هاتيجى مدرستها تانى
_افهم بس يعنى..مال مدرستها ومالك
_هافهمك..انا اول مرة شوفتها فيها عند مدرستها وجيت اروح اليوم اللى بعديه اشوفها تانى زمايلها قالولى انا علشان فى3مش هاتيجى تانى
_آه...ايه ده يا جابر ده انت يا حبيبى شكلك كده فى دوامة
_يا ايمان انا بقولك علشان تضايقينى
_لأ والله بس حقيقى شكلك يعنى متغير خالص..هى حلوة
_بقولك زى القمر بنت شكلها محترم ورقيق كده..بنت.أءءء...مش عارف
_خلاص فهمت
بص طيب تعالى بكرة اقعد اتغدى معايا وتشرب الشاى مع ابراهيم ونتكلم فى الموضوع ده
_ماشى..وانا راجع من الجامعة هعدى عليكى
وينادى بأعلى صوته:تاكسى!!
مع السلامة يا حبيبى
ماتنساش تيجى بكرة
_ماشى..باى يالوجى
_باى يابيجو
واخيراً فى بيت سجد وتبدأ سجد تطلع فوق دولابها تخرج شنطتها اللى بقالها فترة مركونة وهى بتنزل الشنطة تنزل معاها حاجة
والحاجة دى تبدأ ترجع كل اللى فات لسجد وتخليها تفتكر حاجات وتفكر فى حاجات قديييمة وتبدأ تدور فيها
*ياترى ايه هى الحاجة المهمة دى
هاتعرفوا الحلقة الجاية بإذن الله ياريت يكون فيه تفاعل عن كده ورأيكوا يهمنى