الابتسامة تصنع المعجزات

سجد بدأت تفكر ف جابر

_بصى ياستى بابا توفى وانا عندى 6 او7سنين كده مش فاكرة وكانت ماما سافرت ساعتها فمش فاضل غير عمتو اللى تاخدنى فخدتنى وماكانش فيه مانع لأنها عمتى وليها الحق فيا
_طب وماكنتش متجوزة
_لا طبعا كانت متجوزة ومش اى حد كانت متجوزة لواء كبير فى الجيش بس هى كانت عندها مشاكل فى الخلفة وكده فأتبنتنى وماكانش فيه مانع وجوزها برضو ماكانش عنده مانع وبعد سنتين كان طالع مأمورية كبيرة فأستشهد وبعدها بسنة ونص عمتو عرفت ان ماما سافرت اسكندرية واتجوزت
هناك وبس مابقاش فاضل لعمتوا
غيرى وانا ماليش غيرها
_يااه ياسجد بقى كل ده وانا معرفهوش
وسجد بعد تنهيدة اول مرة :آه واهى مش حكاية ااوى يعنى
_طب بس مامتك ممكن تكون مظلومة
_ماهو ده اللى انا حاساه
_طب وبعدين ماتحاولى تفاتحى عمتك فى الموضوع
_لا طبعا لأ ده مستحيل لو فاتحت عمتو هاتقول ايه اللى فكرها بيه دلوقت ده
_يعنى عرفتى منين؟
_هى عمتو اللى كانت قايلالى وانا ف1 ثانوى علشان اكون كبرت وعرفت كل
حاجة ويلا بقى امشى علشان زمان امك قلقانة عليكى وانا عايزة انام
_تنامى ايه؟وبعدين ماما اكيد عارفة انى مابقعدش مع حد غير معاكى
_طب يلا انا عايزة انام
_ماشى هامشى ...بس قولى الواد كان حلو صح
_انهى واد؟!
_الواد بتاع الصبح انتى هاتسطعبتى عليا
_آه..لأ مش حلو وانزلى بقى
_طيب انا نازلة بس هاكلمك فى الموضوع بكرة يلا سلام..سلام ياطنط
_مع السلامة ياحبيبتى تبقى تيجى تانى
يا سلمى
_حاضر ياطنط انشاء الله
_يلا ياسجد مش هاتذكرى
_لا هذاكر ايه انا هنام دلوقت
_ماشى ياحبيبتى يلا تصبحى على خير
_وحضرتك من اهلو

واول ما اتقفل باب الاوضة سجد مخها راح لسرحان هى عمرها ماكانت تتخيل انها تسرحه
سرحت فيه...سرحت فى اللى كلمها
الصبح وتقول
:هو اه حلو وقمور قمور الصراحة بس
ايه ده ايه ده لأ طبعا ايه الهبل ده يالهوى بقى انا اتجننت

وتانى يوم الصبح جابر مستعجل جدااا علشان يلحق يشوف سجد بدرى قبل ما الطابور يبدأ ويدخلوا
والدة جابر : ايه يابنى مستعجل كده ليه؟ اقعدلك كلك لقمة
_لا يا امى معلش اصلى شبعان شبعان جداا
والد جابر : هههه شبعان ولا رمضان يلا
_آه صباح الفل ياحاج.. بقولك ايه يابا
اقعد كده مع امى والش عليها بقى
وماوصكش
_ماشى ماشى يابن صالح بتوصيه عليا
_يلا سلامو عليكم
_وعليكم السلام مارحمة الله وبركاته

ويوصل جابر قدام المدرسة عنيه مافيهاش غير صورة سجد بس اللى بيدور عليها بس ايه ده؟ هى فين؟ ازاى مش موجودة؟ انا جاى بدرى
وتشوفه نورا آه نورا دى البنت اللى بهدلته :انت؟؟
جابر متوتر :احم ازى حضرتك
_آه تمام مش انت بتاع امبارح
_ايوة! اايوة! انا
بس قبل ماتتكلمى يعنى انا والله جاى اعتذر للانسة اللى انا كلمتها امبارح اصل انا الحقيقة كنت تعبان شوية بس
_مين؟ اه سجد
_هى اسمها سجد!!!
_اه..بس هى مش هاتيجى تانى
_مش هاتيجى؟..طب ليه هو فيه حاجة انا اسف يعنى
_لأ اصلها اتخانقت مع شلة كده فى المدرسة والمدرسين قالولها ماتجيش تانى وبس هى فى 3بقى وكده تقعد تذاكر
_آه طب انا اسف ولو شوفتيها ياريت توصليلها اسفى
_انشاء الله يوصل
وتسامحه نورا لانها وقعت فى جماله من وسامته او لبسه او حتى احترامه
اه جابر شاب وسيم ومحترم وخفة دمه مغطية عليه وعايش عيشته العادية مش زى شباب اليومين دول لأ هو شاب عادى
وترن سلمى الباب على سجد
_ايه يابنتى كل ده نوم
_آه تعالى انا كنت عايزة احكيلك حاجة عن الواد بتاع امبارح اللى شوفناه قدام المدرسة ده
_ايه قولى؟؟
(ياترى ايه هى الحاجة دى؟..)