الابتسامة تصنع المعجزات

حلقة14

وجابر خطرت فكرة فى باله
بأنه يشوف حمزة اخو رحمة بيلعب بكورة تنس خضراء

_تعالى يا حمزة اقولك
_لأ...مش هاجى
_خد هاديك لبان وشبسى قد كده
_لبان وشيبسى...ايه عايز ايه؟
_ورينى الكورة دى..ويرميها جابر فى بلاكونة سجد قاصد
_ايه ده رميت الكورة بتاعتى انا عايزها يا ماما
_بس تعالى نجيبها واجيبلك لبان وشيبسى
.
.
.
.
انا رايح انا وحمزة اجيبله الكورة علشان وقعها تقريبا فى الشقة اللى جانبيكوا هنا

وتتكلم رحمة:وقعتها ليه يا حمزة
_مش انا هو اللى رما...
_لا وهو بيحدفهالى غصب عنه فوقعت

وايمان تبص لجابر بمكر
_وانت داخل مع حمزة ليه يا جابر وانت صغير روحى يا لوجى مع حمزة
_هو ايه معندناش بنات تروح مع ولاد فى حتة اقعدى هنا يا لوجى يلا يا حمزة لما اجيبلك كورتك مكسوف تدخل جوة لوحدك يعنى

وكل ده وحمزة مانطقش بكلمة مستحمل علشان اللبان والشبسى وجابر طبعا مستحمل لما يشوف سجد

وجابر يخبط على باب بيت سجد

وبنت صغيرة تفتح
_ايوة ؟

وطبعا جابر كان متوقع غير كده اللى يفتحله الباب
_ازيك يا حبيتى
سجد:مين يا سندوسة
وتتكلم بإبتسامتها:انت؟؟ عايز ايه
ويتكلم جابر بطريقة طفولية شوية:على فكرة انا جاى اجيب الكور اللى وقعت فى البلاكونة عندكوا بتاعت حمزة
_انهى بلاكونة؟
عمة سجد:مين ياسجد اللى كان بيخبط
اهلا ازيك يا حمزة
_ازى حضرتك يا طنط دعاء...مش عارفانى ولا ايه
_لا؟؟؟
_انا جابر اخو محمد الظابط.. محمد خطيب رحمة
_اه انت ابن إجلال
_ايوة انا ازى حضرتك
_الحمد لله يا حبيبى بسم الله مشاء الله تعالى ادخل تعالى يا حبيبى اتفضل كبرت يا جابر انت لسة بتدرس صح
_اه انا رابعة حقوق انشاء الله
_بسم الله مشاء الله ربنا معاك يابنى انت كنت جاى هنا زيارة ولا ايه
_اه امى واختى جوا مع رحمة
_معقول يعنى ييجوا ومايسلموش عليا
طب استنى اقوم اعملك حاجة تشربها
_لا والله انا لسة شارب هناك بس....
_ويتكلم حمزة:يلا بقى انا عايز الكورة بتاعتى
سجد: خد اهى كورتك يا عم حمزة بس عالله ترميها تانى فى البلاكونة
_هو انا ...ده جابر اللى حدفها
وتبصله سجد:هو احنا فينا من حركات العيال دى برضو
_وهو كان فيه حاجة غير كده اعملها...انا عايز رقم موبايلك
_بالسرعة كده
_اه اخلصى خودى الموبايل اهو اكتبى الرقم

وطبعا سجد ما اترددتش لانها فوجئت ان عمتها تعرفه وغير تفكيرها فيه شهور من الاخر كده سجد ثقت فى جابر ودى حاجة مستحيلة بإن سجد تثق فى حد وخصوصا بعد حبها الماضى

وتدخل والدة سجد
_دى ماما
_ده جابر يا ماما
_اهلا يا حبيبى اهلا
_اهلا بحضرتك
.
.
.
.
والدة جابر تخرج هى وايمان وبنتها
وعمة سجد تشوفهم:اجلال عاش من شافك يا اجلال
_ازيك يا دعاء ازيك يا حبيتى
_انا زعلانة منك...بقى تيجى هنا بعد مدة وماتسأليش عليا
_والله كنت لسة قايلة لنادية هافوت عليكى وانا ماشية انتى عشرة عمر
_ازيك يا ايمان بنتك دى شبهك ماسابتش حتة منك
وجابر يشاور لسجد وبصوت واطى:تعالى تعالى
_ايمان سجد
وتتفاجئ ايمان بسجد ماتتوقعش ان دى سجد :ازيك يا سجد انتى عسولة ااوى....انتى فى سنة كام دلوقتى
_انا 3 ثانوى
_ربنا معاكى
وجابر يعرّف والدته على والدة سجد واخته على سجد
عمة سجد: والله ما انتو نازلين الا لما تشربوا حاجة
_والله يا دعاء ماقادرين نشرب حتى كمان علشان ايمان تلحق تروح بيتها
_لا ازاى دى يا اجلال لأ ياختى ونبى لاخد على خاطرى منك
_وحياتك عندى ليكى زيارة وهاجيلك بس بعد ما سجد تمتحن انشاء الله اجيلك فى العيد ويكون فرح محمد كمان وليكى عندى زبارة بعديها
وبعد الحاح طويل من دعاء واحلام على اجلال
وبرضوا مشيوا ورغم كده لسة فيه زيارة والله اعلم دى زيارة عادية ولا زيارة ايه من خلال احداث الرواية هاتعرفوا