سجد بتكلم عمتها
_الو..عمتو يا عمتو
_ياروح عمتو
_بقولك انا هاجى ع الساعة 5 كده انا وسلمى علشان تبقى جهزى الاكل بقى
_ماشى عندك درس ايه انهاردة؟
_عندى جغرافيا مراجعة كده
_خلاص يا حبيبتى ترجعى بالسلامة
سلمى: عمتك عاملة ايه؟
_كويسة وبتسلم عليكى
_لا على فكرة هى عاملة اكل ايه؟
_ههههههههه يلا يابت علشان الفسحة خلصت
ويادوب لسة طالعين على السلم قابلوا شلة (الفساكونية) شلة معروفة فى المدرسة بشلة البلطجة
واحدة منهم :يلا يا ماما انتى وهى انزلوا من هنا لما ننزل الاول تبقوا اطلعو
_سجد : احنا مش نازلين..احنا طلعنا هنا الاول لما نطلع تبقوا انتو اللى تنزلوا
_انتى عبيطة يابت ولا شكلك كده بنقولك ايه يا قمورة هاتنزلى ولا هانلشلفطلك وشك الجميل ده
وتتكلم سلمى الجبانة برعب : يييلا ياسجد احنا ننزل ليشلفطوكى بجد
_تشلفط مين الكرومبة دى طب والله م احنا نازلين
_سلمى :لا انا نازلة خليكى انتى
سجد بصوت واطى:نازلة فين؟خليكى معايا ونبى
وتعلى صوتها :لا احنا مش نازلين وخليها تورينى بقى
وتسمع مشرفة الدور صوتهم العالى لغاية ماشافتهم
_بت انتى وهى بتصوتوا كده ليه
_سجد :هما يا ميس اللى مش عايزين يطلونا والعجلة دى عايزة تضربنى
_جرا ايه يا ازبل شلة انجروا قدامى ع مكتب المديرة يلا
ويبصولها بحقد وغل ف وشوشهم
مشرفة الدور بتقول لسجد بصوت واطى :بقولك ايه ياسجد يا حبيبتى انتى مش مضيتى على الاستمارة وخلاص
_اه يا ميس!!
_خلاص يبقى ماتجيش تانى اقعدى ذاكرى فى بيتك يا ماما الله اعلم لو جيتى تانى الشلة دى هتعمل فيكى ايه
سلمى :صح يا ميس دول ممكن يشلفطونا زى مابيقولوا
وسجد اتزهلت ههههههههه طبيعى مش قادرين على مجموعة بنات فاسدةومش عارفين يمنعوهم من مجيهم للمدرسة بس يعرفوا يمنعوا البنات المحترمة اللى مايقدروش يتكلموا لو مدرس قالهم ماتجوش
وبعد ما خلص الدرس راحوا البيت
_عمتوا
_اهلا تعالوا يلا الاكل جاهز..ازيك يا سلمى
_الحمد لله يا طنط ازى حضرتك
_نحمد ربنا يابنتى...يلا ادخلو على السفرة على طول
_اااه الاكل يجنن
_شوفتى يا طنط كان ايه اللى هايحصلنا انهاردة سجد اتخانقت مع اصيع شلة فى المدرسة وكانوا هايضربوها
_ايه؟ ياخبر...اتخانقتى فعلا ياسجد
_اه يا عمتو يعنى كنتى عايزانى اسكتلهم يعنى ماكانوش عايزنا نطلع وبيأمرونا
_عيبة عليكى
_لا وكمان ياطنط مشرفة الدور شافتنا وخدتهم عند المديرة
_عادى ياختى زى كل سنة مش هايعملولهم حاجة ويرجعوا يتبلطجوا على البنات تانى
بس اللى حارق دمى يا عمتو انهم خايفين منهم وبتقولى بصوت واطى علشان مايسمعوش انى ماجيش المدرسة تانى علشان مايعملوناش حاجة
_معقول كده؟؟؟
_ماللى زينا ياخد على دماغة
_احسن ماتروحيش اقعدى ذاكرى هنا احسن ياحبيبتى وانتبهى لدروسك انتى فى شهادة
_والله ياطنط الميس قالتلها كده برضه
_حاضر ياعمتو
_يلا بقى كلوا زمان الاكل برد
وبعد ماخلصوا اكل سجد وسلمى دخلوا البلاكونة دى بقت المستقر للقعدة بتاعتهم مع بعض
بقولك ياسجد
_ايه؟؟
_هى ايه حكاية عمتك دى لحد دلوقت ماعرفش الحكاية هى مافيش غيرك اللى فاضيالها ولا ايه
_بقى معقولة بينا عشرة 12سنة وماتعرفيش حاجة
بصى هى حكاية طويلة من ساعت ما بابا توفى وماما سافرت
بصى ياستى....
أنت تقرأ
الابتسامة تصنع المعجزات
Romance(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
