الابتسامة تصنع المعجزات

حاجة رجّعت بيها الذكريات

سجد وهى بتنزل شنطتها وقعت معاها صورة مش باين منها حاجة من كتر التراب اللى عليها من ركنتها بقالها فترة طوييلة
وتبدأ سجد تشيل التراب اللى على الصور وماتشوفش غير 3 افراد هى وابوها،امها
ولاحظت ان فيه فرحة..فرحتهم بيها ده غير انها شايفة فى عنيهم الحب النقى لأنها عارفة معلومات بسيطة عن الحب ده
وتبدأ تنزل دموعها كطفلة وتقول:ليه..ليه يابابا سبتنى؟كان نفسى حتى افتكرلك ذكرى معاك يا حبيبى..الله يرحمك يابابا...يااااه يا ماما لو تعرفى اللى انا فيه سيبتينى انتى كمان ليه كان نفسى تكونوا جنبى انتوا الاتنين زى اى بنت عايشة مع امها وابوها

وتنادى عمتها عليها: يلا ياسجد علشان تذاكرى ولا هانلعب ولا ايه؟
_حاضر..حححاضر يا عمتو هذاكر اهو

وفى بيت جابر
والدة جابر تتصل بوالدة رحمة وترد رحمة:الو..؟
_ازيك يارحمة يا بنتى انا ام محمد خطيبك
_ازيك ياطنط عاملة ايه
_الحمد لله يابنتى انتى اللى طمنينى عاملة ايه واجلال ازيها
_الحمد لله كلنا كويسين اهى ماما معاكى
_ازيك يا دعاء ياحبيبتىى
_نحمد ربنا يا اجلال ازيك وازى صحتك
_الحمد لله

وبعد رغى ومحادثة طويلة من اجلال(والدة رحمة) ودعاء(والدة جابر) دعاء قالت لإجلال انهم هايزروهم بعد يومين واكيد دعاء رحبت بيها

وفى بيت سجد بعد ماخلصتالمذاكرة و تبدأ تنام بس الصورة رجعتها بالذكريات من تانى وتبدأ تنهار من العياط
وتدخل عمة سجد عليها الاوضة
_بقولك يا سجد هاعملك عشا ولا هاتن...
ايه ده مالِك ياسجد بسم الله الرحمن الرحيم تعبانة ولا حاجة فى ايه؟
_لأ يا عمتو انا مش تعبانة
_ايه الصورة دى..؟؟.
_ابوكى وامك ياااه الله يرحمك يا مجدى
_عمتو ماتحكيلى عن بابا شوية
_اقولك ايه ولا ايه ابوكى ده كان زمان زينة الشباب وكان بيحب يلبس ع الموضة ااوى
وكان طيب وجدع وعمره عمر مارفض طلب من حد وكان دايما بيسمع كلام ابويا الله يرحمه وعمره ماعصاه والناس كانت بتحبه وانتى يا حبة عينى طالعة شبه ماسبتيش حاجة منه لولا لسانك الطويل ده
_طيب وماما
_امك!! امك برضو الناس كانت بتحبها وبتعزها وكانت محترمة وطيبة زى مجدى سبحان الله موفق القلوب تعرفى دول حتى اول ماشفها كان بيحكلنا انه شافها فى محل لبس وبتفاصل مع البياع وكانت عايزة تتخانق معاه وقعد يضحك ع نفسه لغاية مافطس
شكلك طالعة لسانك طويل زى امك الله يمسيها بالخير
_طيب وهى ليه سابتنى وراحت اتجوزت
_الله اعلم اصل اهلها كانوا محبكينها عليها شوية وهى ماقدرتش تاخدك معاها وتبهدلك فسابتك امانة ليا لغاية باب جوزك
_يلا بقى نامى ولا هاتقرفينى
_لأ هنام اهو تصبحى ع خير ياعمتو
_وانتى من اهلو ياروح عمتك

وبعد ماجابر رجع البيت
والدته:بقولك ياجابر بعد بكرة نبقى نروح عند رحمة خطيبة اخوك ماشى وبالمرة ناخد ايامن معانا هتصل بيها الصبح هاقولها
_ماشى...لا انا هاقولها كده كده هاعدى عليها وانا راجع من الكلية
_ليه؟؟
_مافيش قولت اروح اقعد مع ابراهيم اصله عايز يسلم عليا ويشوفنى
_خلاص طيب يا حبيبى
ويدخل جابر اوضته ويبدأ يفكر لما يروح بكرة لإيمان هل هاتقوله مفيد فى موضوعه ولا؟