الابتسامة تصنع المعجزات

حلقة16

*الفصل الخامس عشر*

جابر راح لكريم فى كُليته كان قاعد مع زمايله وكأن كريم مستنى جابر يجيله علشان رندا قايلاله بداية المحاضرات امتى وبتخلص امتى وطبعا المدرج

كريم: اهلا...منور تجارة والله
جابر: تعرفنى مش كده
كريم بسخرية: طبعا إلا اعرفك وهو فيه حد مايعرفش فانز رندا النمساوى اللى على مستوى جميع الكليات هنا
_ده حلو اوى كده قصرت عليا المسافات تعالى بقا نتكلم بعيد عن الدوشة بما انك تعرفنى كده
ويتكلم بتكبر: نتكلم؟...انت مين اساسا علشان يبقا بنّا كلام امشى على كليتّك يا بابا يلا
_آه طيب تعالى

ويضطر جابر يمسك كريم بالعافية ويشده قدام كل اللى قاعدين فى الكلية لمكان خالى من الطلاب شوية

_انت اتجننت يلا تمسكنى كده
_اه وكلمة كمان جنانى ده ماتعرفش هايوصلك لإيه

ويبدأ كريم يسكت لانه خاف من نظرات جابر وبطبعه جبان بس بيتحامى فى الفلوس والبنات اللى ملمومة حواليه لاكن جابر عكسه بطبعه راجل واكيد بيتحامى بس بيتحامى فى ربه ويتقى الله فى اى بنت واكيد كل ده هاتعرفوه عن جابر من خلال الاحداث

ويتكلم جابر بهدوء:فين الفديو؟
_ فيديو ففففيديو ايه اللى بتكلمنى عليه؟
ويبدأ جابر يتنرفز: انت هاتسطعبتنى فيديو رندا اللى صورتوهلها فى شرم الاسبوع اللى فات
_آه مش تقول كده انها قايلالك كل حاجة...نزل ايدك دى بس انت مالكش عندى حاجة من الآخر كده انت مش صاحبه لامؤاخذة صاحبته انا متفق معاها على 70 الف جنيه يعنى انت برا الموضوع
_ده انت بجح يااخى
_اه انا بجح واللى عندك تعمله
_ده انا هافضحك فى مخروبتك دى وعاملى فيها ابن ناس يا مدمن
_كلمة زيادة حبيبة القلب هى اللى هتتفضح هو حد قالها تنزل البسين ببكينى ماكانت تقعد زى بقيت البنات المحترمة ببنطلون جينز وتشيرت يا اخى بس هى غاوية كده

ويمشى جابر ومش بإيديه لاحول ولاقوة

وبعد ما سلمى وسجد خلصوا الدرس

سلمى: بس تعرفى يا سجد سبحان الله زى مايكون ربنا كاتبكوا لبعض
وايه من يوم واحد بس خدتوا على بعض واتكلمتوا وولعت
سجد: بس انا خايفة؟
_من ايه ياهبلة هو حد يجيله حب زى ده وواحد يقف جنبك ويكون سندك كده وتخافى
_هو لسة مابقاش كده ااوى برضو يا سلمى لسة فيه حكاية امى ولسة حكاية كريم برضو
_امك وعادى احكيله...بس كريم تحكيلوا ايه على كريم ده يا هبلة انتى مش بتقوليلى انه ماضى راح وخلاص
_لأ لازم اقوله...انا اساسا مش عايزة ارتبط خلاص قلبى اتقفل
_انتى لسة قلبك ماتقفلش ياسجد صديقينى والله طيب اقولك انتى لو كان قلبك اتقفل كنت حكيتيلى اصلا على جابر وانه اتصل بيكى امبارح غير الكلام اللى اتكلمتوه مع بعض وده كوم ولمعة عنيكى بقا وانتى بتكلمى كوم تانى اول مرة اشوف عنيكى ام لون غريب دى بتلمع كده....صح ياسجد قوليلى بقا عنيكى دى لونها لون ايه
_يااا سلمى هو ده وقته بس..يعنى مش هاحكيله حاجة
_لأ ماتحكيلوش طبعا هى كفاية امك بس وخلاص هى دى شوية وبعدين ده خسيس ولعب بقلبك وغير انه بتاع بنات ومش محترم بس برضوا كان نفسى اعرف اللى كانت معاه فى السوبر ماركت دى تكون مين

_بقولك؟
_قولى!!!
_هو انتى مش بتقولى ان جابر اتصل بيكى
طيب ماتتصلى بيه دلوقت
_لا وانا اتصل بيه ليه؟
_هو ايه اللى تتصلى بيه ليه حبيبته وبتطمن عليه
_انتى عبيطة حبيبته ايه ده لسة متصل بيا امبارح
_يعنى كلمك ليه هو مثلا اكيد علشان يسمع صوتك وكده يبقى انتى كمان كلميه بأى حجة وهو اكيد هايعرف ويفاتح معاكى اى موضوع وكده
_بس..بس ياسلمى تعوذ بالله من الشيطان الرجيم ابعدى ابعدى
_ايه هو انا عفريت
_لا وانتى الصادقة انتى شيطان بيزن على ودانى
_كده يا سجد ماشى انا الحق عليا
_يلا بقا مدى اهو فاضل 7 دقايق بالظبط على ما الحصة تبدأ

وتتصل رندا بجابر
_ايوة يا جابر...طمنى عملت ايه؟
_هاكلمك بعدين يا رندا ماتقلقيش
_ماقلقش ازاى بس...انت فين دلوقت؟
_انا فى كليتى دلوقت عندى محاضرة وخلاص تعرفى تيجى كمان ساعة كده فى الكافيه اللى ورا الجامعة...عارفاه
_الكافيه...آه اعرفه خلاص ماشى

والمحاضرة تخلص ويخرج جابر برة الجامعة ويروح الكافيه يشوف رندا قاعدة مستنياه

_ايه طمنى يا جابر؟
وجابر يحكيلها اللى حصل بينه وبين كريم
_اه السافل الحقير وتبدأ ترتعش
_اهدى بس يارندا انا معاكى لغاية ما ناخد منه الفديو بس هو مش هايقدر ينزله او يعرضه فى اى مكان علشان ده واحد جبان ومستنى الفلوس
_انا هادفعله المبلغ ده كله منين دول سبعين الف عارف يعنى ايه
_انا مش فاهم اشمعنا يعنى سبعين ماكان يطلب خمسين
_نعم؟؟!
_لا اقصد يعنى مش عارف اشمعنا المبلغ ده بالذات ده عبيط ماتخافيش والموضوع عبيط وان شاء الله هاحليهولك
_عبيط ازاى بس

وبعد ماحدثة طويلة بين جابر ورندا ومحاولته لتهدئها من الموضوع يخلصوا ويبدأ جابر يروح بيته
ويبدأ يغير هدومه وينام

وسجد بعد ماخلصت الدرس تروح هى كمان
وتتفاجئ فأمها واخواتها لابسين ومحضرين شنطة سفر كبيرة
_ايه ده انتوا ماشيين!!
احلام: اه يا حبيبتى انا نفسى اقعد معاكى يا ضنايا والله بس انتى عارفة ظروفى هناك وكده

وتستسلم سجد للامر وتبدأ تودّع والدتها واخواتها البنات التوأم

وتدخل اوضتها وتعيط: عادى ماهى سايبانى طول عمرى يعنى اليوم ده هايفرق مثلا فى ايه
بس هايفرق....هايفرق تانى فى ايامه غيابها عنى مش هاتفرق بس هاتفرق ايام غيابها معايا
مقولتى انا اللى اكيد لازم حد فينا او مننا مطبقها فى حياته ( الغياب مش فارق والله
بس اللى فارق ايامه)
وفجأة تلاقى نفسها بتتصل
بتتصل بمين؟؟
ايون بتتصل بجابر...بيدى جرس جرس جرس
ومايردش
_جابر مش جايله نوم وسامع التليفون بس مش قادر حتى يلف بضهره ويشوف مين بيكلمه مع انه لو شاف اللى بيتصل بيه كل وجع اليوم هايروح
وسجد بتتصل تانى وتالت ورابع وجابر يرد عليها اخيرا
_ازيك يا جابر
_تمام...وانتى عاملة ايه
_انا...انا الحمد لله
_مالك انتى فيكى حاجة
_لا...اه....لا لا مافيش
_سجد طيب قوليلى حاجة مصايقاكى احكيهالى
_لا انا مش قادرة اتكلم فى الموبايل انا اساسا مش عارفة اتصلت بيك ليه....يوووه انا اسفة والله ما اقصد
_لأ عادى ولا يهمك انتى فعلا شكلك مضايقة
_ايه رأيك نتقابل بكرة
_ماعنديش مانع
_انا هاخرج من الدرس الساعة 4 كده عندك حاجة
_لا ماعنديش
_ماشى مع السلامة
_سلام