وبعد ماسجد وجابر خرجوا من المطعم واقفين يستنوا ميكروباص
سجد: طيب هى المشكلة دى عندك كبيرة؟
جابر:عندى فين؟
_فى البيت عندك
_آه...لا هى مش عندى ولا حاجة ده واحد ساكن معايا فى منطقتى ومحبوس فى القسم فالحاج صالح موصينى عليه اروح اخرجه قبل مايتعرض بكرة فى النيابة فاهروح اخرجه من القسم دلوقت
_ الحاج صالح مين؟؟
_ده ابويا ياستى
_ايه ده قسم..لا بقا انت لازم تاخدنى معاك يا جابر عايزة اشوفك زى المحاميين كده
_هو انا بقولك رايح دريم بارك ده قسم قسم يعنى مش رايح اهزر...ويلا بقا علشان ماتتأخريش
_كده طيب شكراً انا هاروّح لوحد مس مستنية حد يوصلنى اتفصل امشى
_امشى فين واسيبك لوحدك...خلاص هاخدك وامرى لله بي اسمعى لما اقولك لما نروح القسم مش هاينفع تدخلى معايا جوة انتى فاهمة وهاتقفى برة لوحدك وكمان يمكن تلاقى اشكال انا مش مسؤول تمام
_خلاص ماشى
_يلا
"قدام القسم جابر معاه سجد ويشوف ام محمود قاعدة ع الرصيف "
_ايه يابنى اتأخرت ليه
_معلش يا ام محمود زحمة المواصلات وعطلة الطريق
_ومين...ومين الحلوة القمر اللى معاك دى
_دى ديااا دى.....
وتلحق سجد جابر وتتكلم: انا سجد يا حاجة زميلة جابر وبساعده فى الحاجات اللى زى دى وان شاء الله جابر اقصد المتر جابر مش هايطلع إلا وابنك خارج معاه ولا ايه يامتر
وجابر يبص لسجد بذهول: ؟؟؟...اه اكيد هايخرج معايا
_يارب يابنى
_يلا عن اذنكوا
وجابر يدخل مكتب ظابط القسم
_مساء الخير...جابر صالح عبد الرحمن وده كارنيه بإنى طالب آخر سنة حقوق وده كارنيه بإنى متدرب تدريب كامل فى المُحاماة وكفائتى بكفائة اى محامى
_وفيه محامى بتيشيرت اصفر وجينز...ع العموم اتفصل يا استاذ جابر انت مش اول مرة تيجى
_انا جاى بصفتى وكيل لموكلى محمود عبد السلام الصُفَتى
ويرن الظابط الجرس ويدخل مخبر
_هاتلى يابنى الاتنين بتوع الموبايلات اياها دلوقت
وبرة القسم
ام محمود: وانتى بقا ياحبيبتى محامية انتى كمان
سجد: ايه...اه محامية بس لسة فى الجامعة بدرس
بس ياارب جابر يخرجلك ابن حضرتك بالسلامة
_انا مش قلقانة تعرفى ليه علشان الاستاذ جابر ده جدع وياما ساعد ناس اعرفها فى حاجات زى كده وانا متأكدة بأنه هايخرج أبنى
_وهو ايه اللى عرفك اووى كده بأنه هايخرجه
_من كلام الناس وشكرهم فيه وهو جدع وكويس وابن ناس ومتربى احسن تربية وكفاية انه متربى فى وسطنا فى حتتنا تعرفى ده كمان متربى مع محمود
_وهو جابر اشتغل فى حاجات زى كده
_كتيير...يووه انتى مش بتقولى زميلته ومحامية برضك يبقى ماتعرفيش اذا كان اشتغل ولا لأ
_ايوة ايوة صح
وام محمود تسمع صوت ابنها محمود و
بينادى يامااااااااااااا
وتجرى عليه وتحضنه
_الحمد لله ياواد خرجت وهاتنام فى فرشتك لوووووووووولى
جابر: استنى بس يا ام محمود هما خرج بس عايزة كفالة400 جنيه
_يعنى هايتحبس تانى
_لا انتى لو دفعتى ال400 جنيه يبقى كده خلاص والموضوع خلص
_هادفعهم حاضر ياخويا بس المهم محمود رجعلى بالسلامة وانت ليك الحلاوة
_انا لاعايز الحلاوة ولا حاجة اقولك ادفعيهم فى الكفالة
_روح ربنا يحميك لشبابك ويحفظك يابنى
وجابر ياخد سجد ويمشى
_خلاص اهو جيتى معايا وشوفتى القسم
_اه شوفته... بس انا كنت جاية معاك علشان اشوفك انت مش اشوف القسم....ليه ماخدتش منها اتعابك صح
_اتعاب ايه وهى دى حاجة فيها اتعاب والظابط كان عارفنى علشان دى مش اول مرة اروحله وبعدين دى غلبانة كفاية الكفالة اللى هايدفعوها
_جابر انت طيب ااوى
_وانتى جمييلة اااوى اوى ماعرفش ليه
_وبعدين هامشى
_طيب خلاص بقولك سيبك من كل ده ....هو انا اللى لابسه ده وحش
_لا خالص انت لبسك جمييل جداا...بس ليه؟
_لا علشان الظابط بيتريق عليا...بيقولى وهو فيه محامى بتيشيرت اصفر وجينز
ومن هنا سجد تنزل فى الضحك
_ضحكتى خلاص طب امشى قدامى قبل ما الوقت يتأخر تلحقى تروحى
أنت تقرأ
الابتسامة تصنع المعجزات
Romance(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
