الابتسامة تصنع المعجزات

حلقة15

وبعد مانزلوا جابر زعق بعلو صوته...تاكس
_يلا اركبوا وانا هاركب جنب السواق
ايمان: تعرفى يا ماما ان سجد دى صغننة وعسوولة كده
_اه يابنتى ربنا يحميها
_لا وكمان ايه تدخل القلب اول ماتشوفيها
_سبحان الله اصل فيه ناس كده ريحها خفيف
_ايه رأيك يا جابر فى سجد
_رأيى من ناحية ايه يا ايمان بلاش انتى بالذات
_عايزين نروحلهم فى مرة ونبى يا ماما انا حبيتهم والله
_دعاء دى حبيبة عمرى ومحمد موصينى عليها توصية ايه علشان كان بيحب جوزها الله يرحمه هو اللى كان رئيسه فى الجيش ده غير انا ودعاء عشرة عمر
_ربنا يديم المحبة بينكم يارب
ويديم المحبة بين سجد واللى بيحبوها

جابر:ماتدوس بنزين شوية يسطا عايزن نوصل بسرعة بدل الطريق البطيئ ده

وبعد ما ايمان وصلت للبيت جابر وامه مكملين لغاية ماوصلوا لبيتهم هما كمان
ويدخل جابر اوضته كالعادة بس المرادى مجبور خاطره...مبسوط مش حاسس بفرصة ضايعة ولا حاجة لأ ده حسن انه كسب الفرصة وكمان اضعافها

وبعد ساعة يمسك الموبايل ويبدأ يفكر:أكلمها دلوقت؟ طيب لو كلمتها هاقولها ايه؟ اتحجج...لا لا لو اتحججت اتحججلها بإيه؟
انا اتصل بيها وخلاص واللى يحصل يحصل

جرس...جرس...وكل دقة من الجرس 50دقة من قلبه
ردت!..ردت!!
_الو؟.....
_احم الووووووووووو
_حضرتك بتهزر فى وقت زى ده ايه قل...
_براحة بس ايه بلاعة وفتحت.....انا جابر
وتخرج سجد فى البلاكونة: جابر؟ حتى لو جابر يعنى بتتصل دلوقتى ليه؟
_الخط بتاعى ماكانش شغال والشركة رجعتهولى فقولت اجربه واتصل بيكى
_طيب وخطك بقا حلو دلوقت
_هو حلو حلو جدااا حل..ايه الدوشة اللى عندك دى
_لا دول اخواتى بيلعبوا عادى
_اخواتك انتى مش امتحاناتك بعد شهرين خلاص...هتذاكرى ازاى فى الدوشة دى
_لأ عادى هما كده كده يومين وهايمشوا هما وماما
_هايمشوا...هايمشوا ازاى يعنى
_ااااه طيب انا هاقفل بقا سلام يا جابر علشان عايزة انام مع السلامة
_استنى بس دقيقة....وتتقفل السكة فى وشه

مالها؟...بس كويس سمعت صوتها وموبايل جابر يرن فى نفس اللحظة اللى سجد قفلت السكة فيها
جابر:اكيد هاتقولى حاجة

ويتفاجئ بنمرة تانية هو كان حافظها
_الو يا رندا
_جابر الحقنى انا فى مصيبة ياجابر
_خير...مصيبة ايه!؟

*الحلقة الجاية هاتعرفوا مصيبة رندا اللى هاتحكيها لجابر