الابتسامة تصنع المعجزات

واخيرا صدفة لقائهم

وبعد يومين
والصبح من اليوم التانى خرجت سجد مع سلمى:عمتو انا عندى انهاردة 3دروس وهارجع ع الساعة 6كده
_ماشى خلى بالك من نفسك يا حبيبتى
وفى بيت جابر وبعد ماخلص فطاره مع امه وابوه
انا نازل يا ماما
_طيب يا حبيبى عندك محاضرات انهاردة كتير
_لا مش كتير يعنى هما4 محاضرات بس
_هاتيجى على الساعة كام يعنى؟
_امممم 5او6 كده على حسب المواصلات
_طيب ماتتأخرش علشان نلحق نروح عند رحمة
_لأ روحوا انتوا انا هاخرج من الكلية على بيت رحمة من برة برة
_ماشى تيجى بالسلامة يا حبيبى
وجابر يشوف صاحبة:ايه ياعم واحشنى مابتجيش الايام اللى فاتت دى ليه
_اسكت ده انا كنت اليومين دول فى السخنة بس ايه كانت خربانة على الاخر ماتيجى تجرب جوها يوم وتشوف الاوزز
_لا ياعم انا ماليش لافى السخة ولا الباردة
_خليك فقرى كده
_الحمد لله
_طيب ماتيجى نخرج انهاردة نروح ناكل بعد الجامعة
_لأ انهاردة بالذات مش هاينفع علشان عندى معاد مهم
_معاد..اوعى يكون اللى فى بالى انت شوفتها تانى ايوة ياعم ولعت معاك وتتقابلوا
_بس بس...دماغك راحت فين انا عندى معاد عائلى مع العيلة وكده رايحين عند خطيبة اخويا زيارة
_اه
_يلا بقا لحسن المحاضرة هاتبدأ
وجابر يخلص من يوم طويل
وموبايله يرن
_الو؟ايه يا ايمان؟
_انت فين ياجابر انا وماما مستنيينك اهو علشان مانروحش لوحدينا
_مهو انا قولتلها الصبح روحوا انتوا وانا هاحصلكوا
_يعنى انت عارف العنوان كويس عمارة5
_اه عارفه
_ماشى ماتتأخرش مع السلامة
_سلام
سجد وسلمى بعد ماخلصوا دروسهم ال3 وهما ماشيين فى الشارع
بقولك يا سلمى خلى الموبايل ده معاكى فى الشنطة لحسن عرقلى ايدى وخدى الملازم دى كمان حطيها
_هاتى يا ستى م انا بقيت عم عبد السلام بتاعكوا
وسلمى وسجد يضحكوا
_تعرفى انا انهاردة حصلى حاجة الصبح
_ايه؟؟
_كان فيه واحدة انهاردة اتصلت الصبح ومش بترد وعمتو ردت عليها وهى ماردتش برضو فاتصلت تانى وانا بقا اللى رديت عليها لقيتها بتقولى سجد يابنتى وقفلت السكة ف وشى ع طول
_طيب وهى تعرفك منين
_ماهو ده اللى هايجننى ..بقولك انا شاكة لتكون...
_مين؟؟
_لتكون ماما
_امك وهى ايه اللى هايفكرها بيكى
_ماعرفش بقا انا حسيت كده وخلاص
هاتى بقى الحاجة علشان الحق اروح عمتو ماتقلقش عليا

وخدت سجد ملازمها
وبعد ماسابت سلمى وماشية
جابر هو كمان كان ماشى فى نفس الطريق
وقامت سجد قالت:ياخبر ده انا نسيت تليفونى مع سلمى
ورجعت تجيبه ومن هنا تخبط فى جابر
سجد:هيييئ احم اااه
جابر:ازيك
_ااااا وتتكلم بلغبطة:الحمد لله
ويتكلم جابر بصوت واطى:والله كنت حاسس انا كنت حاسس
وتتكلم سجد هى كمان بصوت واطى:ياخبر على دى صدفة طب اعمل ايه
_هو انتى ساكنة هنا قريب
_انا لأ اااه ساكنة هنا اقصد ساكنة هنا من قريب...قصصصصدى ساكنة هناك
ويضحك جابر:طيب خلاص خلاص يعنى انتى ساكنة هنا المهم
_ايوة
وترجع سلمى علشان تدى لسجد موبايلها وتتفاجئ:ايه ده؟مش مصدقة عنيا؟؟سجد سجد!
ازيك هو انت مش بتاع المدرسة اياها
_اه انا
_بس ايه الصدفة دى...انت ساكن هنا
_لأ هو انا جاى زيارة هنا
_اه منور الشارع كله
لو تايه يعنى ممكن سجد توصلك اصلها حافظة الشارع حتة حتة
وسجد تبدأ تضرب سلمى ف رجليها
_لأ انا مش تايه انا رايح عمارة 5هى معروفة هنا
_ايه مش معقول عمارة5 اللى مدهونة من برة باللون الاخضر صح
_لا الحقيقة معرفش لونها ايه
_اصل سجد برضو ساكنة فى عمارة5 يلا بقى لحسن سجد ماتمشيش لوحديها امشو مع بعض
وتتدخل سجد:فيه ايه ياسلمى معلش سلمى بتيجى ع بليل وتظتزرف
_يلا باى انت اسمك ايه؟
_انا اسمى جابر
_الله جابر وسجد...حلو ماشى
_والله ياسلمى اتهبلتى بس بقى
_مع السلامة انا ماشية بقى سلام يا؟...يا جابر
ويبدأو جابر وسجد يمشوا مع بعض
_انتو بقى عمارتكوا لونها اخضر
وسجد تتكلم بكسوف:اه بس سلمى دى اصلها هبلة شوية ماتخدش ع كلامها والله بتحب تهزر هى بس
بس انت تعرف مين فى عمارتنا
_انا جاى لأستاءة اجلال ورحمة
_اه دول ساكنين جنبينا مش معقولة الصدفة
وهما يقربولك ايه بقى
_رحمة تبقى خطيبة اخويا وماماتها تبقى صاحبة مامتى من زمان وكده
_ايه؟هو انت اخوك اللى ظابط فى الجيش
_ايون يبقى اخويا هى بقى خطيبته
وتبدأ سجد تتكلم بطبيعتها العادية:انت عارف مين اللى جاب رحمة لاخوك بقى
_اه عارف..واحدة صاحبة امى برضو وكانت متجوزة لواء جيش
_صح...عارف دى بقى تبقى عمتى
_عمتك؟؟
_ايون وهى اللى عرفت رحمة ع اخوك
ويقفوا فى الشارع
_سبحان الله طيب انتى تعرفى انا كنت حاسس بإنى هاشوفك تانى
_وانا كمان...اقصد اقصد يعنى ان الصدف جمعتنا وكده
_انا كنت هاجيلك والله تانى يوم وكنت عايز اعتذرلك على اللى عملته بس والله العظيم ماكان قصدى
_عارفة انك ماكنتش تقصد واعتذارك وصلى وع العموم انا مش زعلانة
_يعنى قشطة يالبن
_حليب يا...ايه ده ع فكرة ماسمهاش كده اصلا
_م انا مش عارف بقى
ويضحكوا مع بعض وجابر حس بأن سلاسل وقيود قلبه اختفوا ساعتها
وفى الوقت اللى سجد وجابر واقفين فيه فى نص الشارع تطلع بيت سجد واحدة ست ومعاها بنتين توأم ياترى مين الست دى وليه جاية بيت سجد الحلقة الجاية هاتعرفوا