SERENDIPITY || The Adventures of My Astral Body

CHAPTER 5 - APART

"Hoy! Hanggang episode 26 lang 'yon." Bwelta niya naman sa'kin.

"So, nanood ka nga?" Tanong naman ni Angel sa kanya and after 0.2 seconds ay narealize niyang siya na rin ang bumuking sa sarili niya.

Tama nga naman ang kasabihang..

Nahuhuli ang isda, sa sarili nitong bibig. 

Hindi nakapagsalita ng ilang minuto si Jerra dahil sa hiya. 

"Nauntog ka pa nga non sa kama nung bumangon ka mula sa higaan mo eh." Sambit ko na medyo ikinatawa ni Angel.

"Okay fine! Sige na, ginawa ko na 'yon." Pag-amin niya.

"See?" Wika ko.

"Eh paano mo nalaman 'yon, Steph? Kung tulog ka? So ibigsabihin gising ka rin that time?" Tanong naman ni Angel.

"Astral projection." Simpleng sagot ko na lang.

"R-Really? Nagawa mo?" Tanong muli ni Angel na sinuklian ko ng pagtango.

"Weh? Baka naman, gising ka lang noon at minanmanan mo lang talaga ako." Sabat naman ni Jerra.

"Kayong bahala, if you won't believe me." Sambit ko na lang.

Matapos nun ay nag almusal na nga kaming tatlo. Medyo marami rami ang nilutong sinangag ni Jerra na hindi ko maitanging masarap para sa isang first time na nagluto.

Natagalan kami ng bahagya sa kakakain. Ngunit maya-maya ay natapos din. Bilang ang kasunduan naming tatlo ay kung sinong mahuling kumain ay siyang maghuhugas. Kaya naman hinugasan ni Jerra lahat ng mga pinagkainan namin dahil siya ang nahuli.

Pabebe kasi kung kumain eh. Parang isang butil ng kanin bawat minuto. Jusko!

Matapos naming kumain ay umupo kaming dalawa ni Angel sa sofa at nanood ng TV.
Habang si Jerra ay naghuhugas ng plato sa kusina.

Maya-maya ay natapos din ito at umupo rin sa sofa kasama namin. Nagcecellphone lang silang dalawa hanggang sa mailipat ko ang channel na ang palabas ay isang movie. At kakasimula palamang nito.

Maliit ang nakasulat na title sa gilid ng screen kaya lumapit ako para basahin.

'Crazy Little Thing called Love'

Nang mabasa ko ito ay agad kong tinapik ang dalawang bruhang nagdudutdot ng cellphone para tanungin kung alam ba nila ito.

At saktong alam naman ito ni Angel pero si Jerra bilang taong kweba ay wala na namang kumuang-muang.

Kaya si Angel nalang ang nag inform sa kanya kung ano yun at sinabing isa si Mario Maurer sa mga cast nun.

Buti nalang at kilala naman ni Jerra si Mario at nahilig na itong manuod. Finally!

Kahit napanunod ko na ito ay the same kilig parin ang binibigay saken ng palabas nato. Nakakainis bakit naman kasi ang pogi ni Mario. Ehe!

At matapos nga kaming bigyan ng kung ano anong emosyon ng pelikula ni Mario ay back to nganga ulit kami.

Naisip kong maaga pa naman kaya gusto kong mamasyal sa mall.

"Guys." Tawag ko sa kanila.

"Oh?" Sagot ni Angel habang nagfefacebook.

"Gala tayo." Sambit ko.

"Go. Saan ba?" Sagot nito sa akin.

"Sa malapit na mall sa university naten, yung may mga dumadaan na mga koreanong pogi." Sagot ko habang nakangiti.