♡ Playing Love Games ♡

Still Playing ♡ Chapter 4 & 5

Umupo ako sa high stool at doon ko na mismo inumpisahang inumin ang kape ko. I felt good when I tasted the bitterness of the coffee.

Bakit kaya ang kape kahit mapait madami pa rin ang may gusto? Pero kapag buhay na ang naging mapait, inaayawan na ng tao. Buti pa ako... maganda.

Ugh! Nakakabaliw pala talaga ang mag-isa! Pero masasanay rin naman ako. Pero ulit... sanay naman ako na baliw ako ah? Anong pinoproblema ko ngayon?

Hindi ko na pinatagal ang pagkakape ko. Inubos ko na agad iyon para makapasok na ako kahit masyado pang maaga. Kailangan ko pang matutong mag-commute! Isang sakay lang naman ang gagawin ko pero natatakot pa rin akong maligaw.

Gusto sana nila mommy na ihatid-sundo pa rin ako ng driver namin pero tumanggi ako. I really want to learn.

Pag-alis ko ng unit, iniwan ko na muna lahat ng kadramahan ko sa katawan. Tama na ang kadramahan ko ngayon araw at isa pa, ayokong mahalata ng mga bruha ang problema ko ngayon. For sure, magtatampo sila lalo na kapag nalaman nila ang dahilan ng ginawa ko.

They might tell me what Renz said last night.

Nakarating naman ako kaagad sa school. Oh, well... I took a cab. Naisip ko na kailangan ko munang i-familiarize ang sarili ko sa vicinity ng place ko bago ako mamaging komportable na mag-commute o kung ano pa man.

"Waaah! Bruh, we missed you, really!" salubong sa akin ni Trace na may kasama pang pagbeso sa magkabilang pisngi ko.

"Oo nga, bruh! Bakit ba ilang araw kang hindi pumasok?" tanong naman ni Faye at bumeso rin sa akin.

"Waaah! Bruh, buti ang ganda mo pa rin kahit hindi mo kami nakita ng ilang araw?!" bumeso rin sa akin si My pero hindi pa siya nakuntento at niyakap pa niya ako ng pagkahigpit-higpit.

Para namang ilang taon nila akong hindi nakita! Ilang araw lang naman silang hindi nakakita ng maganda, ah? Mga 'to talaga...

Bumitaw rin sa wakas sa akin si Myleen pagkatapos niya akong pisain sa yakap niya. Inayos ko ang nagusot kong uniform.

"Bruh, parang lalo tayong naging sexy," puna ni Faye.

At tiningnan nila akong tatlo mula ulo hanggang paa. Humalikipkip ako. Sabi na nga ba... na-miss talaga nila ang makakita ng maganda!

"Anong lalong naging sexy? Lalong pumayat kamo!" kontra naman ni Trace sa sinabi ni Faye.

"Hindi kaya! Ang sexy kaya namin. 'Di ba, bruh?" bumaling pa sa akin si Faye.

Idinamay pa raw ako? Hay... sexy man o hindi, maganda pa rin ako!

"Oo na lang!" nakairap na sang-ayon ni Trace.

"Ang bitter mo! Palibasa ang taba mo!" pang-iinsulto naman ni Faye.

"Hoy! Excuse me lang, ha! Mataba na ba ang thirty-four, twenty-five, thirty-four?!" nakapamaywang na sabi si Trace.

"Oo mataba na 'yon! Dapat thirty-four, twenty-three, thirty-four!" iminuwestra pa ni Faye ang bawat parte ng katawan niya para i-emphasize ang mga ang sukat na sinabi niya.

"Oo, ang sexy mo grabe! Malnourished!" pahabol pa ni Trace.

Nang mapatingin ako kay Myleen ay napapailing na lang siya, katulad ko. It's either ako at si Myleen ang nag-aaway, o silang dalawa.

Mabuti na lang ay dumating na ang professor namin kaya nahinto na rin silang dalawa sa pagtatalo. Pero nang umupo sila sa upuan nila sa harap, magkatalikuran pa silang dalawa. Natawa na lang kami pareho ni Myleen at naupo na rin sa mga upuan namin.

"Bruh..." mahinang tawag sa akin ni My. "How's your date with papa Mark?" she asked habang nakatingin sa lang sa professor naming nag-uumpisa na mag-discuss.