أريد منــك أكثر مما أريد ... !

48

الخطوة الثالثه والأربعين ..

 خطوة بلا هويه نحو حلم أريد منك أكثر مما أريد

( في قلبي ياأبي .. تتسلق الأشواق جبال لا تعرف النسيان ..! )

مايدري أنه قدر يلعب عليه وياخذ منه شقاه وتعبه وهو عارف زين أنه

من سابع المستحيلات بيكون لي ليليان نصيب معه ..

رفع يده ومسح على شعره ..

الشعور بالأنتظار وأنه متكتف يذبحه ..

ضايع في هالديره عشان من ماخذه قلبه وعقله

رفع عيونه لسقف وهو متأكد أن أمه ماخذه على خاطرها من الكلام ألي قاله لها ..

بس هو ماكذب بشي .. البندري لا تناسبه ولا هو ألي مختارها عشان تروح

تخطبها ...

مصيرها بتغض الطرف عن ألي صار لا ملك صالح على البندري

وصارت من نصيبه ..

نزل الجوال على فخذه وهو جالس على كنبه في صاله هالشقه لحاله ..

دق جوال وببطء رفعه حتى يظل يطالع الجوال متنح فالرقم ..

هذا خاله بو تغريد .. غريبه أنه ذكره هالخال ..!!

ضغط زر حتى يفتح الخط ويحطه على أذنه

سامي : ألو

أبو تغريد : السلام عليكم

سامي يسحب الريموت ويشغل التلفزيون قباله: وعليكم السسلام والرحمه ..

أخبارك يالخال

أبو تغريد : نحمد الله ونشكره .. أنت وينك بالديره ولا بدياركم هناك

سامي : لا والله موجود قريبن منكم .. أمرني

أبو تغريد بعد صمت : تقدر تقابلني

سامي عقد حواجبه حتى تصغر عيونه : قصدك الحين ..!!

أبو تغريد : أيه

سامي : لا والله .. تعبان يالخال .. تخليها لباتسر ألا أذا تسان شين ضروري

.. ( سكت حتى ينطق بتردد ) وتقدر تقوله بالجوال

أبو تغريد بأستفسار : هو شي يخص ولد عمك

سامي يحرك راسه ببطء لليسار وبأستفهام : ولد عمي من ..؟! .. ( وبتخمين ) قصدك صالح

أبو تغريد : وأنا شنو يعرفني أذا أسمه صالح ولا لأ .. أنا أتكلم عن ولد راشد عمك

سامي هز راسه : أيه أيه .. هو صالح بلحمه وشحمه... وش السالفه يالخال .. ليش تنشد عنه ..؟

أبو تغريد : هو أبوه وش تاركن لهم ورث فالكويت ..؟!

سامي أخذ نفس : خالي قوول لي ألي عندك والله أفتر مخي