هيام: طيب يا شيخ انا عندي زول عايزاهو شديد بس هو ما مديني ريق حلو عايزاهو يميل لي و يحبني
شيخ حسون: اها دا منو دا حسن ؟
هيام: اي اي يا شيخ حسن عرفتو كيف 😨
شيخ حسون:حسن بحب هبة اختك و ماااا بفكها و القلوب دي نحنا ما عندنا عليها يد كلها بي يد الله معليش قولي افرقهم ليك عشان انتي تدخلي
هيام: اعمل اي شي بس المهم حسن يكون لي😭
شيخ حسون:بكون ليك جسد من غير قلب
هيام: ماااا مشكلة المهم يكون لي براااي😌
شيخ حسون:بنحاول بس تدفعي
هيام: دفعنا برا يا شيخ
شيخ حسون:لالا ما دا تدفعي اكتر داير علي الاقل خمسة عشان افرقهم
هيام: خمسة شنو 😨
شيخ حسون:خمسة الف جنيه ما كتيرة
هيام: واااي اجيبها من وين دي لكن😨
شيخ حسون:ما بعرف المرة الجاية تجيبيها و تجي
هيام: طيب طيب
طلعت هيام و بقت تفكر في القروش تجيبها من وين
سوزان: اها يا هيام بشري
هيام:مالو شيخك دا غالي كدا قال داير خمسة
سوزان:يا بت الغالي بي غلاوتو😜 ......
هيام مشت بقت تلم في المبلغ و لمت ليها زي 3الف و باقي ليها اتنين
هيام:الووووو هبوية كيفك
هبة اتبسطت للضرس الاخير و حست اختها اخيرا رضت عنها
هبة: هلا حبيبتي كيفك 😍
هيام:الحمدلله بخير كيف انتي و بشارة كيفو
هبة:الحمدلله نحن بخير فاقدنكم بس
هيام:هبوية والله عايزاك في موضوع
هبة:اها شنو طوالي قولي
هيام:انا صراحة محتاجة قروش
هبة:طوالي حبيبتي عايزة كم قولي و انا تحت امرك
هيام:والله هو مبلغ كبير شوية
هبة:كبير قدر شنو يعني مليون
هيام:و الله صراحة اتنين مليون
هبة:انتي عايزة بيهو شنو مبلغ قدر دا 😰
هيام:والله يا هوبية بصراحة عندي ديون عند ناس كنت بتدين بتعشي و بمشي رحلات على حساب ناس انا زاتي لمن جمعت المبلغ اتصدمت انو كبير كدا و قلت ما بقدر اطلب من امي ولا ابوي خايفاهم يشاكلوني
هبة:خلاص حبيبة انا بشوووف حسن حتي لو ما المبلغ كامل بحاول اجمع ليك جزو منو
هيام:خلاص تمام هبوية انا منتظراك
هبة حست دي فرصتها عشان تراضي هيام اختها و تبقى معاها سمن علي عسل زي زمان😍 ......المساء حسن جاء ....
حسن:هبويتي كيفك
هبة:الحمدلله حبيبي كيفك انت
حسن:بخييير وين بشوري والله مشتاق ليهو ود اللذين دا
هبة:هههههه نايم
حسن:صحيهو لي ياخ
هبة:على كيفك لو صحيتو تنومو انت
جابت ليهو موية
حسن:لالا اولا جيبي العشاء انا جيعااان
هبة:من عيوني
جابت العشاء و قعدو ياكلو
هبة:حسن انا عايزة اطلب منك خدمة
حسن:هههههه خدمة عديل كدا حرام عليك والله
هبة:لالا عشان ما لي انا قلت خدمة
حسن:لي منو طيب
هبة:هيام اختي
حسن:اهااا اها خدمة شنو
هبة:عايزة مبلغ
حسن:مبلغ قدر شنو
هبة:اتنين مليون بس
حسن:لا حول ولا قوة إلا بالله و كمان بس
هبة:انا عارفة الظروف و مقدراها لكن اول مرة هيام تطلب مني حاجة زي دي انا عايزة اخدمها
حسن:انا مرتبي كلو بالورديتين اتنين مليون و نص يعني نديها الاتنين و نشيل نحنا النص
هبة:لالا انا عندي صندوق بي مليون و متين و انت تمو لي انا بديها ليها
حسن: الصندوق دا ما قلتي عايزة تجيبي منو دولاب
هبة:ما مشكلة فداها اختي و اول مرة تطلب مني حاجة
حسن: كويس يا ستي ما عندي مانع
هبة مبسوطة بعد كم يوم مشت البيت و سلمت علي امها و ابوها و مشت غرفة هيام
هبة:دا المبلغ الطلبتيهو حبيبة
هيام: تسلمي لي انتي الله لا يحرمني منك😍
هبة:يا سلام يا هيام والله انتي احلى اخت😍
هيام عاينت مسافة و قالت ليها خلاص ارح نتونس مع امي😒 ......مشو اتونسو و اول مرة هيام شالت بشارة و لاعبتو و هبة كانت مبسوطة ......بعديها ماطوالي هيام اتصلت بي سوزي قالت ليها خلاص جهزت المبلغ ارح نمشي بكرة خلاص تمام نتلاقي زي كل مرة .....
مشو للشيخ و شال المبلغ و قال ليها امرك مقضي باذن الله تعالى
هيام:خلاص يا شيخ اعمل شنو
شيخ حسون: بس انتي شيلي الصرة دي وديها بيت اختك و كل الامور بتتعكر و انتي خشي و اعملي البتقدري عشان حسن يعجب بيك
شالت الصرة و مشت قالت في قلبها امشي كيف و بي ياتو عزر ......
هيام عدت كم يوم و اتصلت بي هبة قالت ليها جاياك في البيت ......
يتبع....