اليوم داك اصرت هبة تقرأ البقرة في موية تقرا شوية و تمشي تنشغل مسافة تجي تقرا جزو و تنشغل لحدي ما تمتها و كبت الموية في حفاظة الموية و بقو يشربو منها عادي ......هيام مشت قالت لي ابوها انا ماشة لي زينب صحبتي ابوها عاين لي صالح و ابتسم قال ليها نحنا زاتو ماشين ليهم اليوم العصر.......هيام عاينت لي اخوها قالت ليهو خلاص امورك وضحت ......صالح قال ليها قولي الله يتمم علي خير بالله .......خلاص يعني إلا امشي معاكم بعدين ......ايوة إلا معانا ما تمشي اسي ......صالح وقف قال لي هيام عليك الله ما تكلميها انو نحنا جاين 😉 ......ههههه يعني مفاجأة و كدا لالا تمام ربنا يسهل ......هيام رجعت لي زينب قالت ليها عايني ما بقدر اجيك اسي إلا بعدين العصر كدا قالت ليها .....خير يا زولة المهم تجي و نحكي .....
فعلا صالح ضرب لي هبة قال ليها لازم تجي عشان انا عايز اخطب زينب صحبة هيام و كدا ......قالت ليهو ايووووي يوووي يووووي بركة والله عجبني ليك الله يسعدكم يارب العالمين .......جاتهم المساء و مشو كلهم بي عربية ابوهم ساقها ليهم صالح شالو معاهم هدايا و حاجات ......وصلو فتحت ليهم زينب زاتها لابسة ليها توب هزاز مشروط بي جنبة لما شافت هيام و امها و ابوها نازلين من العربية جرت جوة خلت الباب فاتح 😂😂😂 .....هيام جات وراها قعدت تضحك عليها ههههههه بركة الصالح ما شافك كان غير رايو هههه .....اصبري يا معفنة ليه ما كلمتيني .....والله دي وصية صالح ما اقول ليك حاجة......بعد زينب غيرت و لبست فستان و هيام مكيجتها مكياج حلو و سلمت عليهم اساسا بعرفوها و اهلها وافقو و قالو خلاص العرس بعد شهر كدا ..... هيام قالت لي صالح انا ببيت مع زينب و كدا قالو ليها خلاص ماف مشكلة نحنا بقينا اهل ..... المهم هيام حكت لي زينب قصتها قالت ليها .....انا بحبو يا زينب و الحب ما بيدي والله غصبا عني ..... يابت انتي مجنونة في راسك دا .....دي اختك ياخ معقولة ختي نفسك مكانها ..... عليك الله يا زينب اديني حل ......حل لي شنو يا بت الناس ؟ ......يعني اعمل شنو انا بحب حسن و ما قادرة اتخيل حياتي من غيرو ..... ووووووب يا هيام بتبالغي انتي الشيطان لحس ليك مخك دا ولا شنو ماكنتي كدا .....يعني لو حبيت خلاص بقيت مجرمة .....لالا حبي بي منطق لكن .....انا بنصحك تختي طريق حسن دا و تشوفي ليك زول تاني ......طيب ايه رايك حسن متواصل معاي و قال بحبني و حيطلق هبة قريب ...... وووووب علي دا كلام شنو خلاص خربتي بيت اختك ؟ و حسن ببالغ طبعا كيف يعمل حاجة زي دي مع اخت مرتو ......ما هو ما عارف انا هيام اخت هبة ......يعني دخلتي عليهو بي اسم مستعار يا ماكرة ......لكن برضو حباني و حيتزوجني ......بعد زينب فترت من هيام قررت في نفسها تكلم صالح يتصرف لانو هيام حتخرب بيت اختها بالجد و ما هاميها شي كانو في قلبها في غشاوة مخلياها ما تشوف اي شي ......هيام طلعت من زينب و ودعتها و بقت تفكر في روحها لازم اولا تقنع حسن بانو يتزوجها و تشكف ليهو نفسها ......بس لازم تكشف نفسها في وقت مناسب وقت ما تكون هبة موجودة عقبة قدامها بس متين الوقت دا إلا هبة دي تختفي أو تتطلق أو تحصل ليها حاجة ......
رسلت لي حسن قالت ليهو نحن حنتزوج؟ ومتين ......قال ليها انتي ليه رافضة اننا نتكلم بالتلفون انا فترت من الكتابة ياخ نفسي اسمع صوتك .....حسن ياخ انا بتكلم معاك متين حنتزوج ؟؟ ..... قريب ان شاء الله ......قريب متين يعني ...... انت شكلك ما بتستغني عن زوجتك بس انا ما عندي زمن اكتر اضيعو .....كيف الكلام دا فجأة كدا .....بصراحة زهجت و انت ماعايز تاخد اي خطوة ايجابية ......لالا ما تخافي قريب ان شاء الله بطلقها ......خلاص ما تتواصل معاي إلا بعد تتطلق .....حسن بقى قاعد متضااايق و مقلق ما عارف يعمل شنو و يتصرف كيف ....
.مشى البيت و بقى يمشي و يجي ......مشى غرفة هبة لقاها قاعدة في مصلايتها جا قعد قدامها قال ليها هبة .......قالت ليهو نعم ...... نحنا شكلنا وصلنا لي طريق مسدود ولا انتي رايك شنو .....هبة دموعها رقرقو و عرفت الكلام الحيتقال بس حاولت تدس قهرها و قالت ليهو صاح اها الحل شنو ..... قال ليها ما شايف حل غير الانفصال و لا ا نتي رايك شنو .....ايوة صح كلامك انا برضو شايفة كدا ......خلاص متفقين معناها زي ما دخلنا بالمعروف نخرج بالمعروف ......تمام ما عندي مانع ......خلاص بس ورقتي تصلني ما تنسى ...... تمام ......مشت هبة في ليلها داك مرقت كل ملابسها و كانت الدموع في عيونها بس ما عايزة تظهر ضعفها ولا عايزة تبين انها زعلانة لمت حاجاتها كلها حتى العدة حقتها في كراتين و ستفت عفشها تمام اليل كلو ما نامت و في النهاية بقت تعاين لي عفشها و بقت تبكي غلبها تمسك نفسها و بقت تبكي بي حرقة و تضرب على صدرها ......
من الصباح بعد اذان الصبح مباشرة اتصلت بي صالح اخوها و قالت ليهو الحاصل جاها جاري و بدا يستفسر باستغراب الحصل شنو بالضبط مالكم يا جماعة ...... هبة قالت ليهو بوريك في البيت .....مشو البيت و ساقت ولدها و حكت لي صالح الحاصل .....يعني كلامكم دا غير مبرر ياخ معقولة كدا من غير سبب ...... نزلت هبة في بيتهم و امها بكت معاها و قالت ليها عين العدو يا بتي عين السواد ......مالكم الحاصل شنو ......بقت تحكي و الناس ما مصدقة انو حسن و هبة انفصلو .....هيام الشخص الوحيد ألما اتاثر بالموضوع و كانت مبسوطة جدا ...... بقت متواصلة مع حسن و عايزة تكشف ليهو نفسها بس خايفة و مترددة ......مشت لي سوزان قالت ليها دايرة امشي للشيخ ..... اجي يا بت تاني ماشة تسوي شنو ......انا عندي موضوع مهم عايزة اقولو ليهو و اموري كلها بتظبط ......مشت للشيخ قالت ليهو انا عايزة اسالك ......اها اتفضلي ......انا لو عايزة زول يموت عندكم عمل زي دا .....
يتبع....
