زينب: يا بت انتي غبية حسن دا ما تفكري فيهو دا راجل اختك
هيام: والله ما بيدي يا زينب ا فهميني انا
زينب: عايني ماف حاجة اسمها ما بيدك كل شي بيدك و بعدين وين حمدي حبيبك
هيام: لالا ياخ دا انا ما خاتة في بالي خالص
زينب: اخير ليك ختي في بالك و احسن ليك يا هيام تبعدي عن الافكار الشيطانية دي لانها حتخسرك كتير
هيام: طيب خلاص يا زولة خير ....
بعد فترة هبة بقت مابتاكل كويس و حاسة بي طمام طوالي لحدي ما يوم فطرت و طوالي رجعتو كلو امها قالت ليها شكلو كدا الفي بالي
هبه: إن شاء الله يا امي ؟
هيام اتغاااظت هي زاتها ما عارفة متغايظة لي شنو سكتت ....هبة فعلا طلعت حامل و كلمت حسن بعد جاء من الشغل
هبه: النونو ههههه.
حسن: ما مصدق يا سلااام ياخ و شالها فوق
هبه: اصبر براحة على البيبي
حسن: ياخ انا أسعد انسان حاليا
هبه: يعني كنت تعيس ولا قصدك شنو 😏
حسن: لالا ياخ انا مما اتزوجتك أسعد زول بس اسي بقيت سعيد للاخر الحمدلله الحمدلله .....
مرت كم شهر و هيام اتغيرت من هبة و بقت م زي اول معاها ما بتتونس معاها و بتعمل ليها حركات و مضايقات و بقت متوترة تقول ليها اسمعي العدة حقتنا دي ماتبيت بي غادي عندك سامعة ولا ما سامعة ....و مما اتزوجتي بقيتي تتدلعي فينا و عاملة فيها حامل و شنو تشتغلي شغلك 😡 .....و مرة ادتها ضربة في يدها هبة لمن بكت و بقت تقول لي امها ليه هيام بتعمل لي كدا انا عملت ليها شنو ؟
امها: يابت ما تشتغلي بيها البت دي اصلها كدا عندها الحسد
هبه: ما حسد ولا اي شي يا امي كانو انا عملت شي بدون ما اقصد ضايقها منى
مشت هبة على غرفة هيام و هي خلاص بطنها بقت قدامها قالت ليها هيام ممكن نتكلم شوية
هيام: نتكلم في شنو مافي بينا اي كلام ياخ اقطعي وشك دا😠
هبه: انا عملت ليك شنو ؟ انا غلط عليك في شنو بدون ما اقصد😭
هيام: ياخ قلت ليك ما تمعطينا امشي مني ما عايزة معاك اي كلام ياخ😠
هبه: هيام بس لو انا غلط عليك انا اسفة على أي شي و بعتذر😔
هيام: بس انا ما مضايقني إلا دلعك في الحمل دا تشتغلي شغلتك انا ما عندي معاك اي مشاكل 😠
هبه: تمام يا زولة خير ..... و مشت خلتها هبة بقت تشتغل فوق طاقتها و حتي شغلات هيام بتقول بعملها انا و برضو ماف اي جديد هيام ما غيرت تعاملها لحدي ما خلاص هبة ولدت و جابت ولد و بقت قاعدة مع ناس امها ......
حسن مشى قعد مع صاحبو بقى ما قاعد معاهم و طوالي بدردش مع هبة في التلفون و بسال من ولدو و كمان بجي مرة مرة يشوفو ....هيام مرة كانت قاعدة مع اختها في الغرفة شافت التلفون جات رسالة اختها ما انتبهت ....طوالي بقت تتسحب و شالت التلفون و صمتتو و ختتو في صدرها و طلعت و بقت متوترة هبة مشغولة مع الناس البتبارك البيبي و داخلة و مارقة و جو اهل حسن من الاقاليم و امو جات لي هبة قالت ليها يا هبة يا بتي انا بستاذنك نسمي الولد على المرحوم راجلي أبو حسن
هبه: قالت ليها طوالي يا حاجة الولد ولدكم سموهو زي ما عايزين
ام حسن: قالت ليها انتي برضو امو و عندك حق فيهو و لبستها خاتم دهب كانت لابساهو قالت ليها دي الهدية و سمينا الولد بشارة
هبة اتبسطت من اهل زوجها لانهم كانو ناس طيبين و حنان شديد ....هيام مشت غرفتها و شافت الدردشات كلها بين حسن و هبة و بس تتفرج و تتبسم براها كانو بقولو ليها هي في الكلام نقلت رقم حسن و شالت التلفون و رجعتو مكانو ....
حسن جا و سلم علي امو و اخواتو و ناسو و سلم علي هبة و عمل ليها حركة في يدها اتلفتت عليهو قال ليها التلفون وين من قبيل انا بدق ماف رد فتشت حواليها لقتو بس لقتو صامت هيام نست تغيرو .
هبه: والله انا ما عملتو صامت و اساسا ما قاعدة اعمل الحركة دي خالص دا منو الصمتو
حسن: والله ما عارف خليك حريصة على التلفون حبيبتي يلا انا بمشي بعد كدا ناس البيت بكرة بمشو البلد خلاص اخدو الواجب و زيادة اسي عدو معاكم اسبوع
هبه: لالا تمام والله ما قصرو
حسن: خلاص يلا مع السلامة
هبة بقت راسها شاطب و سرحانة تلفونها الصمتو شنو ماف زول شالو اساسا و في الاخر مشت لي احتمال يكون داستو بالغلط فتحتو و غيرت النمط بس لقت رسايل كتيرة من حسن ما شافتها قبل كدا ....معقولة دي كلها ما شفتها منو الفتحها ....هبة اتضايقت و حست انو هيام ممكن تكون هي العلمت كدا ما عارفة ليه حاسة الاحساس دا بس ما اتكلمت ولا سالتها لانو ما عايزة الامور تسؤ بينهم اكتر من كدا ....مرت الايام سريعة و حسن اتصل بي هبة قال ليها خلاص مشكلتنا اتحلت
هبه: ياتو مشكلة ؟
حسن: خلاص اخيرا حنسكن برانا😍 ....
يتبع....
