( هبة خافت تعمل مشكلة لي اختها ) انت مالك نفسك حار كدا خلاص خليهو العملتو بس انا فكرت و راجعت نفسي انو ماصاح تقعد معاي فعلا البيت ضيق .....طيبب خلاص خليها تجي .....لالا دا الموضوع العايزة اقولو ليك .....اللي هو شنو ؟ ...... انا ما بقدر اقول لي هيام امشي بخجل معقولة بعد قلت ليها اقعدي معاي فجأة اطردها ما ممكن عشان كدا انا عايزاك انت تتصرف .....ايوااا فهمت عليك خلاص خلي الموضوع دا على انا .....
صالح طوالي اليوم داك خلص شغل و جا لي هبة في البيت ..... جا سلم و شال بشارة في رجولو و قعد يلعب معاهو😍 ...... جابت ليهو العصير و كدا هيام جات طالعة ما عارفة صالح جا لمحها ليك بي لبسها اللابساهو .....😨😨😨 ....هيام ؟؟؟ .....اتخلعت رجعت سريع جوة ......يا بت قلت ليك تعالي هنا .....هبة قالت ليها تعالي يا هيام .....لالا بي لبسي دا 😱 .....يا بت ما قلتي دا العادي و حسن اخوك 😏😏😏 ...... اااااااا اااااااا اي اي اي صاح لكن انتي عارفة صالح اخوك صعب كيف .....صالح جاها جوة عاين لي هبة قال ليها ايواااا ياداب انا فهمت .....جرا هيام من شعرها قال ليها دا شنو الابساهو دا حسن بتقعدي قدامو كدا 😠 .....هبة قالت ليهو يا صالح هدي نفسك حسن دا زي ااخوها قالت 😏....خووووخة انتي جاادة يا هبة بتقعد كدا قدامو😡😡كدي فهميني و هو جاريها من شعرها هي دموعها رقرقو .....هيام بتستنجد لالا والله العظيم لما نكون برانا بنات انت زاتك مالك و مالي امي ولا ابوي .....بقدر ما هبة كانت مغيوظة منها بس حنت عليها و فكتها من صالح قالت ليهو لالا هيام دي صغيرة و ما عارفة حاجة خليها .....خلاص لمي هدومك ارح قدامي 😠 .....لالا انا ما ماشة هبة قالت اقعد معاها .... قلت ليك البسي و لمي عفنك ارح البيت تاني هبة دي إلا تجيك هناك في البيت بي عينك ما بتشوفيها .....هبة قولي ليهو حاجة 😭😭😭 ......هيام خلاص اقصري الشر البسي امشي معاهو ما مشكلة انا بتصرف براي اسمعي كلام اخوك .....لالا ما ماشة معاهو .....اسمعي هنا دا الليلة لو ما لبستي انا بسوقك زي ما انتي كدا و نشوف الحاج رايو شنو .....هبة قالت ليها البسي البسي انتي عارفة اخوك .....هيام كانت مغيوووظة انها ماشة بس تعمل شنو و الطريقة البتوصلها لي حسن كيف .....لبست و شالت حاجاتها و ودعت هبة متضايقة و زعلانة و مشت .....هبة فكرت انو ما كان تكلم صالح عشان ما يعمل شي في هيام و مهما كان دي اختها و قلبها ابيض و حنينة عليها بس حسن متضايق من وجودها تعمل شنو ما عندها حل تاني ....
جهزت اليوم التاني كمان و اتزينت و نومت ولدها و جهزت العشاء و حسن جاء بس كان متضايق و قال ليها .....انا بمشي بي غادي عشان اختك ما تجي تداهمنا الليلة برضو .....لالا هيام مشت صالح جاء ساقها .....عليك الله 😍😍😍 يا سلام ....جا قعد جنبها ختي يدو في كتفها قال ليها يعني الليلة برانا اخيرا 😍 .....هبة دنقرت خجلت ....قال ليها في ريحة غريبة ما شاماها ....لالا ما شامة اي ريحة .....ياخ زي الضب الميت ولا الفار الميت .....بري والله مافي حاجة زي دي البيت نضيف و مبخر 😓....انتي يا هبة مهملة والله و مراة كسلانة معقولة بس الريحة الفظيعة دي .....والله قلت ليك انا بخرت البيت و مافي شي الا كان برة البيت .....ياخ دي ما بقت عيشة ياخ دي ريحة توقع الصقر من السماء انتي ما شاماها .....لالا والله..... انا بمشي ارقد في البلكونة .....مشى حسن متضايق رقد في البلكونة و يتقلب الليل كلو ما نام .....جا راجع الغرفة لقى هبة مصنقرة و منشقة بالبكا .....قال ليها هبة انتي لسة صاحية .....قالت ليهو براحة عشان ما يعرف انها بتبكي ....اي صاحية جا قرب منها مالك اسي انتي بتبكي ....قشقشت دموعها و ابتسمت لالا ما قاعدة ابكي ...كيف و انا شايف دموعك و عيونك مورمة كدا ......حسن عايزة اتكلم معاك ممكن .....اها قولي و لا اقول ليك ارح نطلع برة عشان بشارة ما يصحى .....ساقها من يدها و مشو برة ....قال ليها اها احكي الحاصل شنو .....انت متغير ....انا لا متغير ولا حاجة انتي المتغيرة .....و الله انت اتغيرت الايام دي و بقيت ما حسن الانا بعرفو ......يا الله انتي يا هبة عايزة تقلبي نكد ولا شنو .....لالا والله لا نكد ولا شي بس انت متغير و بقيت ما بتحبني ......يا الله اسي بتبكي من قبيل عشان الاوهام دي ......سكتتت و بدت تبكي تاني ......و الله انتي الاتغيرتي و بقيتي مراة نكدية انا ماشي انوم لو خلصتي كلامك😠 .....
يتبع....
