N/N:
In fairness naman sa The Photographer, 300k reads na siya! Thank you guys sa pagbabasa mula noon pa sa kwento nila Ethan at Chance! Kumusta naman ang buhay niyo so far? Mabuti naman ba? Nakahanap na ba ng isang Dela Fuente? HAHAHAHA.
Dedicated ang chapter na ito sa isa sa mga nagrequest sa akin sa PM na si jc2317, hope you'll enjoy this chapter! Ime-mention ko rin si PrincessAngeline4 na siyang nauna sa comment box ko sa nakaraang update.
The Secret Agent: 6
"I wonder if this fantasy is right."
NIKKO:
Hindi natuloy ang pagpunta namin sa dating kuta ni boss. Halos tatlong araw na ang lumipas simula noon at ngayon ay nasasanay na ako sa buhay sa loob ng mansyon ng mga Dela Fuente. Noong unang linis ko sa garden ay bumungad sa akin ang idolo kong si Paulo Dela Fuente, ang sikat ng bokalista ng bandang SemiSonic.
At may kahalikan siyang bakla.
Nagulat ito ng bigla niya akong nakita at agad na humiwalay sa kahalikan niya. "Excuse me pero sino ka?" Tanong ni Paulo sa akin at sinabi kong ako ang magiging house boy nila ayon na rin sa sabi ng kuya niyang si Ahron.
"Doesn't seem like it. Nice meeting you, Nikko. Hindi naman ako na-inform na manly pala ang type ng kuya ko." Aniya at sabay silang tumawa ng syota niya (ayon sa pagpapakilala niya rito).
Napahinga na lang ako ng malalim ngayon matapos ang alaala na 'yon at ipinagpatuloy ang paglilipat ng mga halaman mula sa paso papunta sa plant box. Habang nag-iisa ako ay panay ang isip ko sa mukha ni Ahron. Seryoso, ilang araw na akong hindi nakatulog dahil doon. Ewan ko ba at kapag lalo kong iniisip lalo lang din nawawala sa isip ko kung bakit.
"Aray, puta!" Sigaw ko ng matinik ako sa isa sa mga tangkay ng halaman. Nagdugo ito at agad ko itong sinipsip.
"Kulang ka sa concentration, Nikko. Ano bang iniisip mo?" Lumingon ako at nakita ko si Ahron na nakangiti at nakasuot ito ng puting sando at basketball shorts. Kitang-kita ang laki ng katawan nito. Lumuhod ito sa tabi ko at kinuha ang isang paso na nasa tabi at tsaka ipinasa sa'kin.
"I'll help you." Aniya at nag-abot ulit siya ng paso.
"Wala ka bang pasok ngayon?" Tanong ko, "Weekends ngayon at walang office pero kapag kailangan para sa isang duty o operation doon kami nagkakaroon ng lakad." Mabilis na sagot nito at napatango ako.
"Actually meron kaming operation mamayang 3:00 p.m. and mukhang gabi na ako makakabalik." Dagdag pa nito na kinunutan ko lang ng ulo.
"Hindi ko naman tinatanong." Pambara ko rito at nagulat ako ng bigla ako nitong pinunasan ng lupa sa mukha.
YOU ARE READING
The Secret Agent (COMPLETED)
RomanceThe Dela Fuente Brothers Book 4: Ahron Dela Fuente Ahron Dela Fuente is the most dangerous man among the Dela Fuente Brothers. He's tough, cold, and a dangerous foe. Pero paano kung sa pag-ikot ng tadhana ay makilala niya ang taong susubok sa kun...
