The Brave Wife

CHAPTER 18

Isang lang nararamdaman ko ngayon.

Ang pagkamuhi.

Ilang beses kong inikot ikot sa utak ko ang lahat ng mga nangyayari, ngunit hindi ito maipasok sa utak ko. Kung bakit ba kasi kailangan mangyari to sa buhay ko-namin ni Terrence. Sobrang sakit, kung sino man ang gumawa para sirain kami ni Terrence, sobrang sakit talaga.

Gustong gusto kong sirain ang pagmumukha ng taong gumawa sakin nito, gusto kong malaman kung sino gumawa nito. Yung nangyari, hindi ko talaga alam kung sino ang naglagay non sa drawer namin, nanginginig ang mga kamay ko ng makita ko iyon. Ni wala akong ideya na ganito ang mangyayari.

Isang linggo na ang nakalilipas noong nangyari saamin ni Terrence at nandidito kami ngayon sa kotse niya, papunta kami ngayon sa reunion ng pamilya. Eto nanaman, bagong problema nanaman samin.

Parang tahimik na kwarto ang kinalalagyan namin dito. Walang nagsasalita. Walang imikan. At ito ang pinakamasakit, na hindi kami nag uusap. Parang hindi ako makahinga, parang may nakabara sa lalamunan. Ni hindi ko nga alam kung bakit ako nakapunta sa kotse ng hindi nag iimikan.

Bakit ba kasi nangyari to? wala naman akong ginawa kay Terrence kundi ang mahalin siya. Lahat naman ginagawa ko para sa kaniya. Kahit na pagod na pagod na ko.

Sumilay ang luha sa aking mga mata.

Hindi ko kayang ganito kami ni Terrence. Hindi ko kaya. Alam kong kahit na katabi ko sya nararamdaman ko ang malaking espasyo na naghihiwalay saamin. Hindi ko na talaga kayang ganito kami kaya pinilit ko simulan ang pag uusap namin ni Terrence.

"Terrence"

Hinawakan ko ang kabilang kamay niya. Kanina nakatingin lang sya sa daan habang nag d-drive ni walang emosyon sa kaniyang mga mata ngayong hinawakan ko na ang kamay niya, ganon parin. Parang may tumusok sa puso ko. Gusto kong magsalita ngunit parang may humaraharang sakin.

Nagulat ako ng alisin niya ang kamay niya sakin.

Napayuko na lang ako, gusto ko ng humagulgol ngunit pinigil ko nalang hangang makarating kami sa bahay nila Terrence. Ano kayang mangyayari mamaya?pagtatabauyan pa kaya ako ng mama ni Terrence? pagtatanggol pa kaya ako ni Terrence katulad ng nakaraan? Hindi ko alam

Nagulat ako ng may biglang bumukas ang pintuan ng kotse at nakita kong si Terrence na nagbukas nito. Napangiti ako ng kaunti at bumaba.Sabay kaming naglakad papunta sa bahay nila. Gusto kong hawakan ang kamay ni Terrence ngunit baka alisin nanaman niya ito.

Wala siyang imik hanggang makarating kami. Bumungad saakin ang magarbong bahay na puno ng mahahaling pigura at ang magandang hardin na may palaruan sa tabi nito ngunit sa tingin kong wala namang pumupunta at naglalaro dahil walang bakas ng dumi doon. Pati narin ang mga halaman at bulaklak na halatang alaga alagang.

Pagbukas niya ng pintuan ay hindi na ako nagulat dahil sa ganda ng paligid. Nakita ko sa harapan ang kapatid ni Terrence na si Shane. Mas lalong lumagablab ang puso ng makita ko sya, hindi ko alam. Dahil siguro ay niloko niya lang ako nuong magkikita sana kami sa Restaurant na sinabi niya ngunit iba pala ito.