♡ Playing Love Games ♡

She Played Her Part ♡ Chapter 24

Nauna na ngang pumasok si Mark dahil alas y otso raw ang pasok niya sa opisina. Too early, kaya kahit gusto ko sanang sumabay sa kanya ay hindi na lang. Isa pa, nandito pa ang mga bruha at sila Qinn.

Nagising na rin ang mga bruha pagkaalis ni Mark at ginising nila si Qinn at Zideyn na ang sarap-sarap pa ng tulog. Ang sasama talaga. Puyat kaya 'yong dalawa kakanood ng cartoons.

"Zideyn, can you make me milk?" Qinn asked in a childish tone.

Sobrang cute ni Qinn! Iyong mga singkit niyang mata halos guhit na lang, parang nakapikit na siya! Ang sarap kurutin!

"Ako na lang!" sabay-sabay na prisinta ng tatlong bruha. Nag-unahan pa sila sa pagputa sa may counter ng kusina.

Hindi ko na lang sila pinansin at naghanda na lang ako ng gamit ko. Maliligo na ako dahil ayokong ma-late at paniguradong magmamadali kaming lahat mamaya. Mabuti nang maghintay ako sa kanila kaysa makipagsabayan sa pagmamadali nila.

Thirty minutes had passed, nasa loob pa rin ako ng banyo at ni hindi pa nga ako matatapos sa pagligo. Pakanta-kanta pa ako, like I used to.

"Bruh! Ang tagal mo naman d'yan! Na-flush ka na ba sa bowl?!" Kinalampag pa ni Myleen ang pinto.

Uh-oh...

"Malapit na akong matapos," I answered kahit hindi pa naman talaga.

Another ten minutes passed.

"Hoy, ano?! D'yan ka na titira?" Si Faye naman ngayon ang nasa labas ng at kumatok sa pinto ng bathroom.

"Nagbibihis na!" Kahit nagpupunas pa lang talaga ako.

Gusto kong matawa. Normal lang naman na ganito ang kilos ko sa umaga. Well, hindi lang pala sa umaga. Ganito talaga ako katagal kumilos!

After five minutes.

"Lianne! Bibigyan ka na ba namin ng unan at kumot?! Baka kailangan mo rin ng kulambo d'yan?! Natutulog ka na yata, eh!"

Oops! Galit na si Trace! I need to get out now. Ibang klase pa naman magalit ang mababait.

Hindi na ako sumagot at lumabas na lang ako ng bathroom bago pa man mahuli ang lahat at makatikim ako ng galit niya. Masasamang tingin naman nila ang sumalubong sa akin.

Ngumiti lang ako sa kanila. "Sabay-sabay na kayong maligo, ha? Male-late na tayo." Then I ran to the bedroom.

∞∞∞

At dahil late kami ng fourty-five minutes sa first class namin, hindi na kami pumasok. Naghintay na lang kami sa second class namin dito sa bitterlandia habang pinagti-trip-an ang mga dumadaan.

"Psst!" sitsit ko doon sa dumaan tapos yumuko ako.

Lumingon sa amin 'yong lalaking padaan. Nagkanya-kanya kami ng tingin sa mga libro naming nakabulat.

"Trace, may sagot ka na ba sa number five?" tanong ni Faye kay Tracy.

Ewan ko kung sa anong subject ang tinatanong niya niya pero sumagot ako. "Letter A ang sagot."

Lumagpas sa amin iyong lalaki at naghagikgikan kami. Nang-trip lang kami ng mga dumadaan habang naghihintay sa susunod naming klase. Wala kasing magawa at bored na bored kaming apat.

Nang nasa room na kami, may ibo-bore pa pala ang araw na ito dahil sa Filipino subject namin. Well, ayoko talaga kasi ng subject na ito. Pero ang nagpalala kasi talaga ay itong professor namin.

Matandang dalaga siya pero puro love life niya noong kabataan niya ang ikinukuwento niya sa buong klase. Halos lahat na yata ng naging boyfriend niya, naikuwento na niya sa amin. Simula sa kung paano sila nagkakilala, paano siya niligawan, kung paano naging sila hanggang sa kung paano sila naghiwalay. Pati mga lines nila noon, sinasabi niya at with feelings pa!