Behind His Glasses | previously My Nerdy Tutor

Chapter 22

"The truth." Dumbledore sighed. "It is a beautiful and terrible thing, and should therefore be treated with great caution."

― J.K. Rowling, Harry Potter and the Sorcerer's Stone

▀▄▀▄▀▄▀▄▀▄▀▄

<ZHAI'S P.O.V>

"Hoy, nene. Ayos ka lang ba?" nagising ako sa pagkatulala nang pumalakpak si Kuya Kyle sa mukha ko.

"Ha? Yeah, I'm fine." I think.

Nag-shrug lang si kuya at ibinalik ang pags-scan ng baby photos ko. And absentmindedly, napatulala na naman ako. Ugh.. ilang araw na ba akong ganito? Dalawa? Tatlo?

"Nene, oh. Tingnan mo 'tong elementary class picture mo." narinig kong sabi niya pero hindi ko siya pinansin, "Teka, yung batang may salamin, parang kamukha nung-" that caught my attention. Hinablot ko agad sa kanya ang album, "Uh, kuya, gabi na oh. Umuwi ka na."

"Ha? Seve-"

"Gabi na." pagtatapos ko. Tiningnan niya ako na para bang iniisip niya kung anong nangyayari sa akin pero bumuntong-hininga siya at sumuko na. Tumayo siya at ginulo ang buhok ko bago nag-paalam at umalis na ng bahay.

Pagkasara ni kuya ng pintuan, sumandal ako sa couch at tiningnan ang litrato. Humigpit ang kapit ko sa album at bumalik ang galit ko. Bakit kahit si kuya Kyle, namumukhaan niya si Zyren nung bata pa siya? Ako lang ba dito ang nagmukhang tanga? Ang nagpaloko? Biglang bumalik sa akin ang mga pangyayari noong nasa kwarto ako ni Zyren.

*flashback*

"Zhaira, ito si bebe boy nung 1 year old pa lang siya." ipinakita niya sa akin ang isang healthy at napaka-cute na baby. Napangiti ako.

"Cute niya 'no? Sana di na lang siya lumaki." sabi ni Ate Lindsay habang may kinakalkal sa closet ni Zyren. "Asan na ba yun.." rinig kong bulong niya.

"Diba?" pagsang-ayon naman ni tita. "Patay ako dun pag nalaman nya 'tong ginagawa ko. Hahaha!" Ito ang isa pang bagay na ikinagulat ko: malakas pala siyang manalita at parang kasing-edad lang namin siya kumilos. "Ito naman sya nung two years old siya. Eto naman nung 3. Nasa ibang bansa kami nyan. Tapos, eto naman sya nung 5 years old, 6 years old naman sya dito." dire-diretso niyang sabi habang patuloy sa pagbubuklat ng album. Actually, parang isang segundo ko na nga lang nakikita yung litrato eh.

"7th birthday naman nya 'to. Dito siya nag-simulang magpa-brace at magsuot ng salamin." tumawa siya, "May pagka-nerd ang anak ko noon." Kumunot ang noo ko para titigan ang litrato pero agad niya itong nilipat pero patuloy pa rin ang pagk-kwento niya, "Dati nga umuwi na lang si bebe boy dito na may pasa sa mukha at walang suot na salamin. Sinuntok daw kasi siya ng kaklase niyang babae." Tumawa siya ng malakas pero biglang huminto ang tibok ng puso ko.

"Ito naman yung isa niyang elementary class picture." Nanlamig ang buong katawan ko. Yung class picture na ito.. meron rin ako.