The Mafia Lord's Possession

Chapter 35: Longing

Longing is a strong feeling of need or desire for someone or something.

*****

Chapter 35

Malakas kong kinatok ang pintuan. Ilang sandali ay bumukas ito at bumungad sa akin si Nate na nakangiti na agad naman napawi ng makita ang kalagayan ko.

"Miss Krish, anong nangyari sayo?"

Punong-puno na siguro ang damit ko sa dugo na galing sa sugat sa ulo ko. Hindi ko siya sinagot at hinawi siya para sana puntahan si Rave sa kwarto niya.

Pero agad naman ako nahawakan sa braso ni Nate para pigilan. "Gamutin muna natin yang sugat mo Miss Krish bago ka magpakita kay Primo. Baka mawasak itong buong building sa galit niya pag nakitang ganyan ang kalagayan mo," may halong biro at pag-aalala na saad ni Nate.

Nagpatianod ako sa kanya dahil alam kong may halong katotohanan ang kanyang sinabi. Baka ano pa ang magawa ni Rave sa kanyang mga tauhan at kay Nate pag nakita akong duguan.

Naitext pa naman ni papa sa akin kanina na si Nate daw ang nakausap niya kaya siya na lang ang kanyang pinakiusapan. Sigurado akong si Nate ang kanyang pag-iinitan sa oras na malaman niya ang tungkol rito.

"Ano bang nangyari?" tanong niya habang ginagamot ang sugat ko sa bandang noo. Hindi naman kalaliman ang sugat kaya hindi na kailangang itahi pa.

Nate is not just an ordinary butler. He was once a medical army before he served the Silvestri family. Kaya gamay na niya ang mga ganitong gawain.

Kinuwento ko ang nangyari sa akin kanina at ipinagtapat na bumalik na ang lahat ng alaala ko.

"Well, may ganyan talagang mga instances pero rare lang nangyayari. Dahil sa lakas ng pagkakabunggo ng kotse na sinasakyan niyo nagkaroon ka ng brain trauma that leads to your amnesia. Siguro naalog ulit ang utak mo ng mabagok ka kanina at ito ang nagtrigger para maalala mo lahat," pagpapaliwanag ni Nate.

Tango lang ako ng tango. Wala na akong pake kung anong paliwanag sa pagbabalik ng memorya ko ang mahalaga ay naaalala ko na si Rave. Gusto ko lang ngayon ay mayakap siya, makasama at makausap sa mga nangyari sa kanya ng hindi ko pa siya naaalala.

"Done. Sa susunod Miss Krish kailangan mong magdoble ingat. Baka kulang na lang ay ikulong ka ni Adrian sa isang tore para lang malayo ka sa panganib. Alam mo namang natrauma na iyon sa nangyari sayo," pagpapayo niya sa akin. Tumango lang ako dahil alam kong may katotohanan ang kanyang sinabi.

"And welcome back Miss Krish." Napangiti ako sa kanyang sinabi.

Yes, I am finally back.

Agad ko ng tinungo ang kwarto ni Rave pagkatapos kong magpalit ng damit. Hindi ko akalain na marami pala akong stack ng damit rito.

Dahan-dahan kong pinihit ang seradura at pumasok sa loob. Madilim ang buong kwarto ni Rave kung hindi lang sa konting singaw ng liwanag galing sa bintana na natatakpan ng makakapal na kurtina ay wala akong makikita.

Naaaninag ko ang kanyang bulto na nakahiga sa kama. Nakapang-opisina parin siya minus the suit and shoes. Nakabukas ang tatlong butones ng kanyang puting polo. Nababanaag ko ang matipunong dibdib niya. Habang ang isang braso niya ay nakatakip sa kanyang mga mata.

Walang ingay akong lumapit sa kanyang king size bed. Umupo ako sa gilid at tiningnan ang kabuohan niya. Gusto ko na namang umiyak sa sobrang saya at pagkamiss sa kanya.

Hinubad ko ang sapatos ko at sumampa sa kama. Ayaw ko muna siyang gisingin dahil alam kong kailangan niya muna magpahinga. Tumabi ako sa kanya at sumiksik sa kanyang tagiliran.