Noona

Noona -21-

Noona -21-

Naunang umalis si Jungkook keysa sa akin. Paulit-ulit yung sinabi nya sa ulo ko at pakiramdam ko nakakagawa ako ng malaking kasalanan dahil doon.

Bumalik ako sa dressing room na parang tinakasan ng kaluluwa. Wala akong ganang makipag-usap sa mga nakakasalubong ko at may nababangga na rin ako ng di namamalayan.

Kinuha ko yung bag ko at saka lumabas ng building para maka-uwi na. Pagdating ko sa building namin ay bumungad sa akin yung pinto ng dorm ng Bangtan. Gusto ko sanang pumasok para kausapin si Jungkook kaso baka wala pa sila kaya dumiretso na lang ako sa dorm namin.

Pagkapasok ko ay may nakita akong sticky note na nakadikit sa ref namin.

Yoora,

Pinapatawag tayo ni PD-nim. Sunod ka na lang pagkatapos mong maka-uwi

EunSoo Unnie

Nagpalit ako ng damit saka nagpahinga saglit. Parang mas nakakapagod yung nangyayari sa amin ni Jungkook ngayon.

Hindi kasi talaga ako sanay na seryoso sya masyado, gusto ko palagi syang nakikitang nakangiti o nakatawa. Dagdag pang galit ata sya dahil doon sa nakita nya noong nakaraan.

Pumara ako ng taxi na maghahatid sa akin sa Big Hit. Ng makarating ako ay nasa practice room sila Unnie at nagsasayaw. Walang ganang inilapag ko yung bag ko sa gilid at sumabay sa kanila sa pagsasayaw.

"Yoora!" napatingil ako sa pagsasayaw ng makarinig ako ng malakas na sigaw. Nakita kong nakatingin sa akin sila Unnie at mukhang nag-aalala.

"Kumain ka ba? Kanina ka pa nagkakamali at kanina pa rin ako sigaw ng sigaw dito pero hindi mo ako pinapansin" sabi ni Hyemi Unnie sa akin. Nagbow ako sa kanilang tatlo bilang paghingi ng tawad.

"Mian" sabi ko, lumapit sa akin si EunSoo Unnie at kinapa yung leeg at noo ko.

"Kumain ka ba kanina?" malumanay na tanong nya kaya tumango ako. Pinaupo nya ako sa sofa na nasa gilid at binigyan ng tubig.

"Talaga? Nalamigan ka?" tanong nya ulit. Bigla kong naalala na nagtagal ako sa parking lot kanina ng walang jacket kaya siguro nilalamig pa rin ako hanggang ngayon.

"Sinisinat ka oh" sabi nya akin. Inabutan nya ako ng isang tabletang gamot at ipinainom iyon sa akin.

Lumapit sa amin si Hyemi at Jera Unnie na mukhang nag-aalala din.

"Ayos na ba kayo ni Jungkook?" biglang tanong ni Jera Unnie kaya nagulat ako. Paano nya nalaman ang bagay na yon? Hindi naman sa tinatago ko yun, ayoko lang na pati sila ay mamoblema sa problema ko.

"Sinabi sa akin ni Jin, hinalikan ka ba talaga ni Taehyung?" dagdag nya. Umiling ako.

"Hayaan mo na muna sya, bata pa sya kaya may mga bagay na ipipilit nya kahit hindi naman yun yung totoo" payo sa akin ni Eunsoo Unnie. Tumango ako at nagpasalamat sa kanila.

Mga ilang oras pa nagpractice sila Unnie, sinubukan kong sumabay sa kanila kaso lalong sumama yung pakiramdam ko kaya pinagpahinga na lang nila ako.

"Yoora!" napamulat ako ng mata ng biglang may tumawag sa pangalan ko at bahangya akong niyugyog. Nakita ko si Hoseok Oppa na nakaupo sa tabi ko at nakatingin sa akin.

Umupo ako mula sa pagkakahinga at kinapa nya agad ang noo at leeg ko. "Nilalagnat ka pa" sabi nya.

Napayakap naman ako sa sarili ko, masyadong malamig dito sa practice room. Maya-maya ay may naglagay sa akin ng jacket para hindi ako lamingin. Si Taehyung.