بارت - 37

6K 388 614
                                    

" مصـير دآمس "
للكـاتـبــه فاطمه آلـ أحمد

#خاتونات

لطفاً اهم شي التصويت والتعليق بين
الفقرات +متابعه للحساب

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹

⊰ حلا ⊱

فزيت من النوم على صرخة شبه مكتومه
من شخص فتحت عيوني ادحج بالسقف
بعدها درت وجهي على اليمين رفعت راسي

شفته گاعد عالكرسي گدام البلكونه بدون تيشيرت , منطيني ظهره ديسوي شي
وبصفه جهاز جبير شكله غريب
أكو ريحة كوي ريحه مو طبيعيه صار يردد


نَجـد : ياا الله خلصت بعد خلصت

گمت على تك رجل بهدووء
حتى اعرف شبي, وگفت وراه وگف الجهاز
والصوت اختفى معقوله حس عليه؟؟

نَجـد : ارجعي لفراشج بعد وگت

كملت اعرج على تك رجل اجيت گدامه

حلا : شگاعد تسوي؟؟

نظرت على ايده كاضب الجهاز مثل القلم
بس عريض أكثر, رفعت انظاري على كتفه
وشمال صدره الدم طاگ منهن

حلا : بالليل توشم والصبح تمسح؟؟

ما يخلي عينه بعيني ولا يجاوب , رجع يكمل
ماسح الوشم اللي اجبرني اوشمها
ولونه صاير ابيض من الكوي الليزري
باقي يشتغل على ازالة الوشم اللي على
صدره حرف N وبصفه كلمة fire

حلا : واحد مريض وسافل حقير طلعت
حتى مو مسلم عجل شلون كضبت شي طاهر
مثل القرآن الكريم؟

سكت شويه وشمر الجهاز بكل قوته عالارض
گام يصيح ويتقدم خطوات وآني أتراجع
خطوات يأشر ينطي رد فعل ويا كل كلمه

نَجـد : اااي مرريض مرريض موو صااحي
متسوودن مهرررفل شنو تسميني سمي

حلا : خليتني احلف بالقرآن من كُل گلبي
الله لا يغفرلك إن شااااء الله .

نَجـد : كاافي تأذييني بكلااامچ من غير
شيي رووحي تعبااانه من غيير شي
عقللل ما باقي براسي إلا شويه وااانتحرر
وووالله ااانتحرر بس حتى ااخلص من
اصواااتهم براااسي كااافي

صرت ويا الحايط, مخلي وجه بوجهي
بچيت ويا البچيه احجي گـوه

حلا : نَجـدد ليش هيج تسوي
تحاول تخوفني تخوفني حتى ما ترجعني

مصير دآمس حيث تعيش القصص. اكتشف الآن