بارت - 30

5.7K 312 1.1K
                                    

" مصـير دآمس "
للكـاتـبــه فاطمه آلـ أحمد 🇮🇶

مســاءؤ بنيــــات گلبي

لطفاً اهم شي التصويت والتعليق بين
الفقرات +متابعه للحساب

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹

⊰ ملاذ ⊱


گمت الصبح رحت غسلت وگفت اباوع
على وجهي بالـمرايه خف التورم
بس أثر اصابعه بعدهن مبينات
دخلت نور وگفت بالباب تباوعلي
شوي واردفت.

نـور : ملاذ بعد لا تتجادلين ويا ريكو
ما يصير

انداريت الها اردفت

ملاذ : مايصير؟
بس هو يسبني ويطعن بشرفي
يصير وعادي؟ تگول ما يصير تگول

اجت وگفت يمي تردف

نـور : حجيت ويا البارحه
وگال جانت لحظة غضب وما جنت منتبه على
نفسي شنو احجي وشنو اتصرف.
وتأسف على هذيج الكلمه وگال مو آني
الأطعن بشرف بنيه بس جنت مو بوعيي

دمعن عيونها صح قويه بس بنفس الوقت
حساسه وبسرعه يدمعن عيونها اردفت
وهي تحاول ما ينزل دموعها

ملاذ : نـور آني تيتمت اهلي انقتلو
گدام عيني اخذوني عبده تحت رجلين
نسوانهم لأشهر اخدمهم وكل هذا وجنت
محافظه على شرفي ياما حاولو يعتدون
عليه بس الله سترني بستر مولاتي
زينب عليها السلام, جنت ما اغفى
خاف يتعرضولي .

سكتت تمسح بعيونها اخذت نفس, تكمل

ملاذ : وهسا هذاك الشلايتي يطعن
بشرفي ويگلي **** وياج الله اعلم؟؟؟
نـور شلون ما جان بوعيه؟ بعلي يجذب
مستحيل اسامحه

نـور : للصراحه شفت الندم بعيونه
صح جان فرحان لأن ورم وجهج بس
وحق الله حسيت تندم.

غسلت وجهي بماي بارد
وانداريت الها اردفت

ملاذ : عذراً على الـمفردات والـمسطلحات
بس الـ*** تندم وهذا ما يندم بعلي!

انلصمت اول مره ملاذ تسب هيج مسبه

نـور : ملاذوو ريلاكس ريلاكس

ملاذ : بعلي صرتي تحجين مثل
الشلايتي الأشگرر ولي من وجهي

عبرتها وطلعت ابدل حتى نروح نجهز الريوك

مصير دآمس حيث تعيش القصص. اكتشف الآن