مصير دآمس

بارت - 8

﷽
__________________________مصير دآمس

للكاتبه فاطمه الأحمد

لطفاً لا تقرؤ بصمت أتركو أثر ًٰ جميلاً منكم
التصويت والتعليق بين الفقرات ♡

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

.

.. بغداد 4:30 عصراً..

أبو حماده : أخويا ابو أبهر ابنك شوكت يرجع ، صار عمره 28 سنه شوكت تزوجه؟

أبو أبهر : والله يا خويا مشغول بحياته المهنيه ولا يمه الموضوع سنين واني احاجيه ول ابني اتزوج وابنيلك بيت وعائله.. هو قافل إلا لمن يوصل لهدفه.. ما تشوفه هسا مسافر

رهف : عمو اخويا طبعه صعب وشايل فكرة
الزواج من باله..

أبو حماده : إن شاء الله خير..اي ريري شوكت تعرسين ترا طولت السالفه هاا

أبو أبهر : هههه والله صح كلامك.. بس شبدينا
اهل الولد بالموصل يعني السالفه منا لسنه.. مو هيج رهوفه..؟

رهف : اي بابا صح السنه الجايه..
يلا آني راح اروح اجيبلكم چاي..

ابو أبهر : روحي بنيتي روحي..

گمت من عدهم واني ميته خجل هيج تلقائياً اتوتر من يسولفون بزواجنا آني وعلي... دخلت للصاله شفت مرت عمي ابو حماده (أسمهه سمر) گاعده وبصفها مرت عمي (كامل) والجهال ما شاء الله مسوين هوسه والالعاب مطشره

هند : لج رهيفه وينج ما شفناج تعاي حبيبتي

سمر : يبوو والله الجهال گلبو البيت يوم القيامه

دخلت المطبخ تصميمه مكشوف عالصاله.
. احضر الستكاين واحجي وياهن

رهف : عمه هند هسا اجي بس أودي الجاي لبابه وعمو بالحديقه كاعدين... اي ليش هين گاعدات الجو يخبل بالحديقه..

سمر : والله عمه.. گعدت نص ساعه اشو حسيت الجو بارد.. دخلت جوا

هند : وج عوفج منها گبرت بالعمر بسرعه تتعب ههههه... اي ريري شوكت تشترين جهاز عرسج؟

رهف : شبيهم هذوله كلمة والثانيه فتحو موضوع زواجي ايييي... احم لا عمه بعد وگت السنه الجايه عرسي مو الشهر الجاي..

سمر : عليمن ولج آني عمري 42.. اشو أنتِ 38 وباين عليج بعمر 45 هههههه

رهف : اصب الجاي واحجي وياهن.. ههه عمه سمر.. ترا عمه هند تتشاقه..