مصير دآمس

بارت - 27

⊹

" مصـير دآمس "
للكـاتـبــه فاطمه الأحمد

لطفاً اهم شي التصويت والتعليق بين
الفقرات +متابعه للحساب fatima_alahmad

⊹

قــــرأة ممتعه أحبتي

⊹

﴿غميجه السالفه المهضوم راعيها﴾

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹

⊰ وفـاء ⊱

ظلينا ننتظر اتصال من علي يطمنا على
البنيه واخوها صارت الساعه بـ 9 الليل
وهمه ماكو اجت مرام تگلي.

مرام : زينه اتصلت بيه تگول مطولين
الأوضاع من سيء إلى اسوء عدهم

وفـاء : والولد الأسمه "أحمد؟

مرام : ماادري صارت هوسه
يمها وقفلت الخط

وفـاء : ان شاء الله يصحى خطيه

مرام : آمين

راحت مرام ترتاح بغرفتهة
وآني بقيت بالصاله انتظرهم
مر شي نص ساعة هم ماكو خبر
سمعت صوت برا گمت باوعت بالكاميرات
ما شفت شي

رجعت گعدت , هل مره صار الصوت أقوى
طلعت برا للحديقه جنت واگفه بنص الحديقه
سمعت صوت خطوات خفيفه وراي
صوته الهادئ المرعب تسلل لأذني
و هو يردف..

حامد : ڤيلا وحراسه مشدده, كامرات!
خدم وسيارات اخر موديل حياة الرفاهيه
نساچ بنتچ؟ نساچ حبيبچ حامد؟؟
ليش ما تزوجتي فرد مره احسن؟؟

لمن عرفته هو انداريت
و آني جبل ما يهزك ريح ولا رجف گلبي مثل
كل مره چنت اشوفه بي

وفـاء : هاي الرفاهيه التشوفها
كله بحلال و بتعب ابني بحلاله
ما ناسيه بنتي بس مطمئنه هيهَ
بأيدي أمينه خالها موجود وياها

تقدم خطوه , تبسمرت ما تحركت
اردف بإستهزاء..

حامد : محمد المرحوم؟
تقصدين الصوبت عليه بنفسي؟؟

لمن هيج گال شهگت مخليه أيدي
على گلبي ,اردف مكمل

حامد : اخوج المحترم سوالي كمين
وآني صوبته اكيد هسا شابع موت

اردفت وآني گوه امثل القوه

وفـاء : لا مو صح تجذب

حامد : وهسا بنتج بوحدهه بين كومه زلم
وانتي عايشه حياتج ولا همج!