مصير دآمس

بارت - 15

﷽
__________________________مصير دآمس

للكاتبه فاطمه الأحمد

لطفاً لا تقرؤ بصمت أتركو أثر ًٰ جميلاً منكم
التصويت والتعليق بين الفقرات ♡
fatima_alahmad

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

نترت أيدي بعصبيه واندارت للشبين!!

نـور : بصوت عالي... هْيييوو انتووو شكوو لاحگينا
ما تستحون!. لا شنو هذا السؤال وينكم ووين المستحه!!

:- والله مبين منو المايستحي.. صووتج شبيج

نور هنا طلعت المسطرة من جيب الجنطه وتقدمت كم خطوة وتحجي وتلم الناس بصوتها.. يبوو انفضحناا

نـور : عييد شنو گلت شنوو گلت؟!.. اني الما استحي؟
هسا اطبق كلامك وحق محمد وآل محمد

:هههههههه استقري ليدي ديانا.. ما گلنا شي

هذاك يحجي ونور تحجي والناس التمت واجا رجال جبير يطلع عمره بالـ60 يسألنا شكو

- عمو شبيجن صواتكم واصله للفرع الثاني... ابني شرايد منهن؟

:يا عم سالفه تافهه معليك

نـور : عمو هذا جذاااب لاحگينا من اول ما طلعنا من المدرسه.. وذاك يذب حجي وهذا تحارش. واكيد ما انزل راسي وامشي لااا اني اخذ حگي من حلگ السبع وفنه اليگول مو حقج!

- عمو حقج ونعم التربيه
يلا امشوو مناا يلاا

:الفرع فرع ابوك واني ما ادري؟! ما امشي بكيفي اني!

نـور : لاااا أنت كلش أدبسز وما تحترم

ما حسينا إلا نونه هجمت عليه تضربه على أنفه وطگ دم ومناك فزعلنا المخظرجي واجا ابو الدكان هم لازمين دك جلاليق و تفلات عليهم واني اجر نونه ماا اگدر ماسكتها من خصرها واجرها وهيه مستمره تدفر الولد وتحجي بعصبيه...

نـور : ااابوو الوصخخ اااني تتحارش بيييه لكك انييي
ساعتك السوده لمن اندگيت بيييه هاااك اشبع دفرات هذا جزاتك لللك اكسر أكبر راس اذا مسني بحجايه فمابااالك لاحگني من فرع لفرررع يااا نذذذل

:- اااخ بوياا انكسر ايدج لج كاافي والله ما اعيدها والله
شبيييج جعفوووره موو مبين عليج خررررب