အဖြေလွှာ စာရွက်ပေါ်က နာမည်က ရှန်ယန်။ သူမရဲ့ယန်ယန်ပဲ။
"အိုး မားမား သားပြောချင်တာ အဲ့ဒါပဲ ညီမလေးက သင်္ချာစာမေးပွဲမှာ အမှတ်ပြည့်ရခဲ့ပြီး တစ်တန်းလုံးမှာ ပထမရခဲ့တယ်လို့ သားရဲ့မိတ်ဆွေက ပြောပြခဲ့တာလေ"
ရှန်ယွီရှီးသည် နောက်ဆုံးမှာ အသက်ရူပေါက်ကိုတွေ့သွားသလိုမျိုး တရစစ်ပြောပြလိုက်တယ်။
ခန်းဝေကျန်းက စိတ်အားထက်သန်စွာဖြင် သူ့နဖူးကို ရိုက်ချလိုက်ပြီး
"ဒီလို သတင်းကောင်းကို နင်ဘာလို့စောစောက မပြောခဲ့တာလဲ"
"မားမားပဲ သားကို ပါးစပ်ပိတ်ထားဖို့ ပြောပြီးတော့..." ရှန်ယွီရှီးက စိတ်ထိခိုက်သွားတယ်။
ခန်းဝေကျန်း အာစေးမိနေတယ်။
သူမသည် စာရွက်ကို စိုက်ကြည့်ရင်း မျက်လုံးများက ပြူးကျယ်ကာ မျက်နှာက တောင့်တင်းသွားကာ မယုံကြည်နိုင်စွာဖြင့် သူမကိုယ်သူမပြန်ပြောနေတယ်။
"ဒါက အမှန်ပဲလား။ ငါအိပ်မက်မက်နေတာတော့ မဟုတ်ဘူးမလား"
"အင်း အဲဒါအမှန်ပါ" ရှန်ယန်က လက်ဖက်ရည်ကို တငုံစာသောက်လိုက်ရင်း ဘာမှမထူးခြားဟန်ဖြင့်ပြောလိုက်သည်။
ရှန်ယွီရှီးသည်လည်း လည်ပင်း ကျိုးလုမတတ် ခေါင်းညိတ်လိုက်သည်။
"ယန်ယန် စာမေးပွဲမှာ ဒီလောက်မြင့်တဲ့ရမှတ်ကို သမီးဘယ်လိုရခဲ့တာလဲ"
ခန်းဝေကျန်းသည် ထိတ်လန့်သွားမှုမှ ပြန်လည်သက်သာလာပြီး ရှန်းယန်ကိုကြည့်လိုက်တယ်။ သံမဏိလေဒီသည် စိတ်လှုပ်ရှားမှုကြေယင့် ထစ်ထစ်ငေါ့ငေါ့နှင့် ပြောလိုက်သည်။
"သမီးက ကျောင်းစာအုပ်ကို ဖတ်ပြီး ရံဖန်ရံခါ လေ့လာခဲ့တာ"
ရှန်ယန်က ပေါးပါးစွာ ပြောရင်း ထို့နောက် အသားပေးကာ ထပ်ပြောလိုက်သည်။
"သမီးက ပိုင်လွမ်ရွာမှာနေပေမဲ့ အင်တာနက်ကနေ စာအုပ်မျိုးစုံကို ဝယ်လို့ရတယ်လေ အဖွားကလည်း သမီးအတွက် စာအုပ်တွေဝယ်ပေးဖို့ အရမ်းဆန္ဒရှိခဲ့တာ"
YOU ARE READING
Bigshot ပြန်လည်မွေးဖွားပြီးနောက် ကမ္ဘာကြီးကိုလွှမ်းမိုးခဲ့တယ် (MM-tran)
Romanceဆယ့်ခုနစ်နှစ်ကြာ ပျောက်ဆုံးခဲ့နေသော နာမည်ကြီးရှန်မိသားစု၏ အငယ်ဆုံးသမီးလေး ပြန်ရောက်လာပြီဖြစ်သည်။ ကျေးလက်မှ ဆွံ့အသော အဖွားတစ်ဦးမှ သူမကိုပျိုးထောင်ခဲ့ချိန်မှစ၍ သူမဘဝ ပျက်စီးသွားခဲ့ပြီဟု လူအများက ထင်မြင်ကြပြီး ရှန်မိသားစုကို သူမ မည်ကဲ့သို့ အရှက်ရစေမည်က...
